بودي ....... لكن ما اعرف اشلون ؟

هلا بك أختي منال
الأمر سهل جداً ولله الحمد

إذا جهز التصميم تروحين File ثم Save As
يطلع لك مكان الحفظ والامتداد .. احفظيه
ثم يطلع لك مربع حوار اضغطي OK
ثم مربع حوار ثاني الضغطي OK

افتحي موقع التحميل هنــــا
واضغطي استعراض وبيفتح لك مكان الصورة
اضغطي على الصورة دبل كلك أو OK
وبينزل عنوان الصورة في الموقع اضغطي تحميل
ثم سينزل لك رابط الصورة والصورة أيضاً
انسخي الرابط ونزليه بالطريقة المعروفة

وأي سؤال لا تترددي .. حاضرين







ابــ داحم ــو

السلام عليكم ورحمة الله وبركاته
شكراً لك اخي الكريم ابو داحم على الرد


بجد منحرجه منك لكن سويت كل اللي قلتلي عليه بنفس الطريقه حفظت بامتداد جيف على سطح المكتب وطلع لي مربعين حوار ضغطت اوكي بس المشكله لازالت لما اضغط استعراض من الموقع اللي ذكرته لي واختار سطح المكتب ما القى الصورة !!!!!


ليش ؟؟؟

اسفه لازعاجك اخي

لا إزعاج ولا شي .. وش دعوى
بس غريبة ما تلقينها على سطح المكتب

تأكدي من أن اسم الصورة صحيح
ما فيه حروف بالعربي ولا فراغات





ابــ داحم ــو

السلام عليكم ورحمة الله وبركاته
اخي العزيز أبو داحم
الاسم بلا فراغات ولا حروف بالعربي

على فكره ما يطلع لي مربعين بعد ما احفظ يطلع لي ثلاث مربعات واضغط اوكي كالاتي :


أول مربع ( flatten layer ) واضغط اوكي

بعدين ( indexed color ) واضغط اوكي

بعدين ( gif option ) ويكون row order normal اوكي


جربت هم ما ضبط معايا


شكراااااااا على مجهودك وطولت بالك معايا

بالضبط .. إذاً بقي أن نتأكد من مكان الحفظ فقط

اشلون يعني ؟


على فكره انا احفظ على سطح المكتب واكون متاكده من هالشيء وحتي لما اضغط استعراض من موقع التحميل استعرض سطح المكتب بس ما فيه فايده

غيري مكان الحفظ وشوفي
احفظيه في المستندات ـ الصور





ابــ داحم ــو

السلام عليكم اخي ابو داحم


للاسف غيرت مكان الحفظ الى المستندات - الصور كما قلت لي


لكن ما نفع !!


اكيد انا اوسوي شيء غلط بس مو عارفه شنو ؟ لا ني امشي على كلامك بالضبط


تقبل فائق احترامي

ادري اني تعبتك

ولا تعب ولا شي
وش رايك نبدا من جديد

يعني افتحي الفوتوشوب وجيبي صورة
أو تصميم سويه إنتِ .. بقول لك كيف:
File ثم New حطي المقاسات مثلاً 300 × 300
ثم Ok بينزل في الفوتوشوب اكتبي فيه اسمك
ثم احفظيه Save As وكملي الخطوات
وراح يتبين لك إذا كان فيه خطأ أو شي





ابــ داحم ــو

خلا اختيه

يمكن انتي يوم اتسيفين الصوره او التصميم من فوتوشوب ما تختارين الصوره يعني اتسيفينها على البرنامج نفسه -- تأكدي يوم اتسوين file وعقب save as وعقب من file nameاتحطين الاسم اللي تبينه وعقب من format تأكدي انه لازم يكون JPEG لانه من خلاله راح تعرضين الصوره---

وعقب مثل ما قالج الاخ بو داحم في كيفية تحميل الصوره من كمبيوترج للموقع وان شاء الله هالمره تضبط وياج واذا ما استوى ابليز عطيني عنوان بيتكم لاني ابغي اشوف كمبيوترج شو نوعه ؟؟؟؟ :cool2: ههههههههه

السلام عليكم


اولا شكرااا لك جزيلا يا ابوداحم

وشكرا للوجه البشوش والاخت المجروحه



بصراحه عجزت بمعني الكلمه سويت مثل ما قلتوا

المجروحه حطيت نفس ما قلتي ما طلع شيء


تقبلوا فائق احترامي

العفو .. ما سوينا شي
بس غريبة .. وانا متوقع إنه زي ما قالت الأخت المجروحة

طيب .. جربي على جهاز ثاني
يمكن المشكلة عندك في الجهاز






ابــ داحم ــو