لكل فتاة فرفوره بتتزوج

فراولة و توت 02-07-2005 20 رد 2,614 مشاهدة
ف
نهدي هذه القصيدة لكل فتاة فرفوره بتتزوج

وكانت تحب الحلويات والشوكولاته

وعليها ان تحط هالقصيدة حلقة في ودانها

ولاتتوقع انها في بيت ابوها

يقول الشاعر





لاتحسبين العرس توفـي وكتكـات

ولا تحسبينـه توكـس والا بونتـي

ولا تحسبين العرس كيكة وطرطات

وصلـة قطعتيهـا ووصلـة بلعـتي

ولاتحسبين العرس تصفيق واصوات

وانتي على صوت الغطاريف همتي

ولاتحسبين العرس كوشة ولمبـات

وانتي كما الطاووس فيهـا جلسـتي

ولاتحسبين العرس أحلام في الشات

يامـا بنيتيـهـا ويـامـا هدمـتـي

ولا تحسبين العرس روحة وجيـات

هيا اقضبي بيتك عسـى مانهبلتـي

ليلة سعيدة وأنتي أحلى الجميـلات

تشخص عيون الناس إذا حضـرتي

واللاينر حطيـه بـليا زيــادات

لا يخـرب المكيـاج إذا دمـعـتي

والمسكرة تحتاج لطف ومـدارات

حتـى يبـان الزيـن اذا غمضتـي

والسبريه رشيه حتى البصيـلات

يصير شعرك زين ولـو كـان زدتي

وترى( المحدد ) فن يحتـاج رسمـات

يبـان رسمـه زيـن اذا ابتسمـتي

العـرس يابنيـة ماهـو شعـارات

تفنـى مراسيمـه وتبقيـن أنتي

ويبقى شريك العمر راعي الطويلات

هذا هو العرس الحقيقـي عرفتـي؟

أول نصيحة لك حفـظ الصلـوات

صلي العشاء والفجر في كل وقـتي

وفي ليلة العرس الموفق وبالـذات

ادعـي الكـريـم الله إذا سـجـدتي

والتعري لاترضين عند الكوفيـرات

ولبسـك يملـي العيـن إذا لبسـتي

واللي على زوجك تحرضك مرات

أرجوك شوتيهـا شوتـت بلنتـي

والصبر في العشرة حتى على فتات

ياما حـلا فعلتـك يومـك صبـرتي

وإذا حفظت السر مـع المـدارات

زوجك ترى في عيونه انتي كبـرتي

والسوق يعني هاه وقت الضرورات

وإلا تـرى زوجـك يـدور لمفتـي





--------------------------------------------------------------------------------

وسلامتك


وللأمانة منقووووووووووول
ا
تسلميييييين
:clap::clap:فراوله وتوت :clap::clap:

صج صج صج حلوووووووووه مشكوووره حبيبتي
تحياتي للجميع ولكي انتي بالذات
:flower:العروسه الناعسه:flower:
ش
ايه والله انه حلوووووووو

الله يستر عاد انا احب الطلعات وايد :(

لازم امسك روحي من الحين :)
~
صح لسانج عين العقل والله

كلام ميه ميه

مشكورة ويعطيج العافيه على القصيدة
ن
ههههههههههههههه صدقتي مشكورة حبيبت والله يعطيج العافية على القصيدة
و
حلوة يسلم لسانج
m
مشكورة حبيبتى فراولة وتوت على حسن اختيارك
فعل عبرة وعظة
أ
اخيتار رائع

ومفيد


يعطيج العافيه
ع
صح لسانج حبيبتي وتسلمي
ه


صح لساان قايلها

وسلمت يمين ناقلتها
&
صح لسانك بس بجد روعه
ع
تسلمين والله
أنت خلي النصيب يجي ان شاء الله وبنفذ التعليمات بحذافيرها
ش
سلمتي ويعطيك العافية
ف
تسلمو حبيباتى كلكم وعقبال إلى ماتزوجو يجيهم النصيب إلى يتمنونه وإلى فى بالهم
يارب آآآآآآآآآآآآآآآآآآآآآآآآآآآآآآآآآآآآآآآآمين
u
الشعر وايد حلو وتسلمي عليه
ف
عيونك الحلوين حبيبتى الله يسلمك
ش
مشكورة حبيبتى فراولة وتوت على حسن اختيارك
فعل عبرة وعظة
ر
صح لســــــــــــــــــانج
م
حلووووووة...ومهضومة<<<<<:bigsmile:

أسلوب جميل في النصح والتوجيه...تسلميييين وربي يعطيج العافية
م
ههههههههههههههه صدقتي مشكورة حبيبت والله يعطيك العافية على القصيدة
X