الحقوا علي ولدي في خطـــــــر

والله ماادري انا بصرااحه مو متزوجه... بس ماانصحك تعطينه سيريلاك توه صغير

حرام عليكم الزيارات 9 والردود 1 ..
ضيفه جديده كذا تعاملونها..

حرام عليكم القراءات9 والردود 1 ..
ضيفه جديده كذا تعاملونها..

:eek2: انزين انتي ليش حسيتي انه في خطر ؟؟

الله يهديج ولدج ان شالله ما فيه اللا العافية ... وتوه ولدج عمره 4 شهور يعني الصياح عادي .. ممكن مغص مثل العادة او غازات .. وان كنتي مب مطمنة وديه عن الدكتور يشوفه ...

اما بالنسبة للرضاعة .. اعتقد انه عادي بس انتي ما بينتي شو الصوت .. يعني انا ولدي عمره شهر ونص ولما ارضعه يطلع وايد اصوات .. مثلا احيانا يطلع صوت وهو يرضع كانه يصفر :D2 او انه مب ماسك الحلمة عدل ...

ويوم يكون راقد في الليل وارضعه طبعا يكون مغمض وراقد يعني يطلع صوت كأنه مخنوق وانا اخاف عليه الصراحة .. بس اتوقع هالشي مع المكيف رغم انه مب بارد بس من خشمه يكون متسكر ... لا تخافين ان شالله ولدج ما عليه شر

والله يا اختي ماني فاهمة ايش فيه الولد يمكن ممغوص واذا كان على صوت الرضاعة مافيها يعني يطقطق وهو يرضع في اطفال كثير كذا يمكن ماحنكتوه بتمرة اقتداء بالسنة النبوية وسلامته واذا عمره 4 شهور وقته السريلاك وبالعافية عليه

السلام عليكم ورحمة الله وبركاته

أختي وين الخطر الكبير ؟؟؟

عادي الولد يرضع...و يبكي لأنه ممغوص مثلا...مثل باقي الأطفال...

أحسن لك تراجعي عند دكتور بصفة دورية...و تسأليه عن أنسب الأشياء التي من الممكن إطعامها لطفلك..

الله يخليلك إياه

انا ولدي نفس الشي من انولد وهو يطلع اصوات .. وكل يوم نغمة يديده ... فديت روحه

واذا البنات يذكرون حطيت موضوع اسال عن هالشي .. وكلهم قالولي عادي ...

اما عن الصياح حدث ولا حرج .. الي عندي شغال 24 ساعه .. بس شو نسوي لنا الاجر ...

حبيبتي يا انه مغص او ان خشمه مسدود و انتي الافضل لج تراجعين طبيب يفحص عليه و شوفي شو مشكلته و ما يشوف شر ان شاء الله


بجعه ما يصير تخلين ولدج يصير 24 ساعه مثل ما تقولين شوفي شو يعوره او يضايقه
انا بنتي مرت عليها ايام ما تنام و انا اقول طبيعي و احيانا ارضعها تصرخ صرخه و تترك الصدر و بعدين ترجع ترضع وهيه تصيح اخر شي طلع عنها التهاب من الحفاظه و من بعد ما حطيت لها الكريم فديتها نامت مسكينه بس الحينه هذا المغص الله يعين اليهال

تدرون شي .. اخوي الله يحفظه يوم توه مولود ...

كان صياح لدرجة مستحييييييييلة .. قد ما اوصف ما تتخيلون ... صياح 24 ساعة كل وقته صياح والله طفرنا منه ... لا ينام ولا شي ...
حتى عند امي ما كان يسكت ... وقاموا ربعوا به المستشفيات الخاصة والحكومية ... كل الفحوصات سووها له ..

ماخلوا فحص ما سووه عشان يتطمنون عليه ... واستمر قرابة السنة على هالموضوع ... وهو على نفس الحال ما تبدل ... وكل الفحوصات سليمة 100% الولد ما فيه شي .. بس ليش يصيح الله اعلم ...

وهذا هو ما شالله عليه عمره 4 سنين الحين .. يعني كل المسألة عادي ... يعني بجعة اكشفي على ولدج وان طلع ما فيه شي لا تحاتين :)

**فراغ العاطفه** جزاك الله خير والله يوفقك في الدنيا والآخــــــــــــره ويسعدك..
**3yo0on_AD **الله يفتحها في وجهك وين مارحتي..
**يسر** صحيح والله ما حنكناه وجزيت خيــــــــراً..
**مرموم** الخطر أنه يبكي مـره وجه يحمر كنه بيموت .. ويعطيك العافيه على الرد..
**bj3a** مشكوره علــــــــــى الرد..
**Jami** الشر ما يجيك والله يسعدك ويوفقك..

والله سويتله كل الفحوصات ..وكلها سليمه .. بس شوية غازات ...

والمشكله اللحين كل ما رضع يرجع كله الي شربه ما يخلي شي في بطنه وعقبها يصيح يوعان

لا أبشركم طلع عنده أمساك بس وعقب ما حط اله يكرمكم وهو مرتاح ..
وجزاكم الله خير على تفاعلكم..