فيه ادوية اقدر آخذها ولا لا؟؟؟

ط

طولون

عروس مبدعة

13-07-2005 | 01:09 AM

السلام عليكم ورحمة الله وبركاته
كيفكم ان شالله بخير؟؟
عزيزاتي انا حامل في نهاية الشهر السادس
في هذا الشهر زااادت علي الحساسية:sad:
يعني باستمراااار اعاطس خصوصاً قبل النوم واول ما أصحى:cry:
وكرتونة المناديل ما تفارقني طووووووووول اليوم:cry:
واذاني رايحه فيها:cry:
ما ادري؟؟ هل ممكن ازور طبيب الانف والاذن ولا بروح على الفاضي
لاني متوقعه يقولي تحملي هذا من اعراض الحمل ولا نقدر نعطيك ادوية لانك حامل؟؟؟
ولا وش رايكم؟

ن

نوووسهUAE

عروس ماسية

13-07-2005 | 01:39 AM

بس هل من الممكن تاخذين اشياء طبيعيه؟؟؟

ط

طولون

عروس مبدعة

13-07-2005 | 03:37 AM

عزيزتي نوووسه

هلا فيك يا اختي..

اذا تعرفين اشياء طبيعية ممكن آخذها قوليلي الله يجزاك خير

R

RoOoOmy

عروس ماسية

13-07-2005 | 02:49 PM

اختي طولون الله يتمم لك بخير ويسهل عليك

ان شاء الله فترة بسيطة وتعدي اهم شي ان هالحساسية مافيها خطر عليك ولا على البيبي

تحملي واذا ماقدرتي يمكن الدكتور يوصف لك نوع خفيف من الأدوية

الله يعينك

b

bj3a

عروس ماسية

13-07-2005 | 03:05 PM

حتى لو ما بيعطونج ادوية لازم تسيرين للفحوصات .. لانه احتمال فيج احتقان ولا حمه بسيطه تسوي بلاوي وانتي ما تدرين ..

سيري وانتي مب خسرانه............................ :eek2:

ع

عسووووله

عروس ماسية

13-07-2005 | 04:04 PM

ما تجوفين شر حبيبتي طولون..

ف

فوانيس

مشرفة سابقة

13-07-2005 | 04:22 PM

سلامتج يا طوبون الف سلامة
احيانا الحامل يظل خشمها يسيل طول الوقت و بدون زكام
من الافضل استشارة الطبيب
ما تشوفين شر يا عسل

ع

عروس اللولو

عروس مبدعة

13-07-2005 | 05:27 PM

سيلان الأنف طبيعي في هاي الفترة ... و أنا أحيانا ينزل لي دم .. و عن الحساسية فأنا عندي حساسية شديدة من الغبار و غيره أنصحج اتغيرين شراشف السرير كل يومين و تعرضين المخدة الداخلية و الفراش للشمس .. و مرري المكنسة الكهربائية على الفراش و لو تخصيصين لها المكنسة الصغيرة .. اييج سعرها 100 درهم و اتكون يدوية أسهل لج .. و الشراشف لازم تنكوي أحسن و أنظف .. ولازم كل يوم البيت يتنظف من الغبار و ينمسح

أنا استغنيت عن منظف الزجاج و مسح الأسطح .. بماي مع خل .. و أحيانا ماي مع ديتول .. لأن الكيماويات اتزيد الحساسية مع الوقت

وربي يعينج الصراحة

ط

طولون

عروس مبدعة

14-07-2005 | 04:18 AM

RoOoOmy_M

هلا حبيبتي..
بصراحه انا اتمنى انه مايكون فيها خطوره
ومشكوووره ياعمري على الدعوة الحلوة الله يسمع منك

ط

طولون

عروس مبدعة

14-07-2005 | 04:20 AM

bj3a

بلاوي:rolleyes:
خوفتيني والله يابجعه

ط

طولون

عروس مبدعة

14-07-2005 | 04:22 AM

عسووووله
مايجيك الشر ان شالله ياعسوووله:smile:

ط

طولون

عروس مبدعة

14-07-2005 | 04:25 AM

فوانيس

هلا والله بمشرفتنا الغاليه
الله يسلمك و
ان شالله الشر مايجيك حبيبتي :smile:

ط

طولون

عروس مبدعة

14-07-2005 | 04:34 AM

عروس اللولو
هلا فيك حبيبتي(f)

اي غبار عيوني هنا ماشالله مايعرفون شي اسمه غبار والله الغبار عندنا في السعوديه:D2
ما اقول الا الله لايحرمنا الجنه بس
بالنسبه لفرش السرير انا اغيره كل اسبوع او اسبوعين لاني بصراحه اتعب بسرعه مع الحمل:sad:
بس اعجبتني فكرة الماء والخل انشالله بسويها وفكرة المكنسه بعد مرره اعجبتني
ويعطيك الف عافيه على كل افكارك الحلوة زيك
تسلمييييين يا عسل:smile:

ع

عروس اللولو

عروس مبدعة

16-07-2005 | 02:15 AM

الله يعطيج الصحة و العافية .. أختي نسبة الحساسية الطبيعية اتكون 70 .. بس لما سويت الفحص طلع عندي 460 .. من يوم صغيرة أنا عندي ... و الدكتور عطاني بخاخات و حبوب لطول العمر على قولته .. بس بالأشياء اللي قلت لج عنها .. الحمدالله استغنيت عن الأدوية من 10 شهور تقريبا ... بس يتني أزمتين خفاف بس هالشهر لأني كسلانه ...

أنا الشهر الياي أفكر أييب شغالة .. بس انتي خلي ريلج يساعدج في تغيير شراشف الفراش بالأسبوع مرتين .. ولو لفترة الحمل بس .. خلي بعض الأمور من مهماته ..

و الله يديم المحبة يا رب

مع السلامة