ياريت لو نستشير بعض في هالشي (للبنات فقط) :(

ش

شكو ماكو

عروس متألقة

03-07-2005 | 10:40 PM

اول شي السلام عليكم للكل

بصراحه انا مليت من كثر ما اسأل وخايفه من هالشي قبل لا اسويه ..فحبيت استشيركم بما ان ماشاء الله اللي اهني كلهم متزوجين

اول شي انا مخطوبه وان شاء الله عرسي بيكون في شهر 1..وفي موضوع مكدرني وملوع جبدي
الا وهو الشعر اللي في المنطقه (......) اكيد عرفتوا..بغيت اعرف اذا في احد من المتزوجات مسويه ليزر حق هالمنطقه؟؟؟ وهل يأثر على الحمل ...انا سمعت انه ممكن يأثر لانه اشعه ومن هالكلام ..بس انا مشكلتي ان الشعر في هالمنطقه يطلع عندي بطريقه عجيبه يعني بسرعه اقل من اسبوع ولا هو طالع ..واخاف انه زوجي ما يتقبل هالشي ..وخاصة ان انا بيضه واي شعره تبين فيني على طوووول... وبعد سمعت انه حرام ازالة الشهر بالليزر في هالمنطقه لانه يعتبر عوره :( بس شاسوي مع الشعر الزائد وربي لاعت جبدي .. ... واكيد الكل يعرف انه ازاله الشعر بالحلاوه لها اضرار ممكن تسبب التهابات في المبايض من كثره الشد :(

عطوووووني رايكم تكفوووون..في انتظار ردودكم ومشكورين مقدما

n

noraleslam

عروس نشيطة

03-07-2005 | 10:53 PM

السلام عليكم........اختي الحبيبه اول شي الف مبروك وعسى الله يتمم على خير
ثاني شي من قال ان الحلاوه تضعف المبايض؟؟؟؟
طوووووووووووول عمرنا احنا وامهاتنا وخالاتنا وكل الي اعرفهم يشيلون الشعر بهالمنطقه بالحلاوه والحمدلله مافي الا العافيه.....احساس روعه بالنظافه وتقعدين مده مو اقل من اسبوعين لما يبدي الشعر ينبت مره ثانيه....وبالنسبه للالم يمكن بالمرات الاولى تتالمين بس بعدين راح تتعودين وما عاد تحسين بالالم بقوة المرات الاولى

ش

شكو ماكو

عروس متألقة

03-07-2005 | 11:00 PM

مشكوره اختي على ردج السريع لي ...والله يبارك فيج

بس حبوبه انا سمعت عن هالشي في دقيقه صحيه اللي يحطونه باذاعه صوت الخليج ..... وانا الشعر عندي يطلع اقل من اسبوع والمنطقه تصير وع :( ..... يعني ابي حل غير الحلاوه....وابي اتاكد اذا صج الليزر حرام :(

ل

لين وديم

عروس مبدعة

04-07-2005 | 12:16 AM

اكيد اختى حرام لانه عورة وشلون بتشلينها اكيد احد بيشيلهالك وطبعا مايجوز...
طيب استخدمى الموس والحديث فيما معناه((نتف الابط وحلق العانه))مو شرط تشيلينها بحلاوة صحيح الحلاوة احسن بس الشكوى لله

ش

شكو ماكو

عروس متألقة

04-07-2005 | 12:33 AM

شلوووون حلق العانه بيطلع بسررررعه وبيكون قووووي يعني بيصير جنه ابره :(

وبيكون اسرع من كل وقت :(

b

bent_palestine

مشرفة سابقة

04-07-2005 | 10:02 AM

شكو ماكو حبيبتي .. اسمك لزيز

يعني اللي قالت لك حرام لإنه إظهار عورة ما أقنعك كلامها

عادة يكون إظهار العورة في حدود الحاجة فقط

وبصراحة حاجتك غير ملحة .. فقط من أجل المظاهر وليس لعلة قوية تستدعي كشفها

حتى لو كانت الدكتورة امرأة .. نفس الشيء .. اصلا لا أمك ولا أختك مثلا يجوز يشوفون هالمنطقة فما بالك بالدكتورة

أنا أقول حبيبتي .. استهدي بالله ولا تخلين أي موضوع أزمة بهذا الشكل

الحياة الزوجية أهون من هيك وكثير من الأزواج ما يهتمون لهذه المواضيع بهذا الشكل الكبير

خليكي على الحلاوة أنظف وأحسن وعشنا عمرنا وأهالينا على الحلاوة وتشوفينهم جايبين 10 و12 وللحين زي الفل وما فيهم إلا العافية

وأخيرا بارك الله لكما وبارك عليكما وجمع بينكما في خير

إ

إسلامية

عروس متألقة

04-07-2005 | 12:24 PM

نصيحة مني الحلاوة لا تستخدميها

لأنها فعلا مضرة

زوجة حماي قبل الزواج أيام الخطوبة كانت تستخدم الحلاوة وطلعت لها حبة كبيرة

اضطروا يسوون لها عملية ولأنها ما كانت متزوجة سووا لها تنظيف خارجي

وغير هالشي أسمع يقولون ان الحلاوة تسبب ميلان أو انقلاب في الرحم

الله يكفيننا الشر

ومع ان الحلاوة أنظف

لكن الموس النسائي أضمن وأحسن

ومثل ما قالت الأخت في حديث الرسول

نتف الابط وحلق العانة

ولا تشيلين هم الزوج

لأن مهما يكون البنات غير عن الرجال

وبعد الزواج بتفهمين وشو أقصد

ع

عجيبه

عروس مشرقة

04-07-2005 | 01:05 PM

أخت اسلاميه ممكن زوجة حماكي ما شلت بالحلاوه عدل عشان جيه طلعت لها حبه كبيره ...

أنا بنظري انه الحلاوه افضل من الموس وأنظف ..

والحمدالله احنا انشيل بالحلاوه ما صار لنا شي ..

k

kholoud_sa

عروس ماسية

04-07-2005 | 01:25 PM

عليك بالسنه يا اختي نتف الابط وحلق العانه

من ترك شيئا لله عوضه الله خيرا منه

والله يوفقج يارب بحياتج

ع

عيون بوظبي

مشرفة سابقة

04-07-2005 | 01:37 PM

عزيزتي الحلاوة ما منها اضرار غير انهم يقولون انها ترهل المنطقة ...

بس سالفة ضعف المبايض لا الحمدلله مثل ما قالوا لج وايدين يستعملونها وما فيهم اللا العافية ...

والله مادري شو اقولج بس ما في حل غير الحلاوة او الموس ... والأثنين تراهم متعبين بس شنسوي ..

m

miss honey

عروس مبدعة

04-07-2005 | 02:04 PM

نصيحة اختي استخدمي الحلاوة........ والله لان اريدلج الخير.... اناهسه اتمنى لو اكدر استخدم الحلاوة.... لان جاي اتعذب بسبب الموس... ثاني يوم و طلع الشعر.... ماكو فايدة.... هسه جاي احاول استخدم الحلاوة.... وكعدت ادور على طريقة اشيل بل حلاوة بدون الم... لكيت... تستخدمين معجون اسنان و اتخلي 5 دقايق و بعدين اتمسحينة و اتشيلين بالحلاوة... انا شخصيا ما جربتها بس انشاء الله اجاربهاعن قريب....... اهواية صديقاتي ايمدحون بلحلاوة و ايقولن المنطقة اتصير ناعمة بشكل..... اما عن تجربتي بلموس فالمنطقة اتصير خشنة بشكل...... وانتي بكيفج......

ش

شكو ماكو

عروس متألقة

05-07-2005 | 12:42 AM

اول شي مشكووورين على ردكم حبيباتي

اختي اسلاميه الحبه اللي طلعت حق زوجة حماج وين موقعها على المنطقه ولا من الداخل ولا وين بالضبط؟؟؟؟؟

ب

بنوتة العسولة

عروس جديدة

05-07-2005 | 12:59 PM

بصراحة انا استخدم الحلاوة بس أحاول اغير للموس اتباعا للسنة لكن ما أقدر نفسيا تقبل الموس لانه يسبب لي حكة فظيعة يوم يطلع الشعر... وجروح يوم استخدمه بس أبى اتبع السنة... فكيف أستخدم الموس حج هاي المنطقة

G

Good^MoTHeR

عروس مشرقة

05-07-2005 | 11:35 PM

انصحج تستخدمين الموس بشكل عام.......والحلاوة اذا كنتي عروس.....بس عقب العرس بتملين وبتتعبين من استخدام الحلاوة وبترجعين للموس اسهل واسرع..........وتقدرين تستخدمينه يوميا

د

دلوعة لؤي

عروس متألقة

06-07-2005 | 12:31 AM

الحلاوة أفضل و انظف و انعم و ما تسبب سواد بالمنطقة
عكس الموس..الشعر ثاني يوم يطلع و الحبوب و الحكة و الهرش و الاسوداد..
و انا من انخطبت استخدمت الحلاوة..اول مرتين حسيت بالم بس الحين عاااااادي
و بالكاد يطلع لي شعر .. خفيف جدا و ناعم

إ

إسلامية

عروس متألقة

07-07-2005 | 07:31 PM

الحبة اللي طلعت لها في المنطقة نفسها بس صايرة على جنب

والدكتورة قالت لها ان الحلاوة اهي اللي سببت هالشي

والكل عارف أضرار الحلاوة في المنطقة الحساسة

أنا قبل كنت أستخدمها وغيرت للموس لما سمعت حديث الرسول

ط

طولون

عروس مبدعة

09-07-2005 | 09:21 PM

انا مع الاخت لين وديم
:up:

ط

طولون

عروس مبدعة

09-07-2005 | 09:23 PM

:up:
يابناااااات جربوا الكريم المزيل تراه مرييييييييييح
خصوصاً للحامل

أ

أم أسووله

عروس مشرقة

09-07-2005 | 09:28 PM

الحلاوة و بس

صج اهيه تعور اول شي بس بعدين بترتاحين حتى زوجج بيشوف الفرق

مب ا لحلو في الموس انه يخلي المنطقه خشنه و فيها شعر صغير و ما تصير ناعمه و بتشيلين كل يومين يمكن

لكن الحلاوه شيلي و انسي الشعر يعني بتمين فتره طويله انا عن نفسي يعني اتم شهر و انا مرتاحه بعدين يطع و من يطلع اشيله بحلاوة لانه يكون صغير و مايعور

ش

شكو ماكو

عروس متألقة

10-07-2005 | 10:33 PM

اول شي مشكوووورين على ردكم لي يا حبيباتي

ثاني شي انا لين ما اشيل بالحاوه تطلع لي حبووووب تعورني بين وروجي وفوق شوي ...يعني من كثر الالم ما اقدر البس ملابسي الداخليه :(

شلون تبيوني اشيل بالمووووس اكيد بيكون اخس :(