أمنية منذ الصغر

وعليكم السلام والرحمة

(}) هلا والله وغلا بأم نــــورة (})

بالنسبة لي كانت أمنيتي أن أصبح ( طبيبة أسنان )

لكن مع الأسف الشديد عند تخرجي من الثانوية ، وجاء الجد

رفض والدي ، قال مالك ومال الشقاء ، وخصوصاً إني راح أتزوج

بعد السنة الجامعية الأولى

مع العلم أن والدي كان يشجعني على التفوق ، وعلى أن أحقق أمنيتي

لكن الحمد الله على كل حال .......رحت لتخصص ( الكيماء) :s

جبت الغثاء لنفسي

ههههههههههه ياحليل بنت خالج 00
أنا كان عندي طموح فوق السحاب
كنت أبي أصير مضيفه :eek:

وماصرت طبعا:rolleyes::p

انا امنيتي منذ الصغر ..و لين الحين اتمنى هالامنيه انها تتحقق...

تمنيت ان ادرس صحافه و اصبح كاتبه...

احب الكتابه لدرجه فظيعه....الكتابه اعز صديقاتي.....بس للاسف الشديد ..

الاهل عارضوا و بشده ان ادرس صحافه....

يقولون انها مهنه المتاعب و ما تناسب البنات..

درست ادراه اعمال.....و صح انا اكتب الحين خواطر و اكتب مواضيع تعالج قضايا

المجتمع و انشرها في الجرايد..بس هالشي ما يرضى طموحي..

و انشاء الله يوم باتزوج باترك العمل و بارجع ادرس مره ثانيه ...و دراستي اكيد بتكون الصحافه..

ياهلا باختنا الكريمه وام الاطفال اقصد ركن الاطفال الفاضله

امنيات كثيره تجول بخواطرنا حينما كنا اطفالاً

ولكن تجري الرياح بما لاتشتهي السفن


تمنيت ان اكون معلما للقدوه التى اراها بمعلميي الافاضل

وتحققت ولله الحمد والمنه هذه الامنيه


اديب

يا هلا و مرحبا فيج يا هموسه :)

ما شاء الله عليج جريئه انا مجرد ما اسمع بطبيب الاسنان امووووووووت من الخوف ههههههه

الله يسعدج يا عيوني :)

تسلمين على مشاركتك الجميله لموضوعي

و بصراحه انا اخااااااااااااااااااف مووووووووووووووووووووووووووت من الطياره هيهيهيهيهي

يعطيج العافيه حبيبتي :)

هلا والله اختي رومانسيه

الصحافه مهنه جميله جدا و اغلب الاهل يعارضون دخول بناتهم لهذه الشغله خوفا عليهم من المشاكل ... اختي الصغيره تعاني من نفس المشكله الان :s

الله يوفقج و ان شاء الله تقدرين تحققين امنيتك بعد الزواج

:)

يا مرحبا بك اخوي الكريم و مشرفنا الكبير اديب

مروورك و ردك لموضوعي يزيدني شرف.
و الحمدالله انك حققت امنيتك

و انت نعم القدوه لنا و لطلابك ايضا

اختك ام نوره

اشكرك اختي الغاليه ام نوره على موضوعك المميز..

بالنسبه لي اول شي تمنيت اكون مضيفة طيران..تعرفين واحنا اطفال

كله نبي نسافر ونحب الطائرات;) وعقبها تغيرت امنيتي لما بديت اتعمق

بالدراسه ...صرت ابي اكون طبيبه عامه... مع العلم اني جايبه مجموع

قوي واقدر اطلع في بعثه لأي دوله لكن الأهل ماكانوا يشجعون...:(

لكن مع ذلك صارت هوايه عندي التمريض...خبرك مع الوالده الله يطول

بعمرها.... اقيس سكر ..اقيس ضغط...اللي يبي خدمات انا حاضره:cool:

وفي النهايه واللي ماتوقعته اني اكون خريجة اداره واقتصاد تخصص

محاسبه .....:eek:

انا منذ الصغر تمنيت ان اصبح مذيعة لنشرة اخبار او برنامج مسابقات والحمد لله امنيتي تحققت ودخلت تخصص اعلام وتلفزة وممكن قريبا ابدأ في العمل بامنيتي:cool:

غاليتي الأمورة ...

هههه إي والله واحنا يهال نبي نصير كل شئ ... كل مانشوف مهنة جديدة علينا نبي نصير مثلها ... بس بالآخر مايصير إلا اللى ربي كاتبه ... والحمدلله على كل شئ.

أختي نسرينا

الحمدلله أن امنيتك على وشك ان تتحقق ... وفقك الله في كل ما تطمحين الوصول إليه.

أم نوره


انا مثل الجوهره بس مومضيفه

كابتن لطائره ههههههههههههههههه

شوفي الجنون .......................بس بيني وبينك نفسي احققهااااا

انا ماخليت شغله الا واتمنيتها...
ومن سنه تخرجت وللحين ما توظفت؟؟؟

انا يوم صغيره كنت اتمنى ادرس خارج الدوله ويبت مجموع حلو ممكن ادش بعثه بس اهلي ما رضوا وتزوجت زوجي ما رضى دشيت الكليه ما في حل ثاني

ام نوااااااااااااااااااااااااره .. كيفك ... :)


أنا ييت أنور الموضوع ... قاصة على عمري ومصدقة :cool:




أنا عاد كان لي وايد طموحات .. ووااايد منها راااح في الفااشووش :p



كنت أبي أصير طبيبة .. وكنت بصير بس هونت لأني طلعت أخاف من مناظر الدم والجروح والذي منه.. مرة أخوي قبل سنين جا البيت متهاوش من الخاطر مع واحد ( المرة الوحيدة في حياته ) وثيابه عليها دم .. ما تحملت ظهري عورني وبغى يغمى علي :o


كنت أحلم أطلع مدرسة .. بعدين هونت .. التدريس مسئولية كبيرة مع إنه حلو بس يبيله صوت عالي وأنا صوتي يخترب بسرعة إذا انفعلت :s


كنت أحلم أكون في السلك الدوبلوماسي لأني كنت أحب السياسة .. متأثرة بالجو العام


محامية ... وهم هونت


صحفية ... حشى ما خليت شيئ


وفي أحلام اليقظة .. كانت تجيني مرات وأنا طفلة كنت أحلم أطلع ممثلة ... طفلة متأثرة بالافلام الهندية :p .. خلاص عقلنا وبطلنا ... أوووف لوو صاار تشذي تشان اهلي ذبحوني وما شفت النور أبد


والحمد لله درست وخلصت .. حاسب آلي وأنا أحب تخصصي كثير واخترته عن اقتناع .. وأفكر أسوي ماجستير في هندسة الكمبيوتر بس لما أتفيق للدراسة ونس أقين


وإن شاء الله يجي النصيب وعلى طول على بيت العدل :p


تشان أقول قصة حياتي السموووحة :o :D

العنووووووود

قال كابتن طيارة قال ... ومن بيركب معاج ان كنتي إنتي الكابتن :p ههههههه

أمزح ... أمزح... لا تدفين ... هيهيهيهيهي (( يا حلو حجيكم))

و آسفة على التأخير :D

عروس قديمه ..

انتي عندج أحسن وظيفة برأيي وهي إنك ربة بيت ... الله يقومج بالسلامه ان شاءالله وبتصير وظيفتج بعد أصعب ... بس أحلى الوظايف. :)

والسموحة على التأخير

والحين دور فاكهة المنتدى :D

يمكن الأهل في بعض الأحيان يمنعوننا من اشياء نحبها وودنا نسويها ... بس تأكدي إنهم دائما يبون مصلحتنا ... و صدقيني ... و أتكلم عن تجربة ... الغربة والدراسة بعيد عن الأهل ... و خصوصا للبنت ... وااااااااااااااايد صعبة!

ربي يوفقج بحياتج الزوجية وان شاءالله تكونين مرتاحة بالكورس اللي دخلتيه.

و آسفة على التأخير