ساعدوني في لبس للسفر بدل العباية...

سعيدة جدا بالتواصل معاكم، بصراحة رحت مانجو وبرومود، بعدني ما رحت زارا، بس للأسف ما حصلت شي عدل، ولا في قمصان حلوة وطويلة، المشكلة أنهم مسوين تنزيلات ألحين والبضاعة الموجودة كلها مب لهناك......... :down: بليييييييز اللي عندها صور حلوة وواضحة تطرشها لي ع الخاص، ظروري ما باقي شي ع السفر، ياليت أختي *المجروحة* تطرشين لي الصور

انا اأأيد فكرة البالطو بدل العباية الصراحة انا سافرت بالعباية وضايقتني وااااايد فقررت ادور لي على اشياء مستورة بس وين القاها في قطر

أنا أفصل البنجابي عند الخياط حتى أضمن أن يكون واسعا وفضفاضا كما ينبغي ، وأعتقد أن شوارع الدوحة مليئة بدكاكين الخياطين .

هلا انا عنى...مجهزة شويت اشياء للسفر منها حصلت عند شبلاش مثل الجاكيت طويل ومفتوح من الجنبين ...خذته واشتريت نفس القطعه ....

اللي هيه تنسمي لينين وغسلتها علشان هذا القطعه تقصر ...وفصلت نفس الجاكيت بس اطول اشوي واوسع ومفتوح من الجنبين ياي وايد مرتب على اللبس ...وستير في نفس الوقت ....وشاريه قطعه مثل الاسترج ولا تقرفص وفصلتها نفس الشئ ....وطبعا ماشئ غنى عن عبايه علشان سبحان الله ....يمكن الفندق فيه عرب وايييييييد ....تلبس عبايه

وفي الطلعات الجاكيتات او ماشئ مشكله ...ورحلة موفقة

أهلييييييييييين مرة ثانية.......
حبيت أخبركم أني ولله الحمد سافرت ورديت بالسلامة، رحت النمسا وسويسرا وألمانيا وكانت رحلة رااااااااااائعة.........
مشكورييييييييين وايد ع الردود اللي الي ساعدتني واستفدت منها........

الحمدالله على السلامه ولو انها متأخره
بس ماقلتي لها شلبستي ؟؟
:)

هلا والله، فصلت لي العباية اللي تكون مسكرة كاملة ولبست تحتها بناطلين، لأن بعض البنات لوموني وخلوني أحس بالذنب، بس صدق أنها تكون أبدا مب عملية في بعض الأماكن خصوصا اللي فيها مطر، طول الوقت رافعتها بإيدي وأمشي، وفي البرد والله تجمدت ما قدرت ألبس جاكيت تحتها لأنه كبير وما ينلبس تحتها، وما قدرت ألبسه فوقها لأنه ما يركب،،،،،،،،،،
يعني ألحين أفضل القمصان أو الجاكيتات الطويلة لتحت الركبة، مثل ما قلت قبل تكون شوي قصيرة مو وايد للأماكن اللي فيها مطر وبرد وجبال.........
وبشكل عام كانت الرحلة راااااائعة وللة الحمد