السلام عليكم ورحمة الله وبركاته
موضوع حبيت اوله لكم بكل امانه لأنه كددرني وايد بنت خلة جارتي من اربع شهور خذت اجازه من شغلها وسوت عملية تجميل لخشمها بصراحه وبكل امانه البنت حلوه وايد وتشبه الممثله اللي اعتزلت وتحجبت عبير صبري ببياضها وحلجه وخشمها اللهم البنت عيونها عسلي واكبر يعني خشمها مافيه اي عيب بس الخبله حبت تصغره عشان تبين عيونها اكبر العمليه سواها لها جمال الحربي الله يهديه ضعف عظمة الخشم بس ما خفف الغضروف والفتحات البنت خشمها ينزل يفرش لتحت مو متناسق وعفس ويها بشكل مو حلو غير انها لغاية اليوم عندها جروح داخليه ما برت البنت ما علمت احد عشان تفاجأ الكل ما حسبت انها اللي بتتفاجأ انا امس شفتها بعزيمة كلمة متحطمة نفسيا شويه وكل اللي يشوفها سقولها اشفيج جذيه وهي تتضايق المصيبه الكبرى
البنت انخطبت من 5 شهور جاها المعرس وشافها واتفقوا على الزواج آخر الصيف لأنه يحضر ماجستير بمانشستر بلندن يعني بيملجون ويسافرون والبنت شكلها تغير وخااااايفه
غير ان الدكتور قالها ما يصير عمليه ثانيه الا بعد مرور 6 شهور من العمليه الاولى
انا شخصيا ما عرفت شنصحها فيه البنت مو ناقصه
حبيت انقل لكم تجربه شفتها بعيني عشان اي وحده تحب تسوي تجميل وهي اصلا مو محتاجتها تفكر عدل ما ابي اقول ان البنت تبترت على النعمه بس الشيطان شاطر الله يغربله
الله يهدي الجميع للصواب ويفرج كرب عبيده يا رب
عملية تجميل انف فاشله
ن
15-07-2005 | 11:53 AM
ب
15-07-2005 | 12:14 PM
الله يعينها
تسلم ايدج ع النصيحة
تسلم ايدج ع النصيحة
و
15-07-2005 | 12:22 PM
الواحد ما يفيده الندم هالحين
ترى واجد اللي تندمو على العمليات
ترى واجد اللي تندمو على العمليات
&
15-07-2005 | 12:41 PM
انزين ماتدري ان عمليات التجميل حرام!!
m
15-07-2005 | 01:40 PM
الحمد والشكر على النعمة
~
15-07-2005 | 01:52 PM
الواحد بس يقول الحمدلله على نعمة العافيه ..
لو شنو كان شكل الوحده تكون خلقة ربها احلى واجمل
مشكورة ويعطيج العافيه وان شالله تكون عبره لغيرها
لو شنو كان شكل الوحده تكون خلقة ربها احلى واجمل
مشكورة ويعطيج العافيه وان شالله تكون عبره لغيرها
أ
15-07-2005 | 04:01 PM
_والله حتى أنا أعرف وحده سوت عمليه في خشمها تعدله قبل ما تعرس لانه معواي ..وطلع شكلها غلط وتريد أسوي ثاني مره بس خايفه يطلع أخس عن الحين ..
_وبعد وحده تبا ترفع خشمها وصغر الفتحات لكن ..طلع شكلها أخس عن قبل ..والكل يلحض يبين أنها لعبه في خشمها ..
الواحد يحمد الله على كل شي ولايلعب في شكله ترى الرب خلقنا في أحسن صوره ولو كان خسف يعنى الخسف لو يحاول يعدل شكله بيطلع أخسف ..والحمدالله وشكل على كل شي..
_وبعد وحده تبا ترفع خشمها وصغر الفتحات لكن ..طلع شكلها أخس عن قبل ..والكل يلحض يبين أنها لعبه في خشمها ..
الواحد يحمد الله على كل شي ولايلعب في شكله ترى الرب خلقنا في أحسن صوره ولو كان خسف يعنى الخسف لو يحاول يعدل شكله بيطلع أخسف ..والحمدالله وشكل على كل شي..
X
16-07-2005 | 09:19 AM
walhy ana kont mfkraaaaaa a3ml 3mlet tagmeel w ba3d hal2 3'ert ra2ee
ع
16-07-2005 | 09:41 AM
يمكن الدكتور مو شاطر يبيلها واحد ثاني
M
16-07-2005 | 09:57 AM
شكراً اختي على طرح الموضوع والتنبيه
اعذرينا سيتم قفل الموضوع
من قوانين القسم :: يمنع وضع الأسئلة التي تتعلق بالجراحة التجميلية
وهذا لأن الأخوات ليس بأيديهم حل
سوى السؤال عن الجراحه او نصح الأخت بالعملية التجميلية مرة اخرى لأصلاح عيوب العملية الأولى وهذا ما يتعارض مع قوانين القسم
اعذرينا سيتم قفل الموضوع
من قوانين القسم :: يمنع وضع الأسئلة التي تتعلق بالجراحة التجميلية
وهذا لأن الأخوات ليس بأيديهم حل
سوى السؤال عن الجراحه او نصح الأخت بالعملية التجميلية مرة اخرى لأصلاح عيوب العملية الأولى وهذا ما يتعارض مع قوانين القسم