مشكلتي مع خادمتي.....شسوي

هذا حال الشغالات حبيبتي اول ما تجي تكون شحلاتها ومافي احسن منها
لما تستقر وتثبت نفسها عاد تتبطر على النعمة بس هم ما نظلمهم ضغط الشغل عليهم
وابتعادهم عن اهلهم وعيالهم صعب حيل بس انتي حاولي تكسبينها يعني اذا رحتي السوق
اشتري لها شغله فرحيها فيها او اذا عندج اغراض او ملابس زايده او ما تبينهم عطيها منهم
وطلعيها معاج بس هم لا ادلعينها وايد يعني لا اطوفين لها وايد امسكي العصا من النص شدي وارخي
واذا ماكو فايده فيها انذريها مره ومرتين وثلاث وخلي ااصحاب المكتب يكلمونها يخوفونها شوي
واذا ما انصلح حالها اطلبي لج غيرها وسفريها وريحي نفسج والله يعينا على الخدم وبلاويهم ..

اتمنى اكون افدتج بشي وان شالله البنات يفيدونج اكثر

الله يعينك اختي..
بس اتوقع لو تقولين لزوجك مثلا ويكلمها بهدوء عن الي تسويه ترى تخاف اذا درت ان كل شي يوصل للزوج...
والله يسخرها لك ان شاءالله

هلا اختيه

ممممممم ابصراحه ذكرتيني ابشغالتنا -- نفس الحاله بس اللي عندج وايد اهون من اللي عندنا -- نحنا دوم وايها ضرابه -- مع انه امخلينها في حالها ودوم امحطيه دوبها في دوب الوالد مع انه ابويه ريال عود (كبير) بس هييه ملسوونه -- الحينه بتكمل سنتين على الشهر الياي بس نحن خلاص مانروم نستحملها اكثر وبنسفرها عالاسبوع الياي -- مع انها تشتغل ونظيفه بس ملسونه

اما اذا شغالتج زينه ونظيفه وتشتغل وانتي تبينها اتكمل 4 اسنين -- كلميها قولييلها انج بتخلينها بس ابشرط ما تلاسن واذا سمعتيها اتلاسن او سوت شي هاك الساعه سفريها وقولييلها -- تراج عايشه في نعمه في شغالات عايشين في بيت كبييييييير وفي 10 اصغاريه وكملوو 10 سنين عايشين في نفس البيت -- عاد انتي قصي عليها عشان تتشجع واتسكت حلجها خخخخخخخ

:up:

عزيزتي الله يعيينك

بس مثل ما تفضلوا الاخوات هذا حال أغلبية الخادمات اذا استمرت تشتغل لفتره

بس نرجع نقول مثلهم مثلنا لابد المزاج سبحان الله كل دقيقه بحال

شخصيا الوالده تعاني مع خدامتنا رغم انها معنا من 13 سنه تخيلي !

يعني والله تعامل معاملة فرد من أفراد الاسره

تسافر ديرتها وترجع لنا من كثر ما لقت الراحه , لا وبعد جايبين لها

بنتها تساعدها والله بس تتوقعين هالشي ثمر فيها ؟ بالعكس

الآن صارت تبي تفرض رايها وذوقها فرض ..وكله من أمي الله يهديها

المعاملة بالحسنى محد يختلف عليها بس بعد الحزم بمواقف مطلوب

يمكن كلامي ذا ماله دخل بموضوعك اختي بس اني أبي أوصل نقطه وحده بس

(لاتكن ليناً فتعصر ولا صلباً فتكسر )

الحزم مطلوووب والرحمه مطلووبه

والنقطه الي قالتها أختي جفني جفا فعلا مهمه وهي موقف الزوج أو رب الأسره

هم بالعاده يتحاشون أن رب الأسره يحتك فيهم ويوجه لهم أي ملاحظه

خليه يكلمها وبتلاحظين تغيير ان شالله

الله يسخرها لك ياغاليه ويصبرك على هالسنه

حبيبتي كويتية .. الله يعينج بصراحة أنا عندي الشغالة حدها سنتين واذا تبي تقعد زيادة نمدد إقامتها بس تسافر وترجع مستحيييييل لأنها اكيد بتشوف نفسها وتحس إنا ما نقدر نستغني عن خدماتها
بس هم نقول حرام يكفي غربتهم وشقاهم عشان الفلس .. من رايي تكلمينها وتقولين لها ما ترد عليج لأانج خلاص ما تتحملين هالشي
وتبين الصج أهم ميزة بشغالتج إنها أمينة هالشي بعيوني كنز نادر تحصلينه بالشغالات
الله يعينج حبيبتي وان شا الله تريحج الأيام الياية

مشكورين حبيباتي على ردودكم ....بس والله ان ابو العيال جم مرة يكلمها تخاف شوي وبعدين تعود ريمة لعادتها القديمة........وانا مو مقصرة معاها بشي بس على قولة امي ( بو طبيع ما يجوز عن طبعه ).......وانا الحين حاقرتها علشان عيالي عندها الصبح لأني ما قدر كل ساعة اوديهم عند امي.....ساعات اساحلها وساعات اشد معاها....بس هم ماكو فايدة اذا قتلها اسفرج تقولي ( ما يكالف ماما اكو عشرة بيت يبي انا .......انا اشتوقول واجد زين )....هاهاها قمت اتكلم مثلها.....عموما انا باصبر لمن الله يحيينا لي السنة اليايه وبعدين راح اذلفها.......

بس فيه سؤال شنو الجنسيات اللي تحسون انها ما عليها وايد مشاكل؟ لأن انا اللي عندي سيلانية .......انا ادري بتقولون انهم حظك نصيبك....بس هم ردوا على سؤالي الله لا يهينكم.........وما قصرتو

يلا باااااااااااااااااي

السلام عليكم ورحمة الله وبركاته

أتمنى أقدر أساعدك أختي...

بس ما عندي خبرة مع الشغالات...

إن شاء الله البنات ما بيقصروا

أهم شي ما تضرج وخلاص

kwaiteyah100%

هلا وغلا والله
[grade="00008B FF6347 008000 4B0082"]شر لا بد منه [/grade]

بالعكس تحمليها حتى نحن بعض المرات نضحك وتلاقينا فجأة نبوز
سبحان الله محد خالي
تخيلي بشكارة يعني تتم داخل البيت تكرف بس شغلتها كراف ( الحمدلله الذي فضلي على خلقا كثيرا)
صراحة انا اتم في البيت ومرات أظهر ولا أشتغل يعني نادر ما اشتغل بالبيت اطفرر واتحلطم
كيف هي؟ يعني الواحد تيي فترات شرات جي
اذا كانت زينه ونظيفة وشغيله وعيبها تتحلطم تحمليها
اهم شي ماتكون نقالة كلام

انا اعتقد البشكارة تسوي جذي لما تشوف شغل البيت زايد عليها يعني هي تسوي كل شي

الله يوفقج ياغاليتي دنيا وآخرة

لا والله اخت مسك وورد.......انا مخليتها تنظم شغلها على كيفها وترى انا اساعدها بالتنظيف وامسك عيالي اذا عندها شغل وتاخذ فترات بريك تسوي فيه اللي تبي وتنام بعد الظهر.....لكن اكتشفت انها ما تنظم الشغل تبي تسوي كل شي بوقت ويوم واحد علشان جذي تتعب ......بس اهي طبعها تتكلم وايد مثل العجوز وساعات تنقل حجي ......وتخيلي امي وخواتي ما سلمو من لسانها رغم انهم ما لهم شغل فيها....

صدقوني خواتي كل اللي اقولكم اياه صحيح......واحسها تطالع غيرها من الخدم .حتى اذا الناس بيشيلون عيالي تغار وتركض تاخذهم مما يسببلي مشاكل مع الناس وبعضهم يعصبون عليها.....وهذا غيض من فيض

اهي اول سنتين ما كانت جذي بس الحين غير
انا ما قول اني ملاك هم ساعات اكون متضايقة وما لي خلق حتى نفسي بس اقول الحمدلله .....لكن اهي على طول تتحلطم تخيلو انسانه طول ما هي ماشية بالبيت تتحلطم وتشكي وتكلم نفسها حتى وهي بالمطبخ ......اللي سالعات اقول يمكن اهي ملبوسة والعياذ بالله....

عموما ما قصرتو واقول الحمدلله احسن من غيري......بس انا الحين ما اعطيها ويه وايد ولا اسولف معاها مثل قبل لأني تعبت.....علشان جذي اهي الحين بتنفجر بس والله لا تلوموني لأني ملييييييييييييييييييييييييييييييييييييييييييييييييت


ما تلاحظون اني لمن ارد وايد اقرق .....شسوي من عاشر القوم....


يلا باااااااااااااااااي

الله يعينج يا اختي

عزيزتي

اجعلي نصب عينيك دائما في معاملة الخادمات الغموض
بمعنى اوضح
ادخلي عليها في المطبخ واطلبي منها ما تريدين
مثلا:
اغسلي الملابس
او
اكنسي الغرفة
او
اغسلي الأطباق
ولا تنتظري جوابها بل اخرجي فورا
اي لا تكثري الجدال معها
ليسود الاحترام علاقتها بك
وحتى تقلل من كثرة الكلام
ولكن لا تنسي اذا اشتريتي الاكل من الخارج ان يكون لها نصيب منه
وكذلك لا تبخلي عليها ببعض الحلوى التي تشترينها دائما
فهم قبل كل شيء بشر
يتألمون مثل ما نتألم
وفقك الله ورعاك

ذكرتي بشغالتنا


اذا قلتلها السكر زايد تضربها بوز 3 ايام ههههههههه

وانا اطنشها ولا كنه شي صاير


احسن شي التطنيش

والله يا اختى انا بنصحك انك تتكلمى معاها وتعرفى ايه ال ممكن يكون مضايقها عشان انتى بتقولى انها شاطرة وامينة ودة شئ نادر فى الشغالات ولو ما جاب معاها نتيجة بلغى زوجك بحالها وهو هيتكلم معاها ويحرجها

ادعى لكى بالتوفيق والله يعينك عليها

مشكوووووووووووووورين حبايب قلبي على وقفتكم معاي.............والسنة الياية اذا الله احياني راح اقولكم اذا سافرت ولا لأ.........بس عاد تذكروا الموضوع.........خخخخخخخ
نسيت اقولكم انها كلما ازفها على شغلة غلط تقولي ( انا مايبي يقعد هني انا يبي روح مكتب ) وبعد 3 ايام تقول ( ماما انا يبي يقعد ما يبي يروح ) .....تخيلو انه هالشي قعد يصير كل شهرين تقريبا نفس الإسطوانة........علشان جذي مليييييييييييييييييت
والله يعيني ويعينكم....... :)

يلا باااااااااااااااااي

السلام عليكم أختي كويتية

لله يعينج الصراحة

احنا نفس الحالة تقريبا دوم مشاكل ويا البشاكير

انشد و نرخي و ياهم و نفس الشي

بالعكس لمن اتعصبين يزيدونج من شغلهم التعبان

و لمن اتخوفينهم من عذاب الله بسبب غشهم لنا بالشغل التعبان تتوفعين شو ردهم>>> و الله الله يدري شغلنا زين؟؟؟؟

صدق فيهم وقاااااااااحة درجة اولى

بس اللي صدق ماسك بشاكيرنا هو البيزات

امي اذا شافت البشكارة مصختها بسوالفها بعد ما اتخلص ضمان المكتب و اتم مدة على حالتها تاخذ منها راتب شهرين او 3 تمسكهم عنها
و اتخبرها انها ماراج تعطيها لين اتخلص مدة شغلها وهي طالعه من البيت للمطار بتاخذ بيزاتها كااااااااااااااااااااملة

صدق يصطلبون بس العناد لا بد منه

تدرين هي عندها نوع من الثقة بالنفس الزايدة عن حدها و اللي أشوفه انج اتخلين اختج اتقول لج جدامها >>> انتي كيف مستحملتنها لو انا اردها بلادها مافي حد يخلي بشاكير لسانهم طويل عنده في البيت حتى لو كان شغلها وايد زين.......

و خلي اختج اتسمعها نفس الكلام بين مدة و مدة عشان اتحس انه غير مرغوب باللي مثلها


و الله يوفقج ان شاء الله و يعينج على ما ابتلاج


أختج


الخرشة

هذي ما يبي لها كلام

سفريها .. مو هذي اللي قاصر أييب لي وحده تريحني تقوم اتعبني أكثر

خلها تروح .. دخلي عليها يوم وقولي لها جهزي شنطتج باوديج المكتب وخلج حازمه ولا تتنازلين .. ترى إذا تنازلتي لا تقولين مشكلتج مره ثانيه لأني عصبت عدل:mad2:

وهي طبعا بتصيح :cry: لا ما ما أنه في شغل آنه في صير زين آنه في غسل ريول إنته، معليش من كلامها خلها تروح المكتب
وتعرف اشلون يعاملونها هناك، شكلها ما جربت غيرج

وغلطتي وايد إنج تفتحين سوالف مع الخادمه، خذت عليج وتبغيج تساعدينها في البيت و و و و و

وأحسن الخدم الهنود في الطاعة والأمانه (طبعا مو كلهم بس معظمهم إذا حصلوا معامله جيده)
وأما عن النظافة عندج الفلبينيات (بس إنتي فصلي لها ثياب للعمل لأنهم وايد يحبون الجينز وعشان ريلج ما تلف عيونه)
وإذا حصلتي خدامه مسلمه بعد خير وبركه ولو إن دينهم مو ذاك الزود لكن الواحد يرتاح لصلاتهم وصيامهم

وعيالج ثم عيالج يسمحون لي الحريم الخادمة مو مسئوله عنهم وعن تربيتهم الحضن اللي يابهم يشيلهم.

حبيبتي الخرشة.....حسبالج انا ما سويت جذي وخليت اختي تقول جدامها هالحجي......شنو قالت ( ماما انا مايبي يجي بيت ماما مال انتي ) قلتلها مو بكيفج انتي قعد تشتغلين عندي ووين ما انا اروح تروحين معاي .....اسكتت وابلعتها........

حبيبتي قطاف.........انا عصبت اكثر منج ( والله توني صابغة شعري ومن العصاب طاحت الصبغة بسرعة........حسافة على الـ20 دينار مالت الصبغة )..بس انا الحين ما قمت افتح معاها مواضيع وحاقرتها وذا شفت انها بتقرق قمت اهدها وامشي عنها لمن بروحها تسكت.....واذا شفتها تتكلم بصوت عالي اقولها قصري صوتج بالبيت مع شوية عين حمرا (انا عيوني عسلية بس مع الأعصاب سبحان الله تقلب حمرا.خخخخخ).....والله كريم

مع السلامة وتابعوني بمسلسل ( يومياتي مع خادمتي )

يلا بااااااااااااااااي

بصراحه فعلا الله يعينك