رساله لكل عروسه مقبله على حفله زفافها مع التحيه

بسم الله الرحمن الرحيم

العرايس الحلوات , تحيه عطره مليئه باحلى التهاني بمناسبه الزواااج :)
حبيت اني اشاراك بهالرساله لاقدم نصيحه لكم وكل وحده حره بانها تاخذها او لا ... بس انا مريت بتجربه وما احب انكم تعيدونها وانا صج حيل ندمانه الحين لاني سويتها
الا وهي الاسراف بالعرس :(

طبعا كلنا نتمنى وندعي رب العالمين انه يبارك لناا في الزواج ويخلينا مرتاحين طول العمر وبنفس الوقت كل بنت تحلم بيوم العرس من ايام الطفوله وتتمنى تلبس الفستان والطرحه البيضا ...
لكن هذا مو معناه ان الواحد يسوي اشياء زياده عن اللزوم او غير معقوله وبالتالي الله سبحانه مايبارك فيها ..

انا فستاني كااان وايد سعره غالي وهذه غلطه كبيره انا سويتها واتمنى ان الله يغفرلي وانا ناويه اني ااجره او ابيعه واعطي جزء من المبلغ للمحتاجين
اخواتي ... المصمم الي ياخذ مبلغ كبير بالغالب ماياخذه لسعر الخام او المواد المستخدمه..بل لاسمه وسمعته وتصميمه..

السؤال الي يطرح نفسه هل انتي ماعندج عقل او خيال يخليج تبدعين وتصممين لنفسج الفستان الي رسمتيه بخيالج منذ الطفوله؟؟؟؟

طبعاااااااااااااااااااااا تقدرين .. لاتقولين ما اعرف ...لان الدراسات اثبتت ان الانسان طول حياته مايستخدم الا 1% بس من قدراته العقليه بسسسسس متخيله انتي لو استغليتي اكثر شوي شنو الابداع الي راح يصيييير؟؟؟ واااو

الخطوات:

1-روحي الجمعيه او المكتبه (ايا كان) ودوريبج جم مجله حلوه فيها فساتين اعراس لبنانيه واوربيه وغيرها
2-اخذي المجلات وقعدي مع اختج او رفيجتج وتصفحي واخذي افكار وركبي موديلات على بعض واهم شي دوري على نفسج (يعني شوفي شنو ستايلج وشنو انتي تحبين) مثلا تحبين شي تقليدي بسيط ولا شي شك ولا شي غريب ماصاار ولا استوي

3- استرخي علي كرسي مريح اوسريرك ..طلعي اي احد بالغرفه..شبي شموع وعطري المكان..حطي شريط اصوات الماء او العصافير مثلا ... وتخيلي نفسج يوم العرس وانتي داخله الصاله وشنو الشي الي انتي تبين تكونين لابسته من فوق لي تحت

4-اول ماتخلصين رسمي الشكل الي كان في بالج ومو لازم تكون بيرفكت او ممتازه المهم تبينين الي تبينه
5-سالي ودوري بين كل معافج عن مشغل شغله مرتب واسعاره رخيصه او معقوله وروحي فهميها كل شي
6- روحي اشتري الخامات الي في بالج واذا ماتعرفين حق الخامات شوفي المجلات الي شريتيهم ودوري على خام يناسب موديلج وسالي عن اسمه عند محل الخامات او الخياط واهم راح يعرفونه
وبجذيه تكونين ارضيتي ربج ونفسج وضميرج

واهم شي لاتفكرين بالناس واذا بيعجبهم او لا اهم شي انتي راضيه ومسويه شي تحبينه
ومبروك مقدما
اي سؤال ترى انا حاظره :salam: