بنات الزين البحرين ابغيكم ضروررري لازم تدخلون

السلام عليكم ورحمة الله وبركاته
اختي أنا ما اعرف وايد في هالسوالف بس عن فساتين الاعراس انا شفت واجهة كم محل في الرفاع في بوكواره وشكلهم عندهم فساتين حلوه بس الاسعار ماادري عنها مره سألت عن فستان ب600 دينار يعني 6000 وكان حلو
وفي في بوكواره بعد كم محل حق ثياب نوم بس ماعمري دخلتهم :bigsmile: وعندج في مجمع السيف بعد محلات عندهم اشيا حركات
اما بالنسبه حق الصالونات فماعندي فكره
انشالله أكون ساعدتج في الموضوع

شوفي اختي محلات فساتين الاعراس تلقينها في بوكوارة عندج كذا محل منهم موداهيلدا ومحلات مااذكر اساميهم لاني رحت مرة

مع اختي وقمصان النوم بعد من بوكوارة اللي في السيف مب شي انا شايفتهم ومحل في مجمع مدينه عيسى ومجمع العلوي ومجمع الرفاع

اما عن الصوالين عندج لتنظيف البشره صالون سيلينا التنظيف يجنن و صالون غصون رووووعه بس غالي مرت اخوي تسوي عندهم

الحمامات المغربيه ماعرف لاني مااروح اسوي

واذا عندج اي استفسار انا حاضرة حبيبتي

حق الحمام المغربي اسمع كل العرايس تروح عند صالون عروس البحرين يسوون المغربي ب 25 دينار

**************

قمصان النوم في لاسنزا بالسيف بس يتراوالي عندكم منه بقطر .. شارع البكواره في الرفاع فيه محلات وايد حق ملابس نوم و حتى في محل قالت لي عنه وحده من الاخوات يفصل قمصان نوم حسب الموديل اللي تبينه

شارع البكواره اعتقد راح يوفر عليك وقت وايد لان فيه وايد شغلات حق اعراس
:)

هلا فيكم خواتي ومشكووورين على مساعدتكم واتمني محلات اكثر لفساتين العروس اخااف اروح بوكوارة وماحصل اللي يعجبني وبعدين اتوهق لان ماعندي نت هناك عشان اتواصل معاكم

هلا يالغالية

اذا تبين صالون لعمل الحمام المغربي على يد متخصصة مغربية ((صالون مناير))

وعن الفستان كلميني على الخاص يالغالية راح اوصف لج شي خباااال

انتظرك اختي

صالون عروس البحرين

ما انصحك فيه لأسباب أخلاقية

ولا أنصحج بصالون زويا لنفس الأسباب الأخلاقية اللي ذكرتها عذب القوافي

ونصيحة: الحمام المغربي ما أنصحج فيه، يعني غير جائز شرعا إنج توقفين عريانه قدام وحده تسبحج كلش مب حلو وإنتي تحسين في نفسج شي غير ، تقدرين تشترين المغربي من محل في الحورة إسمه مؤسسة نزيه التجارية (يبيعون كل أغراض الصالونات)

إشتري الصابونه المغربية والمفراكة المغربية وأخذي سكراب وجهاز بخار إذا حبيتي (وإلا الحين صيف وما يحتاج بخار اصلا) وسوي الحمام لنفسج أحسن وإن جان على ظهرج خلي إختج تفركه، أحسن مما تعرضين نفسج لمشاكل أخلاقية في أي صالون.

وحتى زوجج بيرتاح إنج ما خليتي أحد يطلع على جسمج لأن هذي شي يخصه وتعبتي على شانه

وبراحتج

أي والله خواتي .. أنا رحت مره حمام مغربي و أنصدمت عدل و حلفت إني ما اروح مره ثانيه من الأشياء اللي شفتها !!!!!!!!! والمغربيات اللي هناك عندهم شئ عادي و يشجعون ان الوحده تكون عريانه .. وحده منهم قالت ( التعري حق النظافة مش عيب) :eek2: والله أنصدمت عدل !

بالنسبه حق فساتين الزفاف، أحس ان الفساتين اللي في شارع بوكواره تكون مستهلكه وهم دائمين يقولون ان هذه أول لبسه بس الشاطر يعرف انهم لا ... أنصحج بزياره (الأنامل الحريرية) هناك راح تلاقين اللي يسرج :)

أما قمصان النوم، في محل في مجمع يتيم اسمه (بداية)، وعندج محلات (جميلة) لها كذا فرع في البحرين، وباقي المحلات اتوقع ان عندكم منها بالدوحة مثل: لاسنزا، ماركس اند سبنس، بي اتس اس ..... الخ !

هذا كل اللي عندي ,, وامنياتي لك بحياة س عيده مقدما :)

حق فستان العرس شوفي محل قمراء والحين اعتقد اسمهfashion moon في شارع البديع وشوفي سوق بو كوارة مثل ماقالو لج البنات فيها شغلات وايد حلووووووه الى الاعراس

مشكورين خواتي على معلوماتكم ونصاايحكم انا بعد والله مب عاارفه اشلون بسوي حمام مغربي بس لان جسمي لوعه ويفشل بس باخذ بنصيحتكم بشتري الاغراض وبسويه بالبيت احسن

بنات وين مكان هالمحل الأنامل الحريرية

محل قمراء بعد عنده فساتين حلوه أذكر اختي كان فستان عرسها من عنده

هلا عيوني محل القمراء والانامل الحريريه وين باي منطقه ارجوووكم اذكرولي المنطقه لاني مااعرف وين اماكنهم

أختي مثل ماقالت لج الاخت ضوء القمر محل القمراء في شارع البديع اما بالنسبه للانامل الحريريه يقولون انه في مدينة حمد- سوق واقف عند صالون العفراء

هلا أختي عروس الدوووحه

اختي بالنسبه لمحل محل القمراء والانامل الحريريه

أنصحج اذا نزلتي البحرين اتصلي عالبداله وأخذي ارقامهم واتصلي فيهم

وهم يوصفون لج مكانهم وين يصير هاي أحسن حل

وبالنسبه محلات لقمصان النوم عندج السعد في شارع البوكواره وفرعه الثاني بسوق المحرق

عنه قمصان حلـوووه

واذا تبين اي استفسار انا حاضره

مع تحيات أختج الدانـه

اختي عروس الانامل الحريريه طلع في المنامه تقريبا عند فندق الخليج :shy:
وانا مع اختي الدانه لما تجين البحرين اتصلي على 181 واخذي الارقام من عندهم واتصلي على المحلات هم بيوصفوا لك موقعهم

أنا الشوق:
اختي عروس الانامل الحريريه طلع في المنامه تقريبا عند فندق الخليج :shy:

اي صــح عليج نور يا انا الشوق

وأختي عروس الدوحه راح تشوفين الأعلان للمحل ع الشارع مبين

والله يوفقج ان شاء الله ويسهل عليج

مع تحيات أختج الدانــه

مشكوورين حبايب قلبي ان شاءالله احصل فساتين لعرسي كشخه

مرحبا اختي ... مبروك مقدما

أنا راح اعطيج فكرة عامة عن الأماكن وبما اني انا بعد عروس فماخذة فكرة عن كل شي ...

عندج شارع بو كوارة .. فيه كي دي و مودا هيلدا و رومان ديزاين ...

شارع البديع في ليدي مون ... عند صيدلية رويان وفي الشارع المقابل عندج مليكان وفرشة العرايس ...

في سوق واقف في مدينة حمد في مكان اسمه ليالي الافراح ..

الأنامل الحريرية حلو وهو في أم الحصم

هذي أشهر الأماكن ..

بالنسبة لقمصان النوم ...

عندج بي اتش اس ، لاسنزا ،دبنهامز، ماركس اند سبنسر ، ليلة ( هذا داخل مجمع السيف)

عندج السعد (الرفاع، مدينة عيسى ، المحرق)

جميلة في العدلية

في أشياء حلوة عند بيت التنزيلات في العدلية ( واايد حلو وأسعار معقولة )

اي استفسار تقدرين ترسلي على الخاص وانا بالخدمة

مشكووورة حياااتي اميرة العرب وان شاءالله راح ارسلج بالخاااص