عندي مشكله ((ألتهاب في الثدي))

انا صار لي من فترة احتقان شديد في الثدي الايسر لدرجة اني ما كنت اقدر انام
من الالم بس اخذت كريم من الصيدلية اسمه " COCOA BUTTER FORMUL - Nursing Cream " هو عبارة عن كريم زبدة الكاكاو بس بصراحة وايد ريحني والحمدالله شفيت منه خلال 24 ساعة..

انا كان عندي نفس المشكله لدرجه ان تكون الحليب تحت الباط لاني ماكنت قادره على رضاعه بنتي
و بعدين غصبت نفسي على رضاعتها لدرجه اني كنت اصرخ من الالم و بعدين يخف
و استخدمت بعض الكريمات بس ما فاد معاي و نصحتني دكتورة ان كل فترة اعصر الثدي ولين يطلع حليب و امسح فيها الحلمه

جزاكم الله على المرور والرد وانا فعلا مش قادره انام من شدة الالم والدكتور يقول اذا ماراح هذا الالم خلال هذا الاسبوع يمكن يعملون عمليه وانا خايفه كثير 00000اشوف اخذهاي الكريم اللي من الصيدليه وان شاء الله ينفعني مثل ما نفع معاكي اختي ملاذ العين يا ريت اللي عندها معلومه ثانيه او علاج تعلمني والله تكسب لها الاجر

السلام عليكم ورحمة الله وبركاته

هلا اختى عروس يافع

اقول اختى مادرى اذا ينفع البيبى يرضع من ثدى ملتهب ام لا

بس ايه رايك بدل ما البيبى يرضع من الثدى الملتهب تقومى بشفط اللبن من الثدى بواسطه الآله الخاصه بشفط الحليب المتراكم

يعنى تقوم بنفس عمل البيبى

وتستخدميها بنفس اوقات الرضاعه

والله اعلم

والف سلامه عليك اختى

حبـــيبـــــــــه ,,,

سمعي حبيبتي بقلك شي والحين روحي جربيه

أول شي جيبي فوطة وماء فاتر قريب للسخونه غمصي الفوطه ولفيها على صدرك كمن مره لحد ما تحسي أنه صدرك صار دافئ
حاولي أتقشري الجلد الميت اللي حولين الحلمة لأنه إحتمال اوساخ او جلد ساده فتحة العيون مال الحلمة
خلي أمك او زوجك يدلك لك ظهرك من ورى وخاصة الكتف اللي فيه الصدر ملتهب بطريقة مريحه
بعدين حاول تعصري الحليب بإيدك(بس هالطريقة متعبة فأفظل لك روحي أخذي من الصيدلي الاله اللي تشفط الحليب ) وأقرأي طريقة إستخدامها عدل وخلي حد يساعدك بالشفط يأمك أو اختك أو زوجك لأنه إيدك تتعب فأفظل شي حد فاضي يساعدك. بس قبل عن تستخدمي الاله حاولي في البداية أنك تعصري الصدر بإيدك عشان تتأكدي انه السبع عيون اللي في حلمتك كلهن يطلع منهن حليب إذا لا معناه أنه سبب الألتهاب أنه احد العيون متسكرة وهي اللي مسويه لك إلتهاب

جربي هالطريقة وطمنينا عليك

وطمنينا عاد شو راح يحصل معاك

ماشاء الله البنات ما قصروا

جربي طريقة المشرفة أم أنوار...بإذن الله تفيدج

هلا حبايبي ......

انا مشكلتي كانت نفس مشكلتج بس من دون دم.. وكنت اتعذب احس ان صدرري متحجر وولدي مب طايع يرضع اول اسبوعين من ولادتة..

استخدمت طريقة الاخت ام انوار ... الشفط باليد والمكينه الي يبيعونها فالصيدليات ..

مكينة الشفط سواءا يدوية ولا كهربائية تألم شوية وتعور الحلمة .. اما باليد متعبة بس ما تعور الحلمة يوم تخلصين ...

امس امطعمة ولدي .. ومب طايع يرضع ..استخدم الشفط باليد .. او اذا بنطلع ومافي مجال ارضعه اشفط فالبيت واعطية وقت الحاجة ...

حاولي تستخدمين هاي الطريقة وصدقيني بترتاحين

الحمد لله فيكم الخير والله ماقصرتوا وانا فعلآ عملت مثل ما علمتني الاخت ام انوار وجزاها الله خير هيه وكل بنت قامت بالرد او المرور والله دعيت لك من كل قلبي اختي ام انوار لانه فعلآ خفف عني كثير من الالم لكن الى الحين الاالتهاب لازال فادعوا لي بالشفاء ولكم مني كل الشكر

الله يبعد عنج كل شر يا رب

ويعطيج الصحة والعافية

تسلمين اختي على الدعاء وهناك ملك في السماء يقول ولك مثلها