ليش مكياجي باهت؟؟

اختي شنو اللي يكون باهت الكريم ولا الشدو ؟

وانتي تستخدمين ماركات ولا مكياج عادي ؟

تحطين كحل سائل ؟؟ لانه هو اللي يبرز العين ؟ والشدو حطين فاتح حق العروس ولا قامج؟


اتمنى تردين على اسألتي عشان اساعدج

كانت عندي المشكلة

بس السر في الأنارة

لما أخط الضوء ما يكون قوي مرة

فلما أخلص أكون راضية 100%

بس لما أطلع في أضواء وكذا

أحسه باهت

وعندي لج نصيحة

فيه جليتر عند نينا ريتشا

بعد المكياج أمسحي بصبعج على جفونج

وصدقيني ما راح تندمين

أنا عندي نفس المشكلة...بس مشكلتي في الفاونديشن أو الأساس...احسه باهت...مع اني استخدم ماركات

السلام عليكم ورحمة الله وبركاته


خواتي اول شي انصحكم باستخدام الماركات المعروفه من كريم اساس وبودره وشدو و كل وحده تختار الكريم والبودره اللي مناسبتها


مكياج الحفلات
اول شي تنظيف البشره بشكل جيد

استخدام البيس وكل وحده تختار البيس حسب بشرتها ( الجافه _ الدهنيه )

اخلطي مع كريم الاساس كريم اضاءة

غطي الهالات السوداء والبقع بالكونسيلر ( كريولان - كفرديرم )

حطي على جفونك بودره سائبه عشان لما يطيح فوقها الشدو تقدرين بالفرشه تشيلينه وانصحكم بماك pigment لان فيها اضاءه ولمعه وتخفي الهالات وتعطيكم منظر مشرق

الشدو يفضل ان يكون مااائي لانه ثابت ويطول اكثر من الشدو المضغوط لانه يبهت و المائي يعطي نظره جميله للعين ولونه قوي ..اما المضغوط لااااازم تكثرين منه عشان بالعرس ما يصير شكلج كأنج مو حاطه شي ولا تخافين من كثرة الشدو لانها بتصير عاديه مع اضاءة القاعه و مع اللبس والشعر راح يطلع حلو.. ولا تنسون بالصالون كيف يحطون لنا شدو كثير

وعلى الجفن المتحرك يفضل ان تكون الالوان غااامقه مثل الاسود - البنفسجي الغامق - الكحلي - الزيتي والالون الفاتحه حطيها عالجفن الثابت ..... لانج لو حطيتي لون فاتح اكيد بتصيرين باااهته


الكحل السائل مهممممم جدا عشان يبرز العين حتى لو ما تعرفين حاولي تسوين خط سائل ضعيف على رموشك


حطي شدو اضاءه على عظمة الحاجب عشان يبرزها وارسمي حواجبك بشكل ضعيف و حطي بودره اضاءه على جفونك ونص الخشم و امسحي وجهك في بودره سائبه فيها لمعه ورديه او بيضا ...في من ماك وفيزرت وشارمل و اليزابيث هيلين ..وحددي خشمج باللون الداكن عالجوانب والفاتح عالنص

حطي بلاشر لونه مناسب

و ممكن تحطين مثبت مكياج اذا المكياج ما يثبت و في مثبت من جيفنشي و تولز و كريولان وبي ان ..يعضهم قبل المكياج وبعضهم بعده


واهم شي تقعدين في غرفه اضاءتها مناسبه عشان ما تنخدعين بالمكياج وتحددين ملامحك عدل مو يصير وجهج كله نفس اللون ..الخشم انحتيه و الجفون حطي عليها لمعه و حطي بلاش

اذا بشرتك تعبااانه لا تحطين بودره مضغوطه حطي سائبه لانها تخفي التعب و الارهاق عالبشره عكس المضغوطه و ما تحتاج لتعديل بين فتره وفترة نفس المضغوطه

وحطي بودر سائبه لونها فاااتح وفيها لمعه ولون يميل للوردي

بس بغيت اتخبرج عزيزتي جويل كيف احدد الجانبين للخشم باللون الداكن يعني اي لون بالضبط وفي وسط الخشم اي لون يعني من البودة نفسها ولا شو ؟؟؟

عزيزتي بدويه

انا ما فهمت قصدج عدل

لكن نص الخشم تحطين عليه بودره فاتحه ...اذا كنتي رايحه زياره عاديه ما انصحك باللون الصارخ حق تحديد الخشم


شوفي هذي البودره شريتها من البودي شوب ... فيها لونين الفاتح حق نص الخشم والخدود والجفون ..يعني على كيفج ..بس شوفي اللون شلون هاديء وموصارخ و القامج حق الجوانب





و في عند بي ان كوريكتر حق الخشم فيه 4 الوان شريته صار لي شهووور ولي الحين ما جربته لاني مرتاحه على البودره اللي من بودي شوب وفلوريل و ماك و ديور و لمعات بوبا

وماك عندهم لمعه لونه بيج ينفع حق الطلعات العاديه وانا متعوده احطه


اما حق العروس والحفلات لازم تحطين لون صارخ شوي مثل لمعات ماك








والقامج على الجوانب عادي اي بودره قامجه عندج سواء بودي شوب او ديور او فلوريل

شوفي هي البودره القامجه من اليزابيث آردن





و ترى موشرط تشترين من ماك او بودي شوب هالالوان واللمعات تلقينها بكل مكان

تسلم أيادي كل اللي ردوا علي...مااتقصرون حبيباتي...
الغاليه جويل تسلمين حبيبتي على توضيحج....بس آنا أستخدم ماركات وماك بالتحديد....بس بعد مايكون مثل مكياج الصالون ...يعني الأسود يبهت مع الوقت والأضاءة بعد .....مادري ....والمكياج المائي صراحة مش حريفة فيه ماعرف له عدل ...
تحياتي لكم .....شهودة,,