أحسن طريقه لمنع الحمل ??

وانا معاج
منتظرة ردود البنات

اختي jami

تختلف الآثار الجانبية للحبوب من وحدة للثانية فهناك حبوب خاصة بالرضاعة المفروض ان نسبة الهرمون تكون بسيطة ولاتسبب العصبية او تغير في المزاج

بالنسبة للعازل مايسبب حساسية ابدا الا اذا كانت الزوجة عندها حساسية من مادة اللاتكس ... بس بعض الازواج ما يرتاحون له

اللولب صعب بعد الحمل الأول وهو اللي يسبب غزارة في الدورة

فأحسن حل هو الحبوب .... استشيري طبيبة كويسة عشان توصف لك نوع خاص بالمرضع وفيه حبوب لغير المرضعات خفيفة وآثاراها الجانبية تكاد تكون معدومة مثل ياسمين

القذف الخارجي + طريقة العد لمن دورتها منتظمة ..


ليست مضمونة 100% .. ولكن نسبتها عالية في منع الحمل..

وبصراحة .. اضمن واريح من مشاكل الموانع الثانية..

اضمن مانع الحبوب وبس 0 اللولب يسبب غزاره فى الدوره والعازل الدكرى ممل خاصة للي ماترغب فى الحمل لمده طويله

يزاكم الله الف خير افاديتوها وافاديتوني..:clap:

مثل ما قالو الاخوات احسن شئ الحبوب
وانا استخدم الحبوب وفي وقت الرضاعه كنت استخدم حبوب للرضاعه
استشيري طبيبتك بنوع الحبوب الخاص بالرضاعه

السلام عليكم

أولاً ألف مبروووك على المولود الجديد

ثانيأ طريقة العزل لمنع الحمل هي الطريقة الوحيدة اللي ماتسبب أضرار للطرفين بس تحتاج شوية تفهم واقتناع من الزوج

و بس :)

السلام عليكم ورحمه الله وبركاته...
كيفكم حبيباتي ....
انا راح احكيلكم من واقع تجربتي...بعد الاربعين استخدمت الحبوب لمده ثلاث شهور وبعدين حطيت لولب وضل لمده اربع سنوات مع الفحص كل سته شهور ...
والحمدلله ..كان كل شي تمام ...وهذ بمشوره الدكتوره ....حسب كلامها ان اول 3_6 شهوربعد اول ولاده الافضل استخدام الحبوب بعدها الاولب ما يضر باذن الله لان الرحم يكون رجع لوضعه الطبيعي ....
طبعا في حريم كثير يكون اللولب ما يناسبهم من الاساس حتى بعد عدة ولادات....
عشان كدا لازم تستشيري دكتوره كويسه موثوق فيها ....
والله يوفق الجميع ...

emanee_
أن شاء الله تستفيدين من كلام العضوات و ما يقصرن و ان شاء الله تلاقين طريقه تريحج

RoOoOmy_M
مشكورة يالغاليه و ما تقصرين وبصراحه اول مرة ادري ان في حبوب للمرضع
و انا فكرت في اللولب بس وحدة من الاهل حطت اللولب و لما بغت تحمل يستوي لها اجهاض في كل مرة و انتشرت السالفه عند العايله
و الحين الريايل يخافون و يرجعون السبب لللولب

جمانه
طريقه العد هذه انا ما فهمت على كثر ما اقرا عنها بس اخاف اجربها و يصير حمل في هذه الفترة بتعقد هههههههه
مشكور يالغاليه على الرد

جبيليه
مشكور يالغاليه على هذه النصيحه شكلي راح اجرب الحبوب

العهد
الخوات مايقصرن و الله يتمم عليج الحمل بكل خير و نشوفج ما تنامين الليل ههههه

3noos
إن شاء الله راح اسأل الطبيبه عن هذه الحبوب لاني اول مرة ادري ان في حبوب للرضاعه و تسلمين يالغاليه

الجوري
تسلمين حبيبتي و الله يبارك فيج
مسكين ريلي مقتنع و نص و متفهم بعد ما شاف حالتي النفسيه و الانهيار اللي كنت فيه قعد يقولي عادي بنأجل سنه سنتين خمس اللي تبينه بس انسي هههههه

أم لجين
مشكورة على هذه التجربه و انا اتحسب عادي لو يركبون اللولب بسرعه
بس المشكله يالغاليه ان انا بعد الولادة ما اثق حتى في امي مب اي طبيبه ههههههه

انا انصحج بالحبوب منو قال انها تسبب غزاره

فى الدوره؟؟ بالعكسسس اصلا لحبوب تقلل

كميه الدم وتقلل عدد ايام الدوره بعد.. اسالي مجربه.

لا حبيبتي العازل "الواقي" ما بعمل التهابات ولا شي ........انا بستعمل هذي الطريقة و ما صار شي الحمد لله

القذف الخارجي اظمن

انا طبيبة بس للحين ما تخصصت..فيعني انا مو احسن وحدة تسئلونها..
بس حسب معلوماتي المتواضعة.. ان اضمن طريقة لمنع الحمل هي الحبوب 99%
بس (بالنسبة لي ) ما احبها لان ممكن تكون لها اعراض جانبية.. وعموما الكيميا غير مفضلة..
يعني الموانع الطبيعية افضل.. مثل العدد والقذف الخارجي.. لكن نسبة ضمان عدم حدوث حمل اقل

انا خذت الحبوب من المستشفى بس ريلي رافض اي نوع من الحبوب
الله المستعان

اختي تقول سمعت عن ابر بس مدري احد جربها ولا لا ؟؟

زوجك معاه حق

الحبوب ماتدرين على المدى البعيد شنو تأثيرها و ياما سمعنا عن ناس صار صعب عليهم الحمل بعد الحبوب

خليها طبيعي و استعملي طريقه العزل احسن بس اهم شي زوجك مايغش مثل حالاتي :shy:

جمـــانة:
القذف الخارجي + طريقة العد لمن دورتها منتظمة ..


ليست مضمونة 100% .. ولكن نسبتها عالية في منع الحمل..

وبصراحة .. اضمن واريح من مشاكل الموانع الثانية..

أنا مع جمانه ...أنا صار لي أربع سنين من جبت ولدي و ما حملت إلا الحين من هالطريقتين فقط الحمد الله بعيد عن الأدويه و اللولب و بلاويه

[align=justify]«®°·.¸.•°°·.¸¸.•°°·.¸.•°®»[font=Comic Sans MS][I][I][align=right][align=justify]السلام عليكم ... انا تفسج جي محتارة بس سألت واايد وقالو لي انا في اشياء ثانية مثل اللزقه اللي تنحط في المهبل ....في حريم قالو حطي كرات الملح اللي تنحط بعد الولادة (ايشار) تنباع عند العطاريين الكبار.... في حريم نصحوني بشرب ماء الكزبرة المفور قبل لا أرقد ..................... ولين لحين وا جربت ولا وحده فيهم والله يعين الحـــــــــــــــــــــــريم[/I][/I]«®°·.¸.•°°·.¸¸.•°°·.¸.•°®»[/font]

الصراحه حتى انا استفدت من الموضوع يزاكم الله الف خير..