روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 7 من 7

الموضوع: وفاة ولد خال زوجي وزواجي

  1. #1
    عروس نشيطة
    تاريخ التسجيل
    09/06/2004
    الدولة
    البجرين
    المشاركات
    107

    وفاة ولد خال زوجي وزواجي

    يا بنات انا في ورطة

    باقي على زواجي 3 أسابيع

    وأهلي زوجي ما بيحضرون العرس ،،

    البداية قالوا حق خطيبي أن ما بيحضرون لأن ولد خالته متوفي

    وبيمر على وفاة ولد خالته في تاريخ زواجنا 50 يوم ، وانا حفلة خطوبتي كانت في البيت ومحد شاركني الا اهلي واهله ومافي احد من صديقاتي كانت حفلةة بسيطة

    وثاني شيء إن ام زوجي مريضة وتعبانه وما تقدر تمشي

    والشيء الثالث إن خوات زوجي ما سوى لهم ملابس ،، لأن ابو زوجي عاطل

    وحالته الاجتماعية تعبانه (عاطل ولاعنده تأمين اجتماعي* وفي نفس الوقت يتحمل مصاريف علاج ام زوجي

    طبعاً خطيبي قالي وانا تضايقت وصحت عليه ،، وقلت له أهلك ما يحبوني ،، وشكلهم ما يبوني ،، بس خطيبي وعدني خير

    أحس أهل خطيبي في سبحانية غير الناس

    وخطيبي طيب ويحبني وايد ،، ويبي رضاي وما يرضى على زعلي ،، وماخذته عن حب

    وبرضا الكل ..

    بس خايفة ،،

    طبعاً قال لي خطيبي الموضوع وسويت روحي ما ادري بالموضوع كم يوم ،، وخطيبي ما يكلم أهله لليوم

    وخاصة ان ابو زوجي عنيد وشديد صراحة واعتبره راعي مشاكل ومستغربه اشلون مدحوه الناس لأهلي ومتسبب على خطيبي ،، مع اني اشوف خطيبي احسن اخوانه ،، بس مضطهد ومب مدلع بينهم ..

    المهم ..

    ام زوجي كلمتني امس في الموضوع ،، وقالت لي ان ولدها زعلان وانا مسوية روحي ما ادري بالسالفة ،، وقالت لي ان ما بتحضر العرس لأنها ما تقدر تمشي ،، والله الله العالم اني امي وضعها مأساوي نفس ام زوجي واكثر لدرجة ان العكاز تستخدمه وهي عمرها 45 وبعد ما تقدر تمشي بالعكاز بس مع ذلك بتحضر العرس ،، وقالت لي ام زوجي ان ما تقدر تعزم اختها أو تفرح وولد اختها متوفي واختها بتزعل

    للعلم خالة زوجي طردته من بيتهم قبل ثلاث سنوات ،،

    وزوجي ماخذ موقف منها ،، مع ان لما توفى ولدها ،، وصاني اني اروح اسوي الواجب ..

    وعمي بعد دخل في الموضوع ،، وقال ان ما يصير ،، وما يصير ويكرر ويشدد ان ما بيحضرون العرس لكل الاسباب اللي ذكرته ومنها ان خوات خطيبي ما جهزوا لهم فساتين ،، للعلم خطيبي متكفل بكل شيء يتعلق بحفلتي ،، وماعنده الا راتبه 400 دينار نصه قرض ،، ودافع لعلاج امه ،، و50 دينار يدفع لاهله ما يصفى الا 150 دينار ،، شقتنا فارشه بروحها ،، وابوي عطانا شهر العسل هدية تذاكر شامل كل شيء .. لأن عالم بالحال

    وما قلت حق اهلي عن الموضوع لأن اهلي بروحهم ماخذين موقف من ابو خطيبي ،، وصلحت الموقف ،، والحين إذا قلت لهم السالفة بيخافون علي وبيتضايقون ،، وبياخذون موقف من خطيبي ومن اهله ان ما يبوني ..

    خطيبي ايقول بنسوي الحفلة واللي بيحضر يحضر واللي ما يبي يحضر لا يحضر ..


    انتوا اشرايكم واشلون اتصرف

    انا قلت باكلم خالته وزوجه ولد خالته ،، بس خطيبي قال كلمي زوجة ولد خالتي ،، خالتي لا تكلمينها ...

    باشرح لهم ان احنا جهزنا كلشي ودفعنا كلشي واذا كنسلنا بنخسر الفلوس ،، وباستأذنهم وباعتذر لهم ،، بس الخوف ان ما يوافقون وتتعقد الامور بيني وبينهم..

    صراحة مو حاسين اشكثر خطيبي يعاني ،، اولاً محد ساعده في فلس واحد ،، ثانياً ما بيحضرون ،، خطيبي يحس بشعور واحساس ان اهله ما يحبونه ،، بس ما يعترف لي ،، مع انه يموت على اهله موت ،،

    وصراحةة انا خايفة من عايلته ان يقسونه عليه ،، وبعدين يتركني ،،

    ياريت تساعدوني

  2. #2
    عروس مشرقة
    تاريخ التسجيل
    17/04/2003
    الدولة
    السعوديه الله يحفظها .
    المشاركات
    426
    حبيبتي وضعك مرة صعب لكن


    ما أعتقد لأهل زوجك الحق يتحكمون في حفلة عرسك؟؟؟


    أنا أقول تفاهمي إنتي وياه وحاولي تاخذين أهله بأسلوب


    وأصبري حبيبتي

    ليش ما تأجلين العرس ؟؟

    يكون أفضل بنظري مع هالمشاكل

    عموماً حبيبتي أتمنى لك السعادة والراحة في حياتك

  3. #3
    مشرفة سابقة الصورة الرمزية &&_عاشقة الجوري_&&
    تاريخ التسجيل
    23/05/2005
    الدولة
    &&__ في جنة النعيم باذن الله __&&
    المشاركات
    2,829
    حبيبتي

    اولا الله يرحم ولد خلة زوجك
    لكن ماهو سبب مقنع عشان مايحضرون الرسول قال الحداد ثلاث اموات واكثر من ذلك بدعه ودامه بيكون يوم زواجك 50 يوم من وفاته فمثل ماقلت ماهو سبب يقولون ادفنوا موتاكم واسعوا في دنياكم

    ثاني شئ لنعطي اهل رجل العذر امه تعبانه وابوه حمقي طيب اخواته اي لبس يمشي الحال دام حالتهم الماديه مو ذاك الزود

    حبيبتي خلي اهلك على بينه وقوليلهم
    و3اسابيع يغير ربك الامور

    واذا امورك تمت على ماهي عليه سوي زواجك والله يمتعك انتي وزوجك دامه يحبك وتحبينه

    صحيح الموضوع يضايق ان الاهل مايجون بس الواحد وش يسوي

    وشوفي المقربين من خطيبك واعزميهم

    وترا ليلتها ماراح يهمك الاهو وماراح يهمه الا انتي

    والله يوفق فيما بينكم

  4. #4
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096

    السلام عليكم ورحمة الله وبركاته

    بصراحة وضع صعب...الله يكون في عونك...

    لازم أهلك يعرفوا...علشان ما يتفاجأوا بشيء يوم الفرح و يصير مشاكل...

    و خطيبك لازم يحاول أكثر...و الله بيعينه إن شاء الله...و كلمي أخواته شوفي حكاية الفساتين...الفساتين موجودة في كل مكان...مش معقولة تكون سبب عدم حضور فرح أخيهم...

    الله يوفقك يا رب و يتمم لك على خير إن شاء الله

  5. #5
    عروس متألقة
    تاريخ التسجيل
    21/07/2003
    الدولة
    saudi arabia
    المشاركات
    239
    و الله ما اقدر ازيد على كلام الاخوات

    بس الله بيجازي زوجك في اولاده و اولاد اولاده و حتى انتي
    بس انتو اصبروا عليهم

    ربي يوفقك و يباركلك

  6. #6
    عروس مبدعة الصورة الرمزية نوارة المزيونة
    تاريخ التسجيل
    29/05/2004
    الدولة
    مملكة البحرين
    المشاركات
    790
    حبيبتي أثير الهمس الموقف وايد صعب

    السبب الا ذكرتينه مو مقنع

    هم السابقون ونحن اللاحقون و هذا ما كتبه الله عليه

    مدام أخذ من توفى 40 يوم ما يقدرون يتحججون اليكم

    و انتي ليش ما تكلمي خطيبج و اتخلينه يقنع أهله و إذا كانت زوجة ولد خالة خطيبج طيبة

    مو راعية مشاكل تقدرين اتكلمينا و تعتذرين منها و تتفاهمين معاها

    أكيد بتتفهم الوضع و إذا كنسلتي الحجز كل شيء بتخسرينه

    و عمج خليهم على خطيبج يتفاهم معاهم ، أمه و أبوه ما عندهم احساس

    ولدهم بيتزوج وما بيحضرون ، بالتأكيد الكل سيتكلم عنهم

    و حتى مثلا مو موافقين على الزواج ، المهم أبنهم يكون مرتاح مع الزوجة الا اختاره

    و مو هم الا بيزوجونها حتى يقومون بالاختيار اليهم

    الله يوفق لج و يسير لج في الدنيا و الاخرة

  7. #7
    عروس مبدعة الصورة الرمزية ام ربى
    تاريخ التسجيل
    19/07/2003
    الدولة
    بلاد الحرمين
    المشاركات
    586
    انا اشوف انك تكلمين ابوه وتقولين له ان الزواج ماراح يحلى إلا بوجودهم ومن هالاكلام الزين اللي يطيح الطير من السماء....واخواته ياخذوا فساتين ايجار مو لازم يشترون اهم شي يفرحون مع اخوهم...الله يسهل امورك وتفرحين بزواجك,,,آآآآآآمين

المواضيع المتشابهه

  1. وفاة والد زوجي
    بواسطة والدة الشيخ في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 10
    آخر مشاركة: 11/12/2008, 06:15 PM
  2. وفاة ام زوجي (واظلم في عيني الكون)
    بواسطة انسانه111 في المنتدى الواحة الأدبية
    مشاركات: 10
    آخر مشاركة: 14/04/2007, 01:39 AM
  3. هذي قصتي بعد وفاة زوجي ,,,, ولا ازال في الحداد ,,و لا تبخلون علي بنصيحتكم
    بواسطة الارملة الحزينه في المنتدى استفسارات أفكار و خبرات
    مشاركات: 42
    آخر مشاركة: 24/12/2006, 12:21 AM
  4. الميك اب وزواجي
    بواسطة anoo في المنتدى ركن المكياج
    مشاركات: 7
    آخر مشاركة: 20/06/2004, 06:39 AM