شو أحسن محلات لأغراض البيبي

اختي عروس اللولو الله يتمم لك بخير ويقومك بالسلامة ويسهل عليك ان شاء الله

بالنسبة لأغراض البيبي من كرسي سيارة ( اهم شي تختاري واحد يصلح للبيبي من الولادة الى عمر السنتين او الثلاث سنوات على الأقل ) وعربة وبقية الأشياء انصحك تاخذينها من ماركة معروفة عشان النوعية

عندك ال mothercare روعة واغراضه قوية مرة



وفيه جاكادي بعده عنده شغلات وشيكو ....

الملابس الداخلية جربي ماركس آند سبنسر اللي عند مدينة الغرير ..... عندهم خيارات كبيرة

وحتى الموذر كير عندها ملابس رضاعة مريحة

وال BHS

أختي العزيزة .. عروس اللولو ..

صبحك الله بكل خير .. و الله يتمم لك الحمل على خير أنا و أنتي و كل حامل يا رب:flower:

بالنسبة لكرسي السيارة أنا شريته من mothercare لونه بيج و أخضر تفاحي فاتح حلوووو و ناعم



و مثل ما قالت أختي RoOoOmy_M فعلاً أغراض mothercare قوية و تعيش معاكي لفترة طويلة

و ممكن تخدم البيبي القادم و الي بعده بعد حسب عنايتك في الشي :up:

أما بالنسة لسنتيانات الرضاعة عندك محلات marks and spence أختي جربتها و تمدحها جداً

تجي ثنتين مع بعض بنفس العلبة و بأشكال مختلفة و خيارات متعددة

و ألوان مختلفة أيضاً :shy:


هذا بالنسبة لما جهزته أنا لنفسي :smile:.. أتمنى أكون أفدتك عزيزتي

:flower::flower:هلاااااااا اختي شخبارك اكيد احسن اقراض البيبي من مذركير والبيبي شوب تيلك مريحه وياخذ الياهل راحته بس حاسبي حق نقطه مهمه اذا بتخذين كرسي السياره لاتغلطين غلطتي اقري عليه تعليمات وسن من كم الي كم انا كنت ابي اخذ لبنتي كرسي يوم عمرها ست شهور خذيت لها كرسي بل غلط مال سنتين

أهلين أختي رومي ... مشكورة لدعائج اختي .. و الله يعطيج على قد نيتج و يسهلي علي و عليج


طبعا أنا حاطة بالي عمر النونو في اخيار الأشياء و أنا لازم أخذ ماركة زينة و تتحمل .. و أكره شي عندي أصرف بيزات على شي ما يسوى و ما فيه قيمة


المذركير عندي في أول القائمة و اخترت الأشياء اللي بشتريها من عندهم في الكتالوج 2004-2005 و اليديد 2005-2006


أما عن جاكادي وشيكو أكيد بمر عليهم و بشوف شغلاتهم و ماركس آند سبنسر اند Bhs ان شاء الله

و مشكورة الغالية و الله لا يحرمنا منج

Warm Breezes .. حياج الله أختي .. ومشكورة على مرورج الحلو و الله يتمم لنا و لكل الحوامل على خير يا رب

الغالية أنا مريت على mothercare و عندي كتالوجاتهم ما شفت شي بيج أبدا أو بيج مع تفاحي .. يا ريت أحصل والله

كله أسود و رمادي و كحلي ... ما اقدرأشتريهم ... ما يدشون خاطري مول ... انتي من أي فرع خذتي و شو الألوان الباجية اللي عندهم .. خاطري بلون يفتح النفس

ويا ريت كل وحدة اتشاركنا شو جهزت و شو أكثر شي عجبها و تنصح فيه الباجيات

مشكورة اختي جوليت البحرين على النصيحة و ربي يحفظ لج بنتج .. وباجر ايي دورها و تعطينها نصايحج..آمين

السلام عليكم ..
الغاليه عروس اللولو اختج بعد غشيمه مثلج واول حمل والله ومحتاره وااايد ..
بس يا ريت تقولولي وين صاير جاكادي وشيكو؟ ووين تاخذون كيس البيبي بس يكون شي كشخه يفتح النفس ..

فيدونا والله تكسبون فينا اجر ..

هلا اختى....انا خذت ستيانات مال الحمل من عند ماركس سبنسر وايد مريحات.......واهلي قالولي موب لازم تاخذين ستيانات رضاعه...اهم شي ستيان مريح........وخذت كرسي السياره مال مذركير صغير ...احس اني تسرعت فيه........
بس بغيت اسألكم وين بلقى المعقم حق المراضع في دبي ماركه جيكو؟؟؟؟

خذيت كرسي البيبي من مذركير من 11 سنه في بكري والين الحين عايش نفعني في باقي عيالي لونه رصاصي واذا بغيتي بيج شايفه في بيبي شوب
والكرسي الي خذيته هزاز ينفع للبيت بعد وهذا من بيبي الي سنه وبنتي الين سنتين وانا احطها فيه

السلام عليكم

هلا خواتي ما شالله الكل يستعد وانا وانتي شكلنا بنربي ويا بعض انشالله يارب

انا رحت اخر مره مذركير الي بصحارى سنتر وشفت عندهم اشياء حلوه اما باجي المحلات
الي كلمتو عنهم وين مثل جاكادي وشيكو وين هل لمحلات
اول مره اسمع عنهم

وبعدين عندي لج نصيحه لا تكثرين من الاغرا الحين لان الياهل على حسب ما قالولي انه يطول ويكبر بسرعه فاول اشهر

يعني انا قررت اخذ له ملابس للاربعين بس وسرير ما بخذ الحين شي كبير عل فالفاضي بس باخذ
سرير هزازي صغير لان وايدات قالةلي فالبدايه الياهل دايما بيكون يمج واني كل شي برضعه
وقالولي مستحيل اترقدينه بسرير كبير بعيد عنج لان كل شوي رضاعه تبديل وطول الليل بعد لازم يكون قريب
فقلت اخذ شي صغير الحين ينفع حتى اخذه معي لي مكان بيت امي ولا حديقه ولا بيت عمي

اما السرير الكبير اخذه على مهلي بعدن وحتى بدل ما بدل باخذ للاربعين وما بكثر وايد لان كل يوم مديل يديد نازل
وباخذ له عقب ليش اكود من الحين صح وخاصه اول شهر كله ملفوف بقماط

اعرف وحده ماخذه 50 بدله ولما ربت البدل ما نفعو بنتها الا اول ثلاث اسابيع لانها ماشالله طولت بسرعه

اسمحلي طولت وايد بس شو اسوي قاعده بالمكتب ما عندي شغل قلت خلني اسولف ههههههههههههههه واناااا يا حبي لهالسوالف

هههههههههههههه

بخبرج شي انا خذت نوته صغيره وكتب فيها اسامي المحلات الي انشالله بسير لهم
وكتبت الاغراض الي بشتريهم وبالعدد علشن كل ما اشتري شي واخلص اسوي حذاله علامت اكس
وعلشان ما اللخبط واجوف شو الي باجي والشو الي خلاص

يالله اسمحيلي طولت

اجوفج على خير اختج ام عبدالله

هلا بنات .. الله يقومنا بالسلامة ان شاء الله

اللي سألت عن شيكو مكانه في مركز المنال .. بس بعدني ما رحت أشوفة لأني انشغلت

بروح له هاليومين ان شاء الله .. أبغي أشوف أغراضهم

ماري كلير في شارع المكتوم و تاون سنتر ...
خذت من عندهم السرير ...توال+شنطه+ اللي يشلون فيه البيبي ..اممم ماعرف شو يسمونه ..بس كلهم كانو نفس الشي..طقم
و خذت السبابيح و القماطات...كل سبوحه وياها القماط و الفانيله الداخليه اللي تناسبها
كرسي السياره و العربانه من محل الأطفال
أدوات سبوح البيبي كلها طقم من مذركير

انا افضل ان الحامل اتجهز للبيبي لعمر شهرين ...
الشهر الاول : يشتمل على اغراض البيبي كاملة من ملابس داخلية و مهادات وثياب العافية ... الخ
الشهر الثاني : يشتمل على بعض البدلات للخروج وخصوصا انك في هالفتره ستبدأين في الزيارات لبيت اهلك لبيت اهل زوجك ..ولن تكوني فاضية في هالشهر للخروج للسوق لان البيبي لازال صغير ويحتاج وجودك اغلب الوقت ..اما في الشهر الثالث فيمكنك النزول للسوق وشراء ملابس جديدة تناسب عمره وتكون موديلاتها جديدة .