بلييييز ....دخلووو

هلا والله اختي eimi

ياليت اتوضحين طلبج اكثر يالغالية
عشان انساعدج ...

مشكورة على الاهتمام ...
ابغي الشعر حق ليلة زفافي اللي بتكون في آخر شهر سبعة... و بغيت الشعر يكون موضوعة عن عروس البحر يوم انا بظهر
بغيت الكلمات و الباجي انا بسويه من صوت و تسجيل

و مشكورين .... و اتمنى انكم تساعدوني.

بسم الله الرحمن الرحيم
السلام عليكم ورحمة الله وبركاته

معليش غاليتي

تأخرنا عليكِ ولكن لم أرى الموضوع إلا اليوم لكونة في الصفحة الثانية

لا تعتبين علينا

ترى كل اللي بالركن خدومين

هذي محاولة اتمنى تعجبك

أوصف وأقول بالزين الرب حلاها
وقلبي بحبها مال وبالغالي شراها

أشهر سلاح الحب والروح تفداها
وارخص حياتي ببسمة تعلو شفاها

أسمها نغم في القلب والسحر خلاها
عروس البحر في وصفها وهمسة خطاها

نور الحياة خيوطه نظرتها ورضاها
ورغد العمر ما يرتسم إلا معاها

واليوم أنا أكتب كلام العشق وياها
عروسي عروس البحر تسلم لي خطاها

عروسي عروس البحر شوفو غلاها
كل الحسن والزين المولى عطاها

عروسي عروس البحر ابتسمت لدنياها
كنها وردة عطرت الكون بشذاها

غارت نجوم الليل يوم اقبل محياها
وبدر السماء غلبته اليوم بحلاها

عروسي عروس البحر أعشق هواها
وأعشق عيونها سبحان رب سواها

نبارك لها اليوم فرحها وهناها
قولوا يا عسى السعد يكمل معاها

اتمنى تعجبك الابيات

وألف مبروك

نسأل الله أن يتمم لك على خير

أختكِ
المرتحله

يسلم قلبك وبناك
أستاذتنا المرتحلة

وهذا شي ليس بغريب عليك
فأنتِ من السباقين للمساعدة

وبالتوفيق والسعادة
أختي الكريمة eimi





ابــ داحم ــو

وألف مبروك


لأختنا


eimi

بسم الله الرحمن الرحيم
السلام عليكم ورحمة الله وبركاته

مرحبا استاذي

أبو داحم

بس اتمنى ما تكون غاليتنا زعلت علينا وهجرت الركن والموضوع

اتمنى من كل قلبي أنها تقرأ الكلمات

ما نبغى أحد يزعل من رواد الركن

ومنك استاذي تعلمنا حب مساعدة الآخرين

دمت وسلمت

أختك
المرتحله

السلام عليكم ورحمة الله وبركاته
مبروووك اختي eimi
واهنيج على هالقصيدة الرائعة
ومن انسانه اروع وهي توأم روحي
واستاذتي المرتحلة ..
فهي دائماً سباقة لخدمة الجميع
ادامها الله لنا جميعاً وربي يسعدها
دنيا وآخره ...فقد كفت ووفت
تسلم يمينها ..

يارب تدوم هذه النفوس الرائعة

ويظل حب المساعدة هو مايميز أعضاء منتدى عروس

سلمتم بود

بسم الله الرحمن الرحيم
السلام عليكم ورحمة الله وبركاته

هلا والله وغلا

بتوأم روحي

شجونة

والله ما سويت شيء

هذا واجبنا تجاه كل من دخل للركن الادبي وطلب العون والمساعدة

بس ادعو الله أن غاليتنا ترجع لن شكلها زعلت يوم تأخرنا عليها

والله يسعدني ويسعدك ويسعد كل عضو في هالمنتدى سعادة الدارين الدنيا والاخرة

أختكِ
المرتحله

بسم الله الرحمن الرحيم
السلام عليكم ورحمة الله وبركاته

هلا فيك غاليتي

ذكريات ثائرة

فعلاً الله يديم علينا هالنعمة ولا يحرمنا من بعض يا ر ب

ولو ما ساعدنا بعض مين راح نساعد بس

دمتِ وسلمتِ

أختكِ
المرتحله

السلام عليكم...
آسفة على التأخير أختي المرتحلة,,, انا ما هجرت الموضوع,, بس كمبيوتري كان عطلان شوي :smile:.
و الصراحة أشكرج جزيل الشكر لأنج اهتميتي بالموضوع ، و القصيدة واايد حلوه و انشالله راح استخدمها لعرسي. و تسلمين الغالية و ما تقصرين.

و مشكوووووورة جزيل الشكر,,,

[CENTER] بسم الله الرحمن الرحيم
السلام عليكم ورحمة الله وبركاته

أهلاً بكِ غاليتي

تمنياتي القلبية لكِ بالتوفيق في حياتك

وأن يسعدكِ الله سعادة الدارين

الدنيا والاخرة


أختكِ
المرتحله