اعطية ولا ما اعطية .. نصحوني ؟؟

لا عزيزتي لا تعطينه بيحسس وبعدين هالكلام كان على ا لنظام الجديم الحين الدكاترة ما ينصحونج تعطين الياهل شيء قبل


ما يكمل 5 شهور وبعدين هالشيء بيأثر عليه يوم يكبر من سوء هضم وتعب وبعدين عصير البطيخ يسوي غازات للكبار كيف الصغار


اللي معدتهم ما اكتملت

لا تعطينه لين خمس او ست شهور

بعدين ابي بالخضار معاه وبعدها الفواكه بعدين العصير

الحين عطيه التمر اذا تعرفين طريقته

كيف يسوون التمر


ممكن تكتبيلي الطريقه

المفروض انج بديتي بالتمر من يوم هو في الاربعين...

الحين ابدئي عطيه فارليز مع ماء ملعقه وحده اول مره واليوم الثاني ملعقتين وهكذا ...خليها وجبه وحده في اليوم....
نصيحه عطي ولدج الاكل ولا بعدين بيتم ضعيف اذا ما بديتي الحين

انا ماانصحك تعطينه شي خوفا من التحسس

ولاحق خير انشاالله

انصحك لا تعطينه اي عصير الحين ولما تبتدين تاكلينه عطيه ارز ثم خضار مثل جزر وبطاطا ثم فواكه مثل التفاح والموز

نصيحه لاتعطينه شي الحين

لمن يكمل 5 شهور او 6 شهور ..

واذ عن الغازات في بطنه عطيه نعناع او ينسون وبس لاتعطينه عصير الحين توه صغيييير ...

وعطيه التمر مثل ماقالت الاخت جوري

لا تعطينها الا لمن يكمل 5 شهور انا عيالي لمن يكمل 4 شهور بعدها ابداء اكله شوي شوي لان معدتها ماهي متعوده ولا بيتحمل
ومثل ما قالو لك الاخوات اعطيه تمر يعنى ماء التمر المغلى

السلام عليكم ورحمة الله وبركاته

لسه بدري أختي...

الحين بتصيبه حموضة لو إعطيتيه عصير

انا الصراحة عطيت بنتي عصير برتقال لكن مخفف وحتى عصير التفاح مخفف .. وعادي الحمدلله ..


بس الفارليز مقطوع من السوق عندنا ..

يعني اغلي ماي واحط فيه التمر البني ولا الي يبيعونهم فالمحلات يكون رفيع وحامظ

قولولي الطريقة وشكثر اعطية يعني كم ملل .. وكم مرة فاليوم ؟

وشو فايدته ..؟

السلام عليكم ورحمة الله وبركاتــــــه

ياقلبي
بحكم كوني أخصائيه تغذيه ما أنصحك أبدااااا في إعطاء طفلك أي وجبه غذائيه الان حتى لو كان مجرد عصير برتقال مخفف ممكن يتحسس لها ويسبب له إنتفاخ بالبطن وغير الالم اللي راح يعانيه الطفل
والوجبات راح تدخلينه بطعامه بعد نهاية الشهر الخامس هذا أفضل شهر معدته بتكون مهيئه لتقبل الأطعمه وبالتدريج
ويتربى في عزك

ولكم فائق تقديري وإحترامي
دمتم بخير

هلا بجعة

هاتي حبة تمر وحطيه في ماي حار لين ما يذوب وعقب اهرسي التمر وصفي الماي من التمر وعطية مرة في اليوم

انا اعطي بنتي حجم المرضعة الصغيرة الي 60 ملل

اضم راي لراي عروس دبي