بنات الامارات .... شو رايكم في مستشفى دبي للولادة ضروري

ممتاز مستشفى دبي

استوى احسن عن قبل بوايد

ماجربته بصراحه .. تولدين بسلامه يا رب

عزيزتي.. الطاقم الطبي اللي في دبي هوه نفسه الي في الوصل.. ما عدا الاستشاريين هم اللي ثابتين بس الباقي بتنقل بين الاثنين. وإجراءاتهم هيه نفسها ونفس العناية .. بس غرف الوصل طبعا وايد أحسن وعنايتهم بالأطفال ذوو الولادة المبكرة من أحسن المراكز في دبي. أنا عن نفسي أفضل الوصل لأنه مستشفى متخصص وما فيه أمراض ثانية وحالج حال اللي تراجعين وياهم واحد. أنا ربيت عندهم مرة وهاي المرة اراجع عندهم بعد لأنهم وااايد يتعبلون

شوفي حبيبتي ..

انا ولدت في مستشفى دبي وكنت اراجع عندهم ...

الحمدلله الي ولدوني كانوا وايد طيبين ومتعاونين سواءا قبل ولا وقت ولا بعد الولاده ... كلهم كانوا مهتمين سواءا من ناحية النيرسات ولا الدكاترة ...

انا مريت بحاله شوي خطرة .. الياهل عندي كان يقل نبظه وايد ويرجع مرة ثانية .. وخلاص لازم قيصرية ..بس من شطارة الدكاترة ومحاولاتهم الناجحة ولدت طبيعي ..

الحمدلله ...


يبت ولد وختنته ثاني يوم على طوول ..

انتي شوفي الي ترتاحيلة شويه

مشكورات خواتي وما قصرتوا وان شاء الله بتوكل على الله وبربي هناك والله يكتبلي اللي فيه الخير

مستشفى دبي أحسن من الوصل بوااايد...

وحده منه أهلي ولدت عندهم وارتاحت وايد من عنايتهم...