شو سالفتكم يالشباب خافوا الله !

نوووسه:
الله يهدي الرجال جميعن

وهاذي الحالات وااايد منتشرة خاصة عند العوايل اللي يزوجون عيالهم غصب بس لانهم عيال عم او عيال خال
والبنت والولد مايشوفون بعض ابد الا ليلة الدخله

مع انه الشرع حلل النظره الشرعيه وبعض الناس يكرهون انهم يطبقونها

بس حراااااا م انه يستغل الطلاق وعلى كيفه اي وقت يحب يطلق او يهجر
انا افضل حل عندي انه لو كان مايحبها او انه مااستوى بينهم حب وموده بعد الزواج
يعززها في بيتها ويكون بينهم احتراام
واذا يبا يتزوج يتزوج بس بدون مايطلق بنات الناس

والله يبعد عنا هالنوعية من الرجال ويبعد اخواننا عن هالتصرفات

عذب القوافي:
الله يكون في العون

عاشقة الجوري50:
بصراحه مسالة ان الولد بنغصب ماتنبلع

عيب رجال طول بعرض تنغصب
وش هالعذر الي اقبح من ذنب
لو ماكان لك قوه خل لك رئي تقول لا
واذا مالك رئي قول اقل شئ للبنت السالفه وهي ببتفاهم ويكون من طرفها

حبيبتي
هذا عذر عشان يلعب بالحلال

وهذا رئيي

والله عصبت:mad2:

*المجروحة*:

*¤®§( السلام عليكم ورحمة الله وبركاته)§®¤*

بصراحه انا اشوف اللوم كله ع الاهل
يغصبون الولد انه ياخذ وحده مايبيها ومايقدر يقولهم لا
ولو قالهم ابي وحده في بالي وهم رفضوا مايقدر ياخذها غصبا عنهم ماراح يتوفق دام هله مو وافقين ويضطر يرضيهم وياخذ اللي يبونها

SHREEFA:
الله يهدي الجميع
بنات وشباب
لان الظاهره هذه منتشره
لدى الجنسين
مو فقط عند الرجال
بعد شهرين ثلاثه
قالت او قال
ما عجبني او ما عجبتني
مو هذي اللي كنت اتمناها
مو هذا اللي اقدر اتفاهم معاه

اتقوا الله في بنات الناس وفي اولاد الناس
والزواج مو لعبة وحفله وطرحه وبشت
الزواج مسؤوليه

لذلك انا افضل واصر على ان يكون الاختيار والزواج باقتناع تام
وباختيار الطرفين ورضاهم وقبولهم لبعضهم البعض
والله يوفق الجميع


دمتم سالمين
اختكم شريفة

نوووسه:
كلامك حلو يا شريفه

sweeta girl:
اول شي اذا كان الولد مغصوب على البنت بيكون الغلط على الاهل لانهم هم اللي اختارو للولد البنت ويمكن هو مايبغاها او في باله وحده
واذا كانت من اهله يمكن سمع عنها شي مايعجبه و مايبغى يقول لأهله هالشي لان سمعة البنت بتطيح وهو مايبغى هالشي علشان صلة القرابه

واذا كان الولد أو البنت هم اللي اختارو الانفصال بعد الزواج هذا اكبر غلط
ليش الناس شرطت فترة الخطوبه علشان كل واحد يعرف الثاني

وبالعكس اذا واحد تزوج البنت اللي يحبها هذا الشخص اللي يعرف الصح
لانه لو فكرنا شوي هو ماحب بنت الا لانها تحبه وبينهم علاقة اكيد

والبنت اكيد متعلقه بالولد ورفضت قبله على الاقل واحد علشان انها تستناه او وعدها بزواج

حرام بتركها ويتزوج غيرها و هي تحبه وهو يقول انه يحبها

يعني من البدايه واحد حط بنت في باله ياخذها احسن و يفضل الاهل مايتدخلون في هالشي لان هذي حياة الولد مو حياتهم

عفوووره:
بالاول ناااااادر مانسمع عن حالات الطلاق ... لكن في هالايام الطلاق استوى ابيييييييييييييزة .... و الله يعينى عالياي ...

اَخر العنقود:
بصراحة الموضوع له عدة اسباب مو بس ان الولد يقول غاصبيني ما في حد في هلزمن ينغصب على شي هذا كان زمان جدتي و جدتج هذي حجة يا أختي تراها مو حقيقة في غالب الامر ... المشكلة تكمن في الولد نفسه ترى الشباب صايرين يحبون يغيررون في الحريم و يتمللون من زوجاتهم بسرعة بسبة اللي يشوفونه في التلفزيون و بره من مفاتن و اغراءات و غيره و خصوصا اللي دينه ميييييييييييييييح ما يدري وين الله قاطه تشوفينه مثل المغناطيس وين ما في وناسة لرغباته يركض من دون تفكير و في شي ثاني بعد البنات الله يهديهم اللي تتعرف لها على واحد بالشات و اللي بالموبايل و الللي غيره و غيره و صايرين عادي يخربون بيوت الناس تراها موضة جلة الحيا و الفصاخة المهم تعرس عندها و تفك عقدها حتى لو كان الريال متزوج و عنده عيال و غير اسلوبه بلاغراء و الكلام المعسل .... ااااااااااااااااااااااااااه الوحده شتقول و شما تقول!!! الله يعين الزوجات و ربي لا يبلينا بهلمصيبة يا رب اتم في بيت اهلي ابرك من اني اتزوج واحد يقطني قطة الجلاب " الله يعزكم"