جيرلان ومجموعة العناية issima

M

Marshmallows

مشرفة سابقة

12-07-2005 | 11:07 PM

[CENTER] بسم الله الرحمن الرحيم

عزيزاتي

ماركة جيرلان غنية عن التعريف خصوصاً مجموعة issima الخاصه بالعناية بالبشرة والجسم

الكثير من البنات استفسروا عن المجموعة والكثير بعد مدحها واشاد فيها

شرايكم بموضوعنا هذا نتكلم عن هالمجموعه بالتفصيل شوي

بس بشرط

اللي مجربه اي منتج منها تفيدنا بخبرتها وتقول لنا عن تجربتها

عشان يتحقق الهدف من الموضوع

وتعم الفائده على الجميع

بداية راح نتكلم عن مجموعة التنظيف اللي تتكون من :
مزيل المكياج ،، التونر ،، ماسكات و مستحضرات مقشرة

|؛¤ّ,¸¸,ّ¤؛|مزيل المكياج|؛¤ّ,¸¸,ّ¤؛|

Perfect Eye Lip and Make-up Remover
مزيل مكياج للعيون والشفاه،، يناسب اللي يستخدمون العدسات

Flower Cleansing Creme
كريم ازالة المكياج بالزهور يزيل جميع انواع المكياج حتى المضاد للماء
مع هذا يغذي ويهدئ البشرة

Pure Veil Cleansing Milk
حليب مزيل للمكياج كثيف وناعم يزيل المكياج والشوائب على طول ويرطب البشرة

Pure Dew Cleansing Foaming Gel
جل منظف للي يحبون الماي مثلي ،، يعطي رغوة لتنظيف الوجه،، مع خلاصة السوسن اللي تحافظ على توازن البشرة الطبيعي ويزيل لمعة الدهون في الوجه

Pure Dew Cleansing Foaming Creme
كريم منظف فيه رغوه ويدخل في تكوينه الصابون ينظف البشرة ويفتح البشرة مع المداومة عليه

يــتــبع
لا تروحون بعيد

M

Marshmallows

مشرفة سابقة

12-07-2005 | 11:17 PM

[CENTER]|--*¨®¨*--|الـتـونر Toners|--*¨®¨*--|

Moisturizing Mallow Toner
تونر مرطب ينعش البشرة ويهدئها ويتركها مرنة ومرتاحة

Purifying Iris Toner
تونر السوسن ينقي وفيه نسبة ضئيلة من الكحول ويخفف اللمعه من الوجه

Success Smoothing Toner
تونر التمليس بتركيبة ناعمه ومريحه مناسب للبشرات التي تفتقر الى التماسك

Lily Essential Mist
رذاذ يرش على الوجه في اي وقت من اجل تهدئة البشرة

|--*¨®¨*--|ماسكات ومستحضرات مقشرة|--*¨®¨*--|

Moisturizing Invigorating Mask
قناع مغذي ومنقي مناسب للبشرات اللي فيها عيوب ،، يعيد توازن البشرة وتوحيد لونها و ازالة اللمعان بس في 10 دقايق

Smoothing Exfoliator
مقشر سائل ناعم وشديد الفعالية يزيل الخلايا الميته والشوائب

تابعوني لو حابين نكمل

ا

الجادل

عروس رائعة

12-07-2005 | 11:21 PM

انا جربت السنفرة حلوة وناعمة عالبشرة

وجربت مجموعة التبييض من نفس الماركة بصراحة روووعة

M

Marshmallows

مشرفة سابقة

12-07-2005 | 11:38 PM

الجادل

شاكرة لج تعقيبج العطر

ك

كوكو شانيل

عروس مبدعة

12-07-2005 | 11:52 PM

انا جربت مجموعة التبيض الجديده

لكن للأسف خربت ويهي وطلعت لي بقع بنيه صغيره

استمريت عليها 3 اسابيع وكل يوم بشرتي للأسؤ و قطعتها من اسبوعين تقريباً

بس للأمانه امي استخدمت كريم النهار والليل ووايد تمدحه وارتاحت له

وطبعاً كل بشره تختلف عن الثانيه :)

t

tayma

عروس رائعة

12-07-2005 | 11:57 PM

يعطيج العافية أم خـالد على الموضوع المميز وفي انتظار التكملة .....:)

م

محبة البراءه

عروس متألقة

13-07-2005 | 12:56 AM

[CENTER]الله يعطيج الف عافيه حبيبتى
على هالموضوع الرائع
فعلا مفيد للكثير منا
سلمت يمناج يالغلا وعساج عالقوة
الله لا يحرمنا من جديدج
لج منى كل المحبة والتقدير
اختج حنونه المزيونة

M

Marshmallows

مشرفة سابقة

13-07-2005 | 02:02 AM

تسلمون خواتي على المرور والتعقيب

واكيد كل بشرة تختلف عن الثانية

ولازم كل وحده تختار المستحضر اللي يناسب نوعية بشرتها

M

Marshmallows

مشرفة سابقة

13-07-2005 | 02:20 AM

[CENTER]|--*¨®¨*--|الترطيب|--*¨®¨*--|

الكريمات المرطبه اللي بنذكرها الحين تستخدم في النهار

Hydramythic Creme SPF 10
خفيف و مريح مناسب للبشرات العادية و الجافه و درجة وقاية من الشمس=10

Hydramythic Fluid SPF 15
كريم سائل بدرجة وقاية من الشمس=15 غير دهني وتمتصه البشره على طول
مناسب للبشرات العادية والمختلطة

Matiday
كريم سائل مرطب يزيل اللمعان غير دهني وينظم افراز الدهون
مناسب للبشرات المفتقدة للتوازن

M

Marshmallows

مشرفة سابقة

13-07-2005 | 02:32 AM

[CENTER]][®][^][®][الـتـجـاعـيـد][®][^][®][

لا تقولون مو محتاجينها ،، بالعكس المجموعه اللي بنذكرها الحين مناسبة للتجاعيد الأولى و نبتدي نستخدمها من سن ال 25

Happylogy Glowing Skin Essence
مستحلب ناعم وتمتصه البشرة بسهولة ويدخل في الطبقات العميقه للبشرة وفعال في مكافحة التجاعيد الأولى
يستخدم في النهار والليل

Happylogy Glowing Skin Day Treatment
كريم عالي الفعالية ويرطب البشرة كذلك يحارب التجاعيد الأولى
يستخدم في النهار

Happylogy Night
Glowing over night Treatment
كريم الليل يملس التجاعيد الأولى ويريح البشرة من اسباب التوتر المتراكمة في النهار

للموضوع بقية

&

" دقــ قلبي ــات "

عروس رائعة

13-07-2005 | 10:12 AM

تسلمي يالغلا

موضوعك رائع

ننتظر جديدك

دمتى بود

طيف المشاعر

@

@@فوشيـــا@@

مشرفة سابقة

13-07-2005 | 02:31 PM

يسلمووووو اختى الغاليه عالموضوع (f)(f)

وانا جربت Super AquaSerum لان بشرتى جافه وهذا سيروم للترطيب العميق

وجربت Success Night ممتاز وكان يعمل على تجديد ألياف الكولاجين اللى تعتبر مصدر نشاط

البشره وماشفت عليه شى غير انى احب اغير الكريمات بين فتره واخرى احسها تعطى فايده

اكثر وشكلى برجع استخدمه مره ثانيه بس يخلص اللى عندى

~

~"مناير الكويت"~

عروس رائعة

13-07-2005 | 03:29 PM

واااااو رووعه يعطيج العافيه على الموضوع

انا استخدم مجموعة العناية من شانيل وقريب تخلص وبعدها ان شالله بستخدم مجموعة التبيض

من جيرلان issima ويارب تعطي نتيجة

بنات اللي جربت مجموعة العناية او التبييض ياليت تفيدنا نفعت معاها ولالا؟؟

M

Marshmallows

مشرفة سابقة

13-07-2005 | 09:30 PM

تسلمون عزيزاتي على الردود والتعقيب

للموضوع بقية

&

ღرومانسيةღ

مشرفة سابقة

13-07-2005 | 10:51 PM

تسلميــــــــــــن حبيبتي ام خالد وهاااج مني هالهدية(g)

تحياتي
#رومانسية#

M

Marshmallows

مشرفة سابقة

13-07-2005 | 11:41 PM

تسلمين لي يا أحلى رومانسية يا قمر

ا

الظبيانيه

عروس مشرقة

14-07-2005 | 12:09 AM

انا توني شاريه الملك من عندهم و اشوفه زين بس ماادري كيف استخدمه بالضبط الحرمه قالت تحطينه فوق المكياج و تمسحينه بقطن او تغسلين و جهج بس كيف اغصله بتسيل الماسكارات

و مكتوب في الورقه الموجوده مع الكريم انه يستخدم فالليل و في النهار من اجل تنظيف البشره

و بالنسيه لي Success Smoothing Toner ممكن توضحون في فايدته بالضبط و متي اقدر استخدمه

اتمنى من اصحاب الخبره يفيدوني

M

Marshmallows

مشرفة سابقة

14-07-2005 | 12:20 AM

الظبيانية

عزيزتي الميلك بأختلاف ماركاته نفس طريقة الأستخدام

ممكن توزعينه على وجهك وتمسحين بالقطن

او ممكن تحطين منه على قطنه وتمسحين بها وجهك

وهو اصلاً لأزالة المكياج لازم بتروح الماسكار !!

التونر يستخدم بعد الملك او غسول الوجه

يزيل المكياج والشوائب الباقيه اللي ما ازالها الغسول او الملك

وهو يقبض مسام البشرة وينعشها

وبنفس الطريقه ينحط بقطنه وتمسحين به الوجه

بس تجنبي منطقة العين

ع

عروس مسلمة

عروس مشرقة

14-07-2005 | 12:31 AM

كمان اعتقد الميلك والتونر نستخدمهم قبل وضع الماكياج عشان ننظف الوجة تمام قبل وضع الماكياج

اختي رعبوب الموضوع كثير جميل ومفيد استفدت منة جدا خصوصا اني احب كثير جيرلان

انا استخدمت منهم الكريم المبيض منطقة حول العين بس المشكلة اني اصلا ماقدرت ابطل سهر وهذا ضرني مرة

واستخدم الميلك و التونر وعندي كريم النهار بس لسة ما ستخدمتة

وسلامتكم

M

Marshmallows

مشرفة سابقة

14-07-2005 | 01:55 AM

عروس مسلمة

صحيح كلامك ممكن نستخدمهم قبل الميك آب

بس انا احب استخدم الغسول قبل المكياج

شاكرة لك افادتنا بتجربتك