بنات البحرين تكفون ساعدوني

الله يوفقك

اختي هذا الصالون ما عليه كلام شغل حلو وراقي وانا شفته بعيني في زواج عندنا قبل 4 سنين وكان راقي و الحين اكيد تطورا اكثر

وسمعت بعد بنات وايد يمدحونه هني وبين ربعي
سوي بحث باسم الصالون واكيد راح تحصلين مواضيع اكثر

لكن انا متاكدة ان اللي هني يمدحونه لان شفت مواضيع مذكور اسم الصالون فيهم وشفت وش كاتبين عنه البنات

لكن اذا انتي مو متاكدة روحي صالون العفراء هذا الصالون ما ظل احد ما سمع عنه ومدح فيه شغلهم مرتب وحلو ويخلصون من تجهيزج من وقت وانا شفته على اختي في زواجها هذي السنة ومن كم يوم شفته على بنات جيرانا شي رائع هذا الصالون في مدينة حمد

وان شاء الله الباقي يفيدونج

الف مبروك حبيبتي والله يوفقج ان شاء الله

ماعندي فكرة عن الصالون بس ان شاء الله البنات ايفيدونج بشي ان شاء الله:)

هو صالون ما عليه كلام

ونورة الكعبي معروفة بمكياجها

ومعروفة اكثر انها ما تصيد كل ويه ..

يعني هي مكيجت اختي في عرسها وصج اختي تغيرت وااااااااااااااايد للاحلى طبعا

لكن شفته على وحدة من رفيجاتي كللللللللللللللش مب حلو

ويمكن غيرت ستايلها الحين

لكن اللي صج يعجبني مكياجها فردوس ويمدحونها بنات وااااااااااااااايد

في صالون بروفايل

وانتي بكيفج شوفي اللي ترتاحين لها اكثر

نجوم الليل تسلمين اختي على الرد العفراء جربته ما عجبني
ذهب الله يبارك فيج اختي ويوفقج
النجلا صالون بروفايل وين صاير ما قد سمعت فيه ؟؟

مشكورين خواتي ويجزاكم خير

واتمنى اللاقي احد يشجعني بقوه على صالون اشرقت عشان ارتاح اكثر له

وشنو رايكم في صالون الرونق احد عنده فكره؟

صالون اشرقت انا ما قط رحت بس صديقتي في زواجها راحت هناك طلعت رووووووووووووووعة..

مبرووك حبيبتي موفقة ان شاء الله..

عروسة 3 الله يبارك فيج

صراحه شجعتيني

راح احجز عندهم وعلى الله التوفيق

جزاك الله خير

مبرووووووووك تستاهلين يابنت النور والله يوفقج عزيزتي

بصراحة آنا ماعمري رحت هالصالون بس سمعت عنه واااااايد أنه حلو ومكياجهم واايد حلو

مرحبا أختي بنت النور

أنا شفت مكياجهم حلووو وناعم

وتوكلي على الله والله يوفقج

أختج الدانـه

الله يبارك فيج اختي مريوم

مشكوره اختي الدانه

خلاص بتوكل على الله وبحجز عندهم بإذن الله

والله يوفق الجميع يارب

ويجزاكم خير

صالون بروفايل في ام الحصم

وصالون رونق ووووووااااااااااااااااااايد يمدحونه خاصة في التسريحة
وعند وحدة اسمها وحيدة وهي راعية الصالون
ما قط شفت احد يذم تسريحاتهم
وتوكلي على الله وروحي اشرقت بس اذا شي ماعجبج في المكياج تكلمي لا تسكتيييييييييييييييين

النجلا صالون الرونق حجزته حق ليلة الملجه يمدحونه وااايد وبجرب عندهم اذا عجبني للزواج بإذن الله بسوي عندهم

وتسلمين عزيزتي على المرور

تحياتي...

هلا

اشرقت مواعيدهم عذاب ونورة ما تضبط كل عين وتخلي وحدة مغربية عنها تلوص الكريم اساس للكل وبعدين هي ترسم العين والله يساعدك على حساسية العين نهار ثاني.

روحي صالون مناير سوي بروفة اضمن لج

نسيت حاجة ... نصيحة مني لاتروحين العفراء صاير عام للكل يعني راح تكونين كوبي من اي وحدة والكل يروحلة خلك فريدة بمكياجك.

:sad: عذب القوافي ما صدقت على الله يتطمن قلبي واحجز عندهم

والله ياحبيبتي انتي سألتي والمثل يقول اسأل مجرب ولا تسأل طبيب

انه يوم عرس اخوي رحت لها ...رجعت البيت عدلت الماكياج من اول وجديد وانه بالعرس كنت احس بحكة خفيفة فوق الجفن ونهار ثاني صارت عيني كأنها شفايف وحدة اثيوبية ..خخخخخخخخ
ومن يومها وانه اعاني من حساسية وماخليت طبيب عيون ما رحت له ماكو فايدة

وانتي حرة وعليك بالعافية مقدما ويمكن يعجبك والناس اذواق يا قلبي

سيري حق لمياء البحرينيه حلوو مكياجها