السفر في شهر العسل؟؟؟

هلا حبيبتي...

تعرفي وانا اقرا موضوعك حسيت كأني انا الي اتكلم!!! :)
يعني نفس الحالة.. انا بعد زواجي بسافر ماليزيا..
وما عارفة شو الاشياء الي باخذها معاي.. :)
وسبحان الله.. امس كنت اسوي بحث في المنتدى بس ماحصلت شي.. :(


يالله يا بناااات ساعدونا...
صرنا اثنين الحين :)

ألف مبروووك و الله يسعدكم إن شاء الله

الصراحه ما عندي خلفيه عن مستلزمات العروس

بما إنه ماليزيا بلاد شبه حاره خذي لج لبس خفيف و عملي .... أما الباقي أكيد البنات ما بيقصرون :)

السلام عليكم ورحمة الله وبركاته

ألف مبروك حبيبتي ويسعدج يارب


بس انا ما أعرف

ان شا الله المعرسات يقدرون يفيدونج

هلا حبيبتي


قبل كل شئ المصحف يكون معك بكل مكان والاذكار
وطبعا حجابك
واكيد ماليرزيا بلاد جوها لو مو حار معتدل لذلك خذي معك ملابس عمليه لانه شئ طبيعي طلعاتك للمنتزهات والجبال والدنيا الي هناك
كذلك جزم رياضه ولاتنسين الشراب((الدلاغات))

شباشب عمليه

اروابك ومناشفك
كم عطر على مكياج خفيف على السشوار وماكينة الحلاقه على مستلزماتك الشخصيه
وعلى حسب قعدتك هناك
يعتمد اللبس والقمصان والملابس الداخليه

هذا الي قدرت افيدك فيه

السلام عليكم

خذي معاك شموع ناعمة ، أو دائماً حطوا في طلب غرفة الفندق انها غرفة معاريس...

لا تنسين فرش الشعر ، ميك اب خفيف ، سشوار ، حلاوة أو ماكينة ازالة الشعر (مثل ما قالت الأخت عاشقة الجوري) ، فوط صحية (ترى ضروري تاخذيهم) ، حبوب مسكنة للصداع ، دواء الكحة ، ضمادات ، معقم ، مناديل معطرة (تحملوها في الطلعات للتعقيم السريع) ، نصيحة خذي معاكم غرشة ديتول صغيرة من توصلين حمام الفندق (الله يعزكم) حطيه في الحمام حتى لو نظيف ، شامبوهات اللي دايم تستخدميها لا يتعب شعرش ، عطور ومزيلات الرائحة ، ملقط للشعر الزائد ، حذاء رياضة ، صندل للبحر (بما انكم رايحين ماليزيا أكيد بتمرون على جزر) ، حقيبة للأشياء الخفيفة في الطائرة (8 ساعات مي قليلة خذوا معاكم شي ترفيهي) ، ملابس قطنية مريحة ، اذا ناوين تروحون جنتنغ أو الكاميرون اخذي معاش ملابس مكممة مي ثقيلة مرة بس زينة ، نظارة شمسية ، واقي من الشمس وملابس وقمصان نوم ، عدة خياطة بسيطة (كور + إبر + أزرة احتياطية + مقص ) ما تدرين يمكن تحتاجين شي للخياطة ومستعجلة ولا تلاقيه ، شموع معطرة (ولو ثنتين) ...

وأكيد فيه أغراض تقدرين تزيديهم على حسب الرغبة
وألف مبروك

أنا بس بغيت أستفيد