"!" مـرّت عـلـيـهـا "!"

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

هذي القصيدة اللي ادمت محاجري دمعا

[poem font="Simplified Arabic,5,gray,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يومك صغيرن لو تذكرها=كنت اصغر اعيالها واكبر أمانيها
كنك امرايه لها لو ما تناظرها=ما كحلت عينها ولا حنّت ايديها
مرّت عليها ليالي ما تصورها=لو قلت ما قلت ما صوّرت ماضيها
واتحمّلت من همومك في خواطرها=من وين ما رحت ولا جيت ماليها
من اول الخطوة اللي في تعثرها=حتى آخر الخطوة اللي توّي ماشيها
تسقيك منها وتلعب في ظفايرها=إلين تروى عروقك من سواقيها
وان نامت الليل صحّت لك مشاعرها=تخاف تحتاجها ولا تناديها
كانت تحطك بيدها مثل اسوارها=ولو لحظتن غبت عنها باح خافيها
كم لعبتن قد شرتها وانت تكسرها=ومرتّن ثانية ترجع وتشريها
تقدر على كل شيء بس خاطرها=ما يحتمل دمعتن في عين غاليها
ما تذكر ادروسك اللي ما تذاكرها=وخوفها وانت وسط البيت ترميها
بشّرتها بالنجاح و هلّ ناظرها= يا دمعتن للفرح سيدي و ضمنيها
كم ليلتن غبتها وابطيت ساهرها=نامت وقامت وخافت من تواليها
تجلس ورا الباب وتقلّب ستايرها=وتذوي مثل شمعتن بالبيت ناسيها
تذوب وتجفف الدمعة على آخرها=يا خوفي انك على هالحال تنهيها
ماهي بحمل السهر حتى تسهرّها=اليوم شابت وحق انك تراعيها
لا هو بحقّن عقب هالعمر تنهرها=ما دام حتى أفٍ ربك قايلن فيها
اخفض لها من جناح الذل واشكرها=لاتطير عنها وريشك حطّت ايديها
وليا تزوجت خذ بنتن تقدرها=تبر فيها مثل برّك وتغليها
حتى لو الزوجة أخطت دون خاطرها=و سوّت لها حاجتن ماهي بترضيها
وليا احذفت كلمتن تجرح مشاعرها=او عاملتها بنفسن ما تراعيها
حتى لو امك ما قالت وش يكدرها=عشان خاطرك وشالت جرحها فيها
قل يا مرة هذي أمي في ضمايرها=شيٍ ولا ودّها تقول وماليها
ولا يكدرني إلا اللي مكدرها=ولا يعنّنيني إلا اللي يعنّيها
واشلون ابصبر على اللي ما يقدرها=الله لا يخلي ترابي من مواطيها
وصيّة الله عليّه ما تنكّرها=أول حقوقي وثالثها وثانيها
والزوجة اللي على المعروف اعاشرها=ان ماعرفت حقها والله لاخليها
ماني بمن يترك امّه ما يشاورها=يتبع زوجته والأم ناسيها
وصيتن قلتها للي تذكرها=الوالدة كلمتن صعبن معانيها
هي سلعة الله وخير الناس تاجرها=يقول له قولتن بالحق موفيها
ياللي عيونك على الجنة تناظرها=طلبك غالي ولكن تحت رجليها [/poem]

شكرا لحسن متابعتكم
اخوكم صـــارع