سؤال عن الفوتوشوب للمختصين لو سمحتوا ؟؟

بعد ما تنتهين من التصميم
تحفظينه في أي مكان مثل سطح المكتب أو المستندات

ثم تحملينه على أحد مواقع التحميل
وتنسخين الرابط وتنزلينه في المنتدى
عن طريق أيقونة الصور .. وبس





ابــ داحم ــو

السلام عليكم ورحمه الله وبركاته


مشكوور اخوي ابوا داحم على ردك السريع

بس شلون احمله على موقع التحميل اذا ممكن توضح لاني بصراحه مأعرف له


ومشكور مره ثانيه

إذا جهز التصميم افتحي موقع التحميل
وبلتقين مكتوب استعراض اضغطي عليها
وبيفتح لك ملفاتك كلها .. اختاري التصميم
يعني اضغطي عليه دبل كلك أو انتر
وبينزل في موقع التحميل وبعدين اضغطي تحميل
ثواني وبيتحمل الملف وبيظهر لك رابط التصميم والصورة

انسخي الرابط وتعالي عند أيقونة الصور (صورة الشجرة الخضراء)
اضغطي عليها وبيفتح لك شريط أبيض حطي الرابط فيه ثم ok

" موقع التحميل "






ابــ داحم ــو

السلام عليكم



مرحبا اخوي بوداحم


سويت الي قلته بس لما اضغط استعراض وتفتح ملفاتي مايطلعلي التصميم تطلعلي الملفات مافيها شئ

شسوي ؟؟؟

حسب وين إنتِ حافظة التصميم فيه
لما خلصتِ التصميم وين حفظتيه ..؟؟





ابــ داحم ــو

حفظته بالمستندات داخل ملف خاص

خلاص .. إذا ضغطتِ استعراض
ابحثي عن الملف الخاص وافتحيه
ويطلع لك التصميم




ابــ داحم ــو

فتحته بس مايطلع التصميم

يعني الملف ينفتح بس الي داخله مايطلع ولاشي
وحتى على سطح المكتب لما حفظته و اضغط على الاستعراض مايطلعلي مادري ليش

آسف على التأخير لأني طلعت

ربما الخطأ في عملية الحفظ .. مو مشلكة شوفي
بعد الانتهاء من التصميم تروحين File ثم Save As
يطلع لك مربع اللي هو مكان الحفظ ونوعية الامتداد
من السهم اللي فوق في المربع Save in
اختاري المكان ومن الأسفل File name
تحطين اسم للتصميم (الملف) بالانقليزي
وتحتها نوع الامتداد اختاري jpg ثم Save
وبكذا انحفظ بالطريقة السليمة وفي المكان اللي حددتيه

ثم تروحين للتحميل وتكملين العملية
جربي ولا تحاتين .. بساعدك إن شاء الله إلى النهاية





ابــ داحم ــو

سويت مثل ماقلتلي بالضبط

هم ماطلع ياربي مادري شفيه

ما شاء الله عليك أخي الكريم ابو داحم .. محب للخير دائماً .. ازادك الله من فضله .. لفعل الخير دائماً ..

اختى العزيزة بعد الانتهاء من التصميم احفظي التصميم بواسطة ..file >> save as أو file >>save for web ..
صيغة العمل مثل .. gif .. jpeg

برفع عالتصميم عالنت .. عن طريق مركز التحميل او بواسطة المرفق كما موجود في العروس

عند الضغط على خاصية browse

اختاري التصميم بالصيغة التي تم الحفظ عليهاااااااااااااااااا ..

بيظهر لج التصميم ..

اتمى افتدج ..

ودمتم بالود

السلام عليكم ورحمه الله وبركاته


مشكووره اختي طيف الورد انا عارفه بس المشكله لما اضغط على الاستعراض او browse مايطلعلي صور ولا اي شئ المستندات د
او الملفات كلها تكوووون فاضيه عرفتي شقصد



ومشكووووووره على الرد حبيبتي