فـيـلـيـه الـهـامـور **بالصور**

بسم الله الرحمن الرحيم

اليوم سويت لكم طبق لذيذ و يجنن حتى ابوي استخف عليه وخواتي

فــــيـــــــــلـــيــــــــــه الــــهـــــامــــــور

الطريقه :

نحضر فيله الهامور .. انا خذيت فيليه واحد وقطعته قطعتين

* انا ما سويت كميه كبيره لان اول مره اجربه ويمكن ما يضبط

بس تندمت لانه كان حلو وخلص بسرعه

ناخذ الفيليه ونغسله بملح وليمون ونخليه في المشخاله تقريبا ربع ساعه

حتى ينزل الماي حق الهامور ..

ونجهز في وعاء ثاني ملعقة صغيره بودره فلفل احمر حار + ملعقة صغيره بودره فلفل احمر حلو

ملح وحبتين عصير ليمون وملعقتين طعام طحين و ماي هذا كله لازم يكفي كوب .. يعني الماي مع المقادير

والليمون لازم يكفي كوب + شرائح بصل حبتين

بعدين ناخذ الهامور ونغسله مره ثانيه .. و نضع عليه الخلطه ونتركه لمدة نصف ساعه



وفي هذه الاثناء نحضر رز بس بدل ما نضع الزيت والملح نضع الزبده والماجي

وناخذ بطاطس ونسلقها تقريبا 5 دقايق ..

وبعدين في وعاء ثاني نحضر كزبره مفرومه وملعقتين زبده وملعقة زيت للقلي مع قليل من الملح


ونضع البطاطس فيه حتى ينضج وبعدها نضع البطاطس في صحن التقديم على جنب





وبعدها في نفس الوعاء الذي حمرنا فيه البطاطس نضع شرائح من البصل الابيض

ونتركه جانبا مع البطاطس في صحن التقديم ..

وفي نفس الوعاء الي حمرنا فيه البصل والبطاطس .. نضع مقدار نصف كوب من الكريمه البيضاء ..

لمدة دقيقتين فقط .. ونرفعه من النار ..

والان ناخذ قطع الفيليه و ن تركها في صحن ثاني بدون الخلطه يعني بس الي بيكون على الفيليه

ونغمسها في هذه الخلطه الثانيه وهي عباره عن

بيضتين + نصف ملعقه شاي بيكنج بودر وفلفل اسود وملح ونخلطها مع بودره الكعك * البقسماط

وندهن الفيليه فيها .. ونقليها على نار هاديه



ولما نجهز صحن التقديم نضع عليه من فوق الكريمه البيضه ..



ويقدم ساخنا ... وصحتين وهناء

اتمنى انكم تجربونه لانه فعلا لذيذ ..