أطلب الطلاق؟؟؟

السلام عليكم ورحمة الله وبركاته

هلا فيكي أختي أم محمد...

شوفي أختي...

كلنا يعاني من مشاكل في بيته...بالذات في أول سنة زواج...

اللي زوجها لسه متعلق بأهله...اللي زوجها أمه مسيطرة عليه...اللي زوجها بخيل...اللي زوجها عصبي و عنيد..اللي زوجها يسهر كل يوم بره و يتركها لوحدها...اللي زوجها يخونها...و كثير كثير كثير...

لو كل واحدة عندها مشكلة مع زوجها فكّرت بالطلاق...و الله ما راح تلاقي ولا واحدة في بيت زوجها أبدا...

كل بيت في مشكلات ..لكن الزوجات تداري...و تتعامل بطريقة صح...علشان حياتها تمشي...

ما تقولي لي أتطلق و أبوي ما بيقصر...لأ بيقصر...لأنه والدك...بس مش والد البيبي الجاي...شو ذنب البيبي ينحرم من والده ؟ ترضي حد يحرمك من والدك ؟

يبقى الحين نشيل فكرة الطلاق من راسنا تماما...

و نيجي للمشكلة الأصلية...شوفي أختي...طول ما الرجل قاعد في بيت أهله...لازم يثبت لهم إنه عنده ولاء لهم...و حبه لهم ما تغير بعد الزواج...و يثبت ذلك بإنه يتقرب منهم أكثر...و يعطيهم فلوس...

لكن مثلا لو كنتي قاعدة في بيت لوحدك...كنتي راح تلاقي هذه المشكلة غير محسوسة...

نفترض إنك لن تقدري تنفصلي مع زوجك في بيت لحالكم...

يبقى لازم تكوني ذكية و تتعاملي مع الموقف بطريقة ثانية...

هو لاقي منهم الحب و الحنان...و إنتي دايما عصبية و مش عاجبك تصرفاته...طبيعي يروح و يميل ناحية أهله...

ليش ما تكوني ريلاكس و تحاولي تمسكي نفسك شويه لو سمعتي عن فعل مش عاجبك...قولي له صح و الله لازم تعطيهم...تلاقيه يفرح عليكي...و تلاقيه في نفس الوقت ما بيرفض لك طلب...لأنه بيحبك...لأنك بتحبي أهله...

اللي أحاول أقوله لك إنك تكوني ذكية...و ما تنفعلي...و إمسكي نفسك...و وازني أمورك صح..بحيث تخلي زوجك منا يقدر يستغنى عنك أبدا...و يتمنالك الرضى ترضي...

و تلاقي أهله كمان صاروا في صفك...و ما سمحوا له يزعلك أبدا...

أتمنى تكون فكرتي وصلت لك...تمنياتي لك بالتوفيق..

مشكوره اختي مرموم حبيبتي انا اعامل اهله بكل طيب ومستويه سايق حق امه وانا حامل اوديها وين ما تبا وخواته نفس الشي وكلمة شكرا ما اسمعها بس انا لو مت ما بيودوني مستشفى الوضع اصعب من ما تتخيلين وانا كرهت زوجي خلاص

السلام عليكم ورحمة الله وبركاته

هلا أختي...

أختي ما تذلي نفسك أكثر من اللازم...ضعي حد لكل شيء..

يعني من الأول فهميهم إنك حامل و ما تقدري تسوقي سيارة...

ما تشتكي لزوجك كثير منهم...لكن إنتي صرفي أمورك معاهم...و خليهم يعملوا لك حساب...و يعرفوا إيش اللي يضايقك...

صدقيني أختي هذه ضريبة السكن في بيت أهل الزوج...تعب و تحتاج حذر في التعامل و قوة في الشخصية

الله يكون في عونك يا رب

كيف ارجع احبه مره ثانيه كيف؟؟؟؟؟؟؟؟؟؟؟ تعبت يارب افرجها علي ويه هالنصيب ) :

بس الخت مرموم مهتمه ليش جي خواتي انا محتاجه نصايحكم ورايكم لا تبخلون علي

السلام عليكم ورحمة الله وبركاته

أختي إنتي الحين مركزة كل حياتك على هذه المشكلة و عايشة فيها كل يوم و كل ساعة و كل لحظة...لذلك طبيعي تحسي بالزهق...و الكره...

غشغلي نفسك بأشياء ثانية مفيدة لك...و راعي صحتك...ترى إنتي لو مهمومة البيبي بيطلع عصبي و مهموم و يصيح كثير...و بيتعبك...

لكن لو سعيدة و تضحكي...تلاقي إبنك علطول فرحان و يضحك...

و بس ييجي البيبي راح تلاقي نفسك نسيتي كل العالم و كرستي حياتك علشانه...الله يجيبه لك بالسلامة إن شاء الله

ا السلام عليكم ورحمة الله وبركاته

اختي ام محمد انا رايي مع راي الاخت مرموم و بعدين انت توج ماصار لج سنه صبري شوي صدقيني لما تسمعين مصايب باجي الناس يهون عليج كل شي . اختي ممكن انتي صايرة شوي حساسه مع الحمل ولانج توج ببداية زواجج و كنتي متوقعة وضعية احسن من جذي . لا تتسرعين وتفكرين بالطلاق ترا الي مافيه خير باهله ماراح يكون فيه خير لج عدل والا لا؟ و باجر انشالله تلقين جزاء هالشي احسن مما تتوقعين .
انا ارجح ليما الحين انج حساسه بسبب الحمل و لان توج ماتعودتي علي الوضعية ليما الحين صبري شوي ان الله مع الصابرين

و نبيج باجر تدشين النت و تقولين انا شلت هالفكرة من مخي تماما

الله يوفقج اختي :smile::smile:

اختي ام محمد....عندي سؤال؟؟؟؟
بما ان زوجك قادر يصرف على اهله ليش مايسكنك بروحك برى وترتحين من هالمشاكل....وبعدين انتي توك باول حياتك لا تفكرين بالطلاق نهائيا...والواضح ان الحمل مأثر على نفسيتك كثير.......اتمنى لك التوفيق

حبيبتي
مثل ماقالو البنات انتي لسا باول سنه
هذا شئ
والشئ الثاني ناك عايشه معهم يعني لابد انه يتعلق فيهم ويكون تحت سيطرتهم
حتى لو كان عمره خمسن
عزيزتي
الطلاق مو حل وشعورك بالكره لك عذر فيها
لكن وبعدين وتطلفتي ةين تروحين اهلك مو جودين بس مو كل العمر
استهدي بالله واجلسي مع زوجك جلسه خليك صارمه بالكلام يعني مو صراخ لكن جديه وتفاهمو
عشان تعرفين وضعك
والله يسهل عليك

الغاليه فكرة الطلاق شيليها من راسج حبيبتي وايد بنات بأول سنه ما يرتاحون ويا ازواجهم بس بعدين يتغير كل شي .. انا الحين متزوجه من ست سنوات وفي بداية زواجي ما كنت مرتاحه مع ريلي مع انه الحمد الله ما مقصر وياي بشي وكنت ساكنه ويا اهله .. بس بعد السنه كل شي تغير .. حتى من خمس شهور تقريبا يتني حاله غريبه صرت احب اضايج بريلي واخليه يعصب مني وجيه بس الحمد الله بعد شهر ارتحت ورديت مثل قبل ..
وفي فترة الحمل تحسين انج مضايجه من اشيا وايده وانشاء الله لما تربين بترتاحين ..
بس انتي اقري قرآن ولا تفكرين بشي وبالنسبه لأهل ريلج تقدرين تقولين لهم انج تعبانه وماتقدرين تودينهم مكان .

واضح إن الريال يحب هله

فلا تخلين مشاكلج سببهم أهله

قولي له مثلا وضعنا صعب واليهال لما يجون شلون بنعيش نبغي نوفر الحين عشان نشتري بيت ومن هالكلام
أو فاتحيه بموضوع شغلج مثلا إذا ما كنتي تشتغلين قوليله أبغي أشتغل أو أبغي أدرس طبعا بعد الولادة
سوي لج أي دبره تبعدج عن هالجو وبعدها فكري بهدوء

سافري معاه بره وعيشو شهر عسل وغيرو حياتكم
قعدي مع أهله بعد السفر وتقربي منهم بس بحدود

وتعالي اهني شنو تسوين روحج سايق لأهله لا هذا اللي ناقص بعد

بس الظاهر مب بس زوجك شخصيته ضعيفه إنتي بعد
لأنج تنفذين طلباتهم وتلغين حاجاتج ومشاعرج

سامحيني إذا قسيت

آنه أمي تستأذني كم مره عشان أوديها مكان

هلا اختي...
لا تشيلين اهم انا متاكده من الي قالوه خواتي ان احساسيس الكره بسبب الحمل...
صديقتي جاها نفس الي جاك يوم حملت كرررررررررهت زوجها صارت ماتطيقه وصارت حساسه وتدور اي زله عليه....
عقب ماولدت ارجعت مثل اول واكثر بسبب البيبي لانه سبحان الله بتحسين فيه رابط بينك وبين زوجك...
ومثل ماقالوا البنات اجلسي وصارحي زوجك بهدوء بكل الي يضايقك ولا تنهين الجلسه الا اذا انهى الموضوع واقنعيه يعطيك مصروف شهري والباقي يتصرف فيه على كيفه عشان مايقولك انتي ماتبيني اصرف على اهلي...
وعن سياقة السياره تقدرين تصارحين امه وقولي لها اني اتعب عشاني حامل الحل بسيط وهي ام عارفه متاعب الحمل بتعذرك ان شاءالله اهم كلميها باسلوب كويس...
الله يعينك ويسهل لك ولادتك وتقومين بالسلامه انتي والبيبي وترجعين لبيت ابوه مبسوطه وراضيه.. :)

مشكورين خواتي على ردودكم من ناحية البيزات ريلي الحمد لله مقتدر واهله بعد يعطيني مصروفي كل شهر هو مب بخيل بالعكس بس المشكله اهله ما يبون يقتنعون ان هاذ الانسان لازم يكون له بيت روحه او تكون له حياته الخاصه وهو نفسهم ما يبا!!! انا كنت وايد احبه وسويت المستحيل عشان ابوي يطيع نتزوج بس شوفو حالي الحين كيف!!
يمكن وحام ما اقدر احكم الا عقب ما ادخل الخامس

الله لا يطيحكم في مشكله ويفرج كل همومكم

صبري لي تولدين وتقومين بالسلامه وبعدين كلمينه شنو إحساسج

حبيبتى ام محمد
انا من رايى انك تستحمللى وحاولى تكسبيه بكل الطرق ومن غير ماتقوليلوا اى حاجه
جربى ممكن يكون فى نتيجه على مش علشان اى حد علشان البيبى اللى ربنا يجيبه بالسلامه
وبعدين كنت عايزه اسالك سؤال هو انتى اكتشفتى الموضوع ده امتى؟
الله يوفقك يااارب قولى امين

حبيبتى ام محمد
انا من رايى انك تستحمللى وحاولى تكسبيه بكل الطرق ومن غير ماتقوليلوا اى حاجه
جربى ممكن يكون فى نتيجه مش علشان اى حد علشان البيبى اللى ربنا يجيبه بالسلامه
وبعدين كنت عايزه اسالك سؤال هو انتى اكتشفتى الموضوع ده امتى؟
الله يوفقك يااارب قولى امين