طريقة لف الشيلة ؟

انت تقدين اللي انا اقصده نفس ما يلفونها من ورا شعرهم مضبوط .................او لا.

لا أختي
اقصد اللي يلفونها عادي بس مايمسكون طرفها
يعني مثل اللي مهدودة
بعضهم اشوفهم مسويينها ولاتطير من على راسهم اشلوون يصير جذي ؟؟
هذي اللي ابي أعرفه
اللي أقصده ان مواضيعنا انا وانتي تدور في نفس الموضوع
وبس
بباي

عزيزتي آنا بكل الطرق ألبسها بس ماعرف أشرح لج

مرحبا حبيبتي .......... الصراحه في اكثر من طريقه للبس الشيله ........ بس شلون الواحد يشرح :think:

ايش دعوة ، بس اعتقد ان اذا لبسنا الكبوس احس راسي يكبر ...

فألبس شيفون حرير ......بس يطيح على الراس .........

اي والقبعة تحدد شكل الوجه يصير كأنه كبير
وثاني شي زوجي مايحب يشوفها علي

طيب مافي صور تنزلونها علشان نشوف طرق لف الشيلة ؟؟؟

بليززز نترياكم

مرحبا اخواتي الكريمات

اذا كنتوا من الامارات وتقصدون لفة الشيلة اللي صايرة موضة عند بنات الكليات ...

انا اقول لك كيف : هذه الله يسلمكم الشيلة تكون طويلة يعني " وارين وربع " ويكون عرضها " 22 انش "
ويلفونها مرتين على الراس وما فيه شي يكون على الكتف او الصدر ويفضل انها مشغولة الاطراف عشان تكون ثقيلة وتثبت ما تطير
بس لاحظي هذه اللفة ما تستر شيء كثير لانه الاكتاف يكون تحديدها واضح وتصلح للبنات النحيفات والصغار في السن قصدي بنات الجامعة والكليات

اتمنى اني افدتكم
وسامحوني

اختي مادري قصدج مثل هذة الطريقة شفت لج صور من موضوع الاخت النونة قلت يمكن قصدج جذي شوفيهم وقولي لي هم او لا

اختي نجلا دبي
اشكرك على المعلومة
انا احب الشيله اللي تغطي الكتف

أختي السحاب الأبيض اللفه اللي بالصورة حلوة
بس لازم معاها قبعة
وانا ابي ألفها بدون قبعة
مشكووورين على الرد والتجاوب

بباي

الطريقة بسيطة
اني مثلا البس شيليتين بدل القبعة واعرف بعض البنات اللي يلبسون ثلاث شيلات علشان يكون حجمها كبير
في طريقة ثانية انش ترفعيين شعرش الى الاعلى مستخدمة clip "علاقات الشعر" وبعدين تلبسين الشيلة وما تضغطين عليها وتتركيين الجزء الاخير وما راح يتحرك معظم الوقت لان ال clip اللي في شعرش هو اللي مثبته . تقدرين بعد تحطين دبوس صغير جدا من فوق ولا راح تتحرك

:up::up:

amees77

الطريقة الى قلتي عليها هي الى استخدمها دايما
وحتى بناتى اسوى لهم جذي يطلعو يهبلون تونى امحجبه لصغيرة طالعة تجنن مثل شكل العروسة الى بصورة والدبدوب انا اسوى الطريقة الف شعري والبس شيلة بدون ما اظغط على راسي وبعدين اخلى الثانية نفس الشي بس مفتوح اكثر من القبلية وبجذي تكونين مستروة مايبان منج ولا شعرة

اتمنى اني افدتج
تحياتي

[grade="00008B FF6347 008000 4B0082"]اذا تبينها ثابته وما تطيح او تطير ثبتيها من فوق الراس (( عند الهامه )) بدبوس الخياطين

من تحت الشيله بطريقة مخفية عشان ما تبين ..[/grade]

بسم الله الرحمن الرحيم

اي قبعه/ طاقيه تقصدون؟

انا البس طاقيه فيها بلاستك. طاقية حجاب الامبره و الف الشال عليها, و ما تنفك لو شنو.. و كمان ما يطلع و لا شعره,, ما اعرف اذا تعرفون هذه الطريقه؟

ان شاء الله اصور لكم الطريقه و احطها لكم

:up::up:

MooN EYES

يله ننطر الصور الى بتشرحين لنا الطريقة فيها بسرعة

ههههههههههههههههه ماعندها صبر <<<<<<<<<

أنا تعجبني طريقة لف زينب العسكري للطرحة

تطلع تهبل عليها

ياليت اللي تعرف تعلمنا

أنا ما استوعبت ولا شي من اللي شرحتوه :sad:
صراحة كل وحده لها طريقتها بلف الشيلة خاصة بنات لكويت يلفونها بطريقة غريبة:s2
احياناً اللفه ترجع لنوع الشيلة يعني حسب طولها و عرضها ونوع قماشها ..
ننتظر احد يحط لنا شرح دقيق وياريت بالصور عشان نشوف

اختي ناعمـــه
اعتقد اللفه تعتمد على الخام نفسه يعني اذا كانت حرير او شيفون لازم بتطيح
بس اذا ثقيله تكون زينه عندج الشيلات الاماراتية والسعوديه انا احبها وايد
لانه خامها حلو طايح بس يثبت والبسها مع القبعه وشكلها يصير طايح وحلو:up:
بس مايصير بدون قبعه !!
لانها اذا كانت راخيه الرقبه والاذن تبين وراح تطيح القبعه تثبتها اكثر

حبيباتي نبي شرح تفصيلي كل وحده عندها طريقه تكتبها واحنا نختار اللي يناسبنا لو سمحتوا طبعا ويا ريت تحطونا صور الله يجزاكم الخير لأني بصراحه ما فهمت شلون تلفون الشعر وتحطون الشيله (شرح تفصيلي بلييييييييييييييييييييييييييييز)

موضوع وووايد حلو بصراحة لفتني ونادرا ما احصل مواضيع تخص الشيلة او العباية
بس للأسف ما اقدر اساعدكم لاني انا من الامارات وطريقة لفتنا للشيلة بختلف عنكم بس بعد حلو الواحد يغير وبصراحة استفدت منكم واايد وبجرب الفها مثلكم يا بنات الكويت و البحرين وياليت بنات السعودية وقطر يشاركونا بعد