ماذا تفعل ولا تفعل العروس.. لنستفيد من الخبرات

وعليكم السلام والرحمة

هلا والله وغلا فيك روح الأمل

عجبتني فكرة الموضوع مرة ......:D

راح أرجع لك مرة ثانية ، أنتظر أشوف تفاعل البنات

السلام عليكم ورحمة الله وبركاته
والله فكره حلوه اختي وخاصة كوي الغتر عاد هذي حدثي ولا حرج مااعرف ومفكره اخليه هو يكويها بنفسه شرانيه انا:D ولا ايش رايكم بنات؟؟؟؟
باااااااااااي

هلا والله
حبيت اقولكن عن تجربتي علشان تستفيدن
الي سويته و ندمت عليه اني اشتريت الكثير من القمصان والتنانير لكن حملت و ما قدرت البسها و بعد ما ربيت كلها صارت موضه قديمه

و الشي الي ما سويته وندمت اني ما كثرة في شراء قمصان النوم(تعرفون عروس وتحب التغيير كل ليله)
والشى الي سويته ومستانسه اني ما رتبت حواجبي وخليتهن رفاع

هلا والله اختي همسه حياج الله.. عاد نتريا مشاركتج الحلوه ويانا وخبراتج...


هلا اختي العروس الحزينه الله يجعل أيامج كلها فرح.. عاد الغتر هاي أهم شي ما وصيج عليهن.. تدربي على غتر اخوانج أو ابوج.. وجهزي بيزات عشان تشترين لهم بدل الغتر المحترقه..

هلا اختي شوق العين... ويزاج الله خير على مشاركتج..

الكل تقريباً نفس المشكله يندم على التنانير والقمصان والفساتين .. وما نعرف شو الحل لان لازم كم فستان وتنوره وقميص.. بس بنحاول ما نكثر..

وان شالله بنمشي على نصيحتج الثانيه... وعن الشي اللي ما سويتيه انا ان شالله ناويه بعد ما اسوي شي في حواجبي.. لأن السالفه فيها لعن وانا راضيه بحواجبي جيه الحمد لله..

وين باقي البنات؟؟ نتريا خبراتكم خواتي..

1) شو الشيءالي سويتيه في مرحلة الاستعداد وندمتي عليه؟

أني فصلت فساتين كثيرة للسهرة ، ومالبستهم كلهم

السبب : أهل زوجي ماأدري وش فيهم طبعهم (عزيمة وحدة ) وبس

وعقبها ....حملت ،والجسم طبعاً طلع يهبل ، ولا جت مناسبات ألبسهم

في أول الحمل ..قبل لا يتغير كثير

وبعد .... إني شلت ظهري ، وتحسفت لأنه بصراحة عقب 3 أسابيع

صار شيء غير طبيعي من المرتفعاااات ألي فيه (( طلع لي حبوب ))

2) شو الشي الي ما سويتيه وتمنيتي انج سويتيه؟

اني ماعملت زفة ، كنت أتمنى ، لكن ابوي وأمي رفضو ...

ماأدري ليش ....؟؟

للمعلومية أنا أول بنت تعرس لهم

3) شو الشي الي سويتيه ومستانسه انج سويتيه وتنصحينا به؟

أني ماشلت ( بطني ) ....وبعد أحب أقولكم بنات لا تنتفون حواجبكم

مو تقولون مرة وحدة وبس ...... ,وإلا الكوافير تلعب برأسك ،وتقول

أرتبهم لك ....... تراه حـــرام ومايجوز أخذ شيء من شعر الحاجب

اللهم قــد بلغت اللهم فأشهد

ماشالله عليك ( تدرين عاد بيني وبينك والله اني ارتحت لك ماشالله عليك بس الله يثبتك انشالله على دينه ويقوي ايمانك )

وانتي بعد اختي همسه مشكوره على ردودك يعطيك الف عافيه على خبراتك بس موب تزعلين علشان اهلك ماسوو لك زفه عااااادي عوضيها بعيالك انشاااالله

طبعا الحين تتنظرون خبراتي .. ااااسفه ماعندي خبرات ولا شي بس دخلت استفيد منكم الله يعطيكم العافيه ..
اللي فهمته منكم ماشيل شعر بطني ولا ظهري ..
وبخصوص فساتين السهر الحمدله مافصلت واايد اشوا ( لان امي منبهتني للنقطه انهن بيطيحن بكبدي وماراح استفيد )

بس الحين لازم نرع نكوي الغتر !!!!
ياربي صعععب ماااعرف اكووووي .. تدرون عاد قلت لامي تشتري لي مكواة بخاار اسهللللللل لي والله يعييييين
يالله اخواتي خبرااااتكم

موضوع بالفعل حلووووووو كثير ويستاهل انه يثبت

انا حاليا قاعده اتجهز وامس رحت الخياط لكن اخاف اني اكون مخيطة ثياب وااايد واخشى اني اثقل نفسي بمبالغ كبيرة وبعدين اندم لكن ما اقدر اخفف تدرون ان العروس الكل يريد يشوف ثيابها ما عندنا هذه العادة ما ادري في الدول الأخرى كيف
لكن قمصان لأ ما خيطت اشتريت جاهز
لكن الجلابيات المخور هم اللي كثار
والله يا خوفي يطيحون بكبدي وما اقدر اتصرف فيهم
وتدرون شوي خياطة ملابس العروس تكون غالية

لكن انتظر ردود اخواتي المتزوجات علشان يوافونا بخبراتهم في ههالمجال

حياج الله أختي همسه ومشكوره على مشاركتج الحلوه.. انزين وبخصوص فساتين السهره.. كم فستان نفصل كحد أعلى؟ أنا قلت ما بزيد عن 4 فساتين ماعرف هذا وايد ولا شويه..

وأما عن الزفه.. ماعليه.. اهم شي تكونين مستانسه فحياتج.. وان شالله تتوفقين لأنج طعتي اهلج وما سويتي شي تمنيتيه عشانهم..

وسالفة الحواجب متفقين عليه احنا وكل العرايس ان شاالله ... "لا لنتف الحواجب" :)

هلا والله فيج اختي كرزه الحلوه..
الله يعافيج.. ويزاج الله خير على دعائج لي الغاليه..
(سبحان الله.. نفس احساسي والله.. الله يثبتني وياج على طاعته.. اللهم آمين)
زين سويتي بسالفة البطن والظهر..
أما الغتر.. عيوني السالفه مب سالفة كوي وخلاص.. حضرتهم يبون هالمثلث اللي يكون عند مقدمة الراس يكون واقف.. ماعرف شو اسمه.. مادري فهمتي علي ولا لا.. اشوف خدامتنا تحط نشا وهالسوالف عشان يكون واقف ومرتب.. وبيني وبينج أنا حاطه في بالي اشتري مكوى وطاولة مكوى واحطهم بحجرتي الحين.. وآخذ غتر اهل البيت واجرب عليهم.. بس بصراحه للحين ما بديت أقول لاحقه على التعب العرس في الصيف ان شالله..

هلا والله اختي شهد78.. تسلمين والله ردودكم هي اللي حلّت الموضوع..
هالمشكله العادات اللي تخرب علينا.. الله يعينج صج مشكله إذا الناس يطلبون يشوفون ثيابج.. انزين ماعليه لا تكثرين وايد من الملابس وقوليلهم انج خذتي احتياطج لتغير الجسم بعد الزواج.. وبالعكس يمكن تكبرين بعينهم ويقتدون فيج ان شالله..
واطمنج أكثر شي يتم ويا العروس تقريباً هي الجلابيات المخور لأنها تكون وسيعه فتنفع حتى لو امتلى الجسم شوي... اذا ما متن وايد.. اما الفساتين هي اللي تطيج بجبدج لأنها تكون مفصله على الجسم وان تغير يتكنسل الفستان..

بانتظار المزيد من المشاركات والخبرات..

عزيزتي روح الامل :::
بالفعل جلابيات المخور تبقى لكن الخوف تدري من ايش ان موضة الكريستال اللي فيه او نقوش اللي تكون فيه تروح
ما دري قدرت اوصل المعلومة او لا

يعني اختي قبل كم سنة كانوا يحطوا الشك والخرز

لكن الحين صارت بخياطة يد وكريستال (( فصوص ))

وبعد فترة الله اعلم ايش بيطلع

والله كل يوم يطلعوا لنا شيء جديد

والله يعين

هذا غير البخور اللي لازم يكون نوعين :::::
نوع للعروس خاص لها

ونوع للمعازيم اللي يجوا يوم ما يحطوا العروس بالجلو والغذاء قبل ليلة الزفاف
يعين العرس مصارررررررررررررررررريف ما تنتهي ابدا

أمس رحت اشتري للبخور وطبعا الأسعار والعة نار ما ادري ايش السبب
يمكن علشان الأزمة في الخليج (( الله اعلم )))

هذا غير الذهي اللي التولة منه وصلت الى مبلغ خيالي

ما قدرت اشتري ذهب قلت خليني انتظر

عاد الذهب اللي مستحيل ان نخفض منه

لأن الذهب تتزين العروس فيه خلال فترة العرس وبعده لما تنعزم



يعني بالمختصر الله يعينني ويعين كل عروس تتجهز


ولي عودة ان شاء الله

:(هلا والله اختي
[SIZE=2]حبيت اشارك في هالموضوع مع انني مو متزوجه لكن اختي توها متزوجه وبعطيك من تجاربها;)
الشي اللي سوته وندمت عليه انها كل ما عجبها نفنوف بالسوق جابته وبالاخير تكدست عليها الملابس لان اغلب الملابس اللي اشترتهم ما تحتاجهم مو بس ملابس الا شناط وجزم بعد
والشي اللي ما سوته وندمت انها ماشلت شعر وجهها واكتفت بس بالتشقير (شعر الوجه مو الحواجب)
وكذلك تعلم بعض الطبخات لانها ماتعرف تطبخ الا اشياء سهله وعصريه يعني اكلات شعبيه مافيه
وبالنسبه للشي اللي سوته ومبسوطه منه انها مفصله نفنوف العرس عند مشغل عاااااااادي وما كلفها فلوس كثير وبالاخير النتيجه نفس اللي مفصله عند اكبر الخياطين:D[/SIZE]

مشكورين شكلي راح استفيد منكم اكثير


فساتين ماعتقد اني راعية فساتين ......راح افصل لي فستان واحد بس

لاني راعية اللبس السبور.......يعني بناطيل قمصان تنورات كذا.....

نتف الحواجب ......معتقد انتف حواجي لانهم عجبيني منظرهم مومشوه ابد

مرسومين رسم..........

بس اللي راح أخسر فيهم الاكسسوارت امووووووت عليهم شكلي هنا اللي بعقد

الكل........


معندي خبره لكن انشاء الله بعد اشهر قليله راح اخبركم وش صار....

موضوع حلو...

شو اللي سويته وندمت عليه؟؟؟

بصراحه ندمت اني ما اهتميت في عمري قبل العرس...مثل باقي العرايس؟؟لأني عرست بعد التخرج بشهر...واهلي ماكانوا فاضيين لي؟؟؟:confused:لا تذكريني والله قلبي يعورني...

اكثر شي..قاهرني للحين..هو الكوشه...فعلا مو مثل الصوره اللي اختاروها اهل زوجي؟؟؟كانت فاجعه؟؟بس مرتبه الحمدلله...
طبعا اثاث بيتي ما اخترته...عشان اهلي متشددين ..عيب وما عيب؟؟:(


اللي سويته ومستانسه اني سويته....ان عرسي كان يصادف يوم ميلادي...واخر العرس احتفلنا مع المعازيم بعيد ميلادي...كانت حركه مميزه...
;)

بصراحه انا للحين ما اعرف اكوي الغتر...يالله كنادير الريايل بروحها تكسر الايدين؟؟؟
انا قبل لي بارض اكوي واتفنن...لكن الحين....
عالدوبي على طول;)

1. شو الشي الي سويتيه في مرحلة الاستعداد وندمتي عليه؟..
ركزت على اثاث شقتي واهملت في تجهيز العرس ..... النتيجة كانت اوكي لأن خواتي قاموا بالواجب بس كنت احب ان كل شي يكون على ذوقي ....

2. وشو الشي الي ما سويتيه وتمنيتي انج سويتيه؟
كنت ابي اشتري هدية حق زوجي اعطيه بيوم العرس بطريقة مبتكرة وضايقني الوقت ونسيتها ...

3. وشو الشي الي سويتيه ومستانسه انج سويتيه وتنصحينا به؟
كثرت من الذهب والألماسات يعني اغلب مهري صرفته على هالاشياء لأن الملابس وباقي التناتيف اقدر اخذها بأي وقت بس الذهب اهوه اللي يقص الظهر واهوة اكثر شي يركزون عليه الناس والحمدلله كل اللي شافوني قالولي زين ماسويتي .... والشي الثاني مثل ماقالوا البنات ما شلت الشعر اللي في بطني وظهري لأنه اولا الريال مالاحظ شي وثاني شي كان طلعتلي حبوب وبلاوي انا في غنى عنها....

يزاكم الله خير خواتي على مشاركاتكم الحلوه..

أختي شهد.. لا تخافين من سالفة الموضة.. موضة شغل اليد والفصوص يديدة تقريباً.. وانتي مب مفصله حق أربع أو خمس سنين صح؟ :) وتعرفين الطبع (رسم نفس نقشة القطعه بالتطريز) هاي موضة وايد قديمة وللحين ما طاحت الموضة لأنها وايد حلوه وأنيقه..

والله يعينا على هالأسعار.. مهما حاولنا نقتصد ما نقدر..

-----------------------------

هلا والله أختي هيفونه.. مشكوره وايد نقلتيلنا خبرة أختج..
أخاف نكرر غلطة أختج وتتكدس علينا الأغراض.. هاي مشكلتنا .. كل ما عجبنا شي خذناه.. عقب ننصدم يوم نفتح الدولاب!
بس ان شالله بحااااول أمسك عمري.. وتدرون خذوها نصيحه من مجربه.. قبل لا تسيرون السوق اكتبوا على ورقه انتوا ليش رايحين.. يعني شو تبون تييبون.. لا تخلون المجال مفتوح كل ما عجبكم شي خذتوه حتى لو ما كنتوا محتاجينه!..

أما عن شعر الويه.. ليش ندمت أختج؟! ترا انا حاطه في بالي اشقر شعر الويه للعرس بس خوفتيني الحين..

والطبخات الله يعينا على العاديه.. وشعبيه بعد !:(.. السالفه يبالها إرادة وعزيمة قويه.. الظاهر بنتفق ويا بعض ونسوي جدول اسبوعي للأشياء اللي لازم نتعلمها قبل العرس.. في موضوع يديد.. بس عقب هالموضوع.. اشرايكم؟

وأحلى نقطه اختي هيفونه هو تفصيل فستان العرس في مشغل عادي.. كم كلفها التفصيل؟ والقطعه غاليه ولا عاديه؟ ما عليج أمر عطينا تفاصيل أكثر ترا ما يعور قلبي شي كثر فستان العرس.. يكون بالآلاف وما ينلبس إلا ساعتين/ثلاث لو زاد..

-------------------------

هلا وغلا اختي العنود.. الفساتين بتحتاجينها لازم.. في الصبحيه.. وعزيمة بيت أهلج.. وإذا كانت من عاداتكم المعاريس ينعزمون في بيوت الأهل.. مادري إذا عاداتكم غير عنا.. بس تدرين وايد حلو ومريح اللبس السبور للزيارات.. وكلن على حسب عاداته

والحمد لله ان حواجبج حلوه والأهم انج مقتنعه فيها وعاجبتج.. لأني أعرف وايد بنات حواجبهم مرسومه رسم سبحان الله بس قص عليهم الشيطان وغيروها.. الله يهدي الجميع..

ذكرتيني باختي وحبها للاكسسوارات.. ما تشوف محل اكسسوارات الا علقت عنده.. وما ترتاح الا لو اشترت.. احس احسن ما تشترين اي اكسسوار لين ما تخلصين من الملابس.. عشان تضبطين نفسج وتييبين اكسسوارات تناسب الملابس.. ولا تكثرين ترا الاكسسوارات اكثر شي يتجدد في الموضه.. يعني كم شهر وتنزل تشكيله يديده..

---------------------------

هلا والله عروس قديمه.. ردودكم هي الحلوه..
انزين خبرينا عشان نستفيد.. ما اهتميتي بعمرج من اي ناحيه؟ العنايه بالبشره ولا الأغراض ولا شو بالضبط.. ولا تصيحين اهم شي انج مستانسه الحين ويا ريلج ومتوفقه الحمد لله.. وتعوضينها بعيالج ان شاالله :)

والكوشه زينتها وحلاها بالعروس.. واكيد انتي زينتيها..

مصادفه وايد حلوه ان عرسج يوافق يوم ميلادج.. :)

أما الغتر.. اول الايام على الدوبي.. وعقبها؟ نتعلم للضرورة.. وان ودوها للدوبي.. يكونون سووا خير فينا :)..

------------------------------

هلا فيج اخت دانة الكويت..
زين ان النتيجه كانت مرضيه.. ويزاهم الله خير خواتج..

وما ألومج لو نسيتي هدية العرس.. انا ما بفكر فيها من الاساس لاني اعرف اني بنساها مع الخوف والربكه والحالة النفسية...

أما الذهب.. انا وهلي ضرابه عليه.. هم يقولون لازم اييب وايد.. وانا مابا.. لأني أصلاً ما ألبس الذهب وايد... عشان جيه أقول حرام اكثر ذهب .. بس مثل ما قلتي هلي ما يرضون علي كلام الناس.. بيقولون زوجوها بدون ذهب.. وعندنا ذهب العروس أهم شي..الله يعين

---------------------------

مشكورات وايد خواتي.. اسعدتني وفادتني مشاركاتكم.. وبانتظار المزيد

أنااللي سويتة والكل أعجبته الفكره انى فصلت فستان زفافي لونه وردي فاتح مع سكري وطلع مسكت وماتصدقون لو أقولكم اني لبسته في زفاف أختي..وكمان كم وحدة أعرفها خاطت فستان زفافها لونه غير الأبيض مثل الفستقي والترابي الفاتح..وكمان أني ما قصيت شعري ولاصبغته الا بعد الزواج تقريبا بشهر أوأكثر عشان أطلع بشكل جديد لزوجي وفعلا أعجبته الحركة..و أني أخترت غرفة النوم أنا وطبعا رحت مع أهلي واخترت كم غرفه أعجبتني وبعدين راح أبوي معه وقاله ياخذ وحده من هذي الغرف.. واللي كنت أتمنى أني مسويته وحتى هو يتمنى هالشي أنه شافني قبل العرس مو أني ماأعجبته لكن هذا الموقف بعد الزواج له ذكرى حلوه ودايم أختي تحسفني على هالشي لأنها مجربتها وذايقه حلاوته...

هلا أختي المملوحة نونو.. مشكورة وايد على الرد

فكرتج وايد حلوه حق فستان العرس.. بس لو توصفين لنا موديله.. يعني كيف دخلتي الوردي على السكري؟ وكيف قدرتي تلبسينه في عرس اختج؟ يعني كان بسيط؟

تصدقين ياي على بالي أفصل فستان وردي أو بيج.. وحلو انج تقجرين تلبسين فستانج في مناسبات ثانيه.. عشان ما تتحسفين عليه..

أختي روح الأمل مشكوره والفستان أصلا أخذته من برده ولونه الاصلي أبيض لكن أنا كان في بالي من زمان أخيط ثوب زفافي وردي وكان فيه قماش الصدر كله شك وخيوط حرير فأنا لقيت نفس القماش الخيوط فيه ورديه وفي الفستان ورد فأنا حطيت ورد يجي نفسها لونين وممكن تطلبينه على اللي تبينه....

السلام عليكم ورحمة الله وبركاته

خواتي عضوات المنتدى

اشلونكم؟؟ انشالله بخير

مشكوووورين كل اللي شاركو بهالموضوع الاكثررررررر من رائع

فعلا فكرة حلوة ومبتكرة

وعلى فكرة انه ما دشيت عشان اكتب لكم من خبراتي

لاني توني في مرحلة التجهيز بس انشالله استفيد منكم

وانه الصراحة حابة اشكركم لأنكم وااااايد ساعدتوني وبطلتو عيني على اشيا ما كانت حاطه بالي لها
خصوصا اني ما عندي خوات يعلموني هالسوالف :( بس يالله الحمدالله ربي عوضني بكم خووات انشالله :D

وعلى فكرة تدرون انكم غيرتو رايي عن فكرة نتف الحواجب!!! انه حواجبي الحمدالله زينه ومايبي لها تعديل بس كنت حاطه في بالي اني عروس فلااااازم اشيلهم ليلة العرس ولو مرة وحده

بس الحين لاء .. عطيتوني عزيمة اني ماخلي الشيطان يقص علي وبعدين صار عندي قدوة وصرت اقول في نفسي مادام اهمه ماشالو انه بعد اقدر اني ماشيل :D

بس حبيت اخذ رايكم في شي .. انه حواجبي (مقرونه) بشكل بسيط بس الحمدالله مرتبه .. في ناس يقولون لي حلوة ولا تشيلينها وفي ناس يقولون لي لازم اتشيلينهم عشان تتغيريييين في ليلة عرسج

وانا محتااااارة اخاف اشيل واتحسف وفي نفس الوقت اخاف ماشيلهم واتحسف

انتو اشرايكم؟؟؟ تعرفون بعد هذي ليلة العمر :confused:

وكلمة أخيرة بس بقولها عشان احر قلبكم ههههههههههه مع اني ليحين ما تزوجت بس فنااااااااااااانة في كوي الغتر

تدرون ليش عاد؟؟ لأن اخوااااني كلهم صبيان ومتعلمة اكوي لهم من زمان وتره المكواة البخار فعلا زييييينة ووايد تسهل العملية :)

مسامحة طولت علييييييييييكم وايد ومشكورين كلكم مرة ثانية :cool:

سلام مرة ثانيه

بناااااات ياتني فكرة وايد حلوة (i) وانشالله راح اسويها وارد عليكم عقب جم يوم

بما إني ما قدرت افيدكم في شي

فقررت اني اخذ هالثلاث اسئلة واسئلهم حق اي وحده من صديقاتي او من اهلي المتزوجات طبعا

وبجذي ازيد الخبرااااات واقدر افيدكم اشوي :D

هاه اشرايكم؟؟:)

انتظروني انشالله كلها فترة بسطية ويايبه لكم النتائج