انا اول مره ادخل فاتمنى انكم تفيدوني

الله يكون في عونك وهذي ان شاء الله مو مشكله ولس ما ارادالله لك با الحمل وانا بنت خالتي قعدت سنه ونص ماحملت وكانت بتسوي التلقيح والكل خاصمها وقالو لها هذى حكمه من الله مانعرفها الا الي خلقنا ولازم زوجك هوه الي يتعالج زي ما انتي تعالجتي والله بيرزقك ان شاء الله وقت ما يريد

انصحك تاخذين حبوب كلوميد منشط

اول شي اختي حابه اشكرج ع الرد ونسيت اقولج انه زوجي يتعالج وانا قلت حق الدكتوره تعطيني كلوميد بس قالتلي اريد اسويلج اشعه الصبغه عشان تشوف قناة فالوب اذا مفتوحه وع طول قالتلي عن التلقيح الصناعي فماعارضت بس متخوفه من شي ثاني اذا ما نجح التلقيح فما بقى شي اسويه وانا مؤمنه بقضاء الله وقدره ويكمن انا احسن من غيري فالحمدلله ع كل حال

السلام عليكم ورحمة الله وبركاته


هلا اختى عاشقه بوظبى

ربى يرزقك بالذريه الصالحه اختى

بالاول ليا ملاحظه بسيطه

تكرارك اختى لكلمه نحاسه

ده من التشاؤم ولا يجوز اختى

بالنسبه لعلاجات الدكتوره دى

مادام فيه مشكله عند زوجك طيب لازم علاجها مع علاجك انتى كمان يااختى

تانى شئ اشعه الصبغه مافى منها مشكله لاتخافى المها محتمل يعنى

شوفى الرابط ده فيه شرح كامل ليها

::..::أشعــــــة الرحــــــم الصبغيـــــــــه::..::

بس اقول هى ماعطيتك علاجات علشان تفكر فى التلقيح الصناعى

لسه بدرى يااختى على ماتفكر انها تبدأ معك بالتلقيح الا اذا كانت هى شايفه ان فيه مشكله عندك او عند زوجك تستدعى التلقيح وماقالتلك

لكن لو مجرد تكيس عادى او لخبطه فى هرمون الحليب دى ماتستدعى البدء الان مع التلقيح لازم العلاج ياخد دوره الاول وبعدين تبدأ تفكر فى التلقيح اذا ماجاب العلاج نتيجه

وكمان لاتنسى علاج الزوج ده مهم جداااا

وقولى اختى اسم الدكتوره وشوفى راى البنات الىل جربوها كمان


حبـــيبـــــــــه ,,,

عزيزتي والله مالي خبره

بس دخلت ادعي ان ربي يرزقك الخير

تسلمون ع ردودكم

حبيبة 110

الدكتوره اللي اعالج عندها ف دار الشفاء الدكتوره جيهان شلبي
وزوجي يتعالج هي واصفه له ادويه بس انا وايد خايفه ما اشعه الصبغه لاني سمعت اكثر من وحده تالمت منها بس انا بسويها وامري لله والتلقيح محتاره فيه ولذاك اليوم يصير خير

الله يرزقج بالذريه الصالحه المعافاه ان شاء الله.

مرحبا اختي عاشقة بوظبي ..
السموحة اول شي لاني ماعندي خبرة في موضوعج بس عسى الله يرزقكم آمين :)

حبيت ابدي رايي في الدكتورة جيهان .. انا تابعت معاها حملي .. صح اني ما كنت اسير لها دوم لاني اتابع في الكورنيش بس بعد عدد المرات الي سرتهم فيها كانن كفاية اني اعرف هالدكتورة كيف ..

شوفي هيه الدكتورة زينه وتعاملها زين بعد .. بس مادري ليش ما حسيت انه علاجها ذاك الزود يعني وايد تستعيل في العلاج .. بدليل انها تبا تسوي لج تلقيح صناعي وانتي بعدج .. وانا مرة سرت لها عشان الالتهابات وكشفت علي وعطتني تحاميل وما فادوني بأي شي .. يعني نهب فلوس على الفاضي .. ونفس السالفة عند ربيعتي .. كانت حامل في شهورها الأولى وماذكر بالضبط من شو كانت تعاني المهم انه شي بسيط .. وعلى طول كانت الدكتورة تبا تعطيها ابر تثبيت .. البنت خافت وسارت لكذا دكتورة وقالوا لها منو قال انج تحتايين ابر تثبيت .. والكلام كان واحد من كل الدكاترة ..

يعني لا تستعيليين في سالفة التلقيح كملي علاجج احسن .. وغير جي في دار الشفا الدكتورة نادية وااااااايد احسن عنها واشطر .. انا ما جربتها بس ربيعاتي وايد جربنها حتى في المنتدى هني يطرونها .. هيه مواعيدها زحمة شوي بس انتي وحظج ... السموحة على الاطالة والله يرزقكم آمين

ما عندي اي فكرة بس قريت الموضوع وان شاء الله الاخوات اللي عندها فكرة تفيدك والله يوفقك ويرزقك الذريه الصالحه

السلام عليكم ..

بداية حبيت أبدي إستغرابي من دكتورتج على شو مستعجله ما أدري ... وتشخيصها للحاله مب دقيق ..

أنا أحسها بس تبي اتطلع الفلوس بأي طريقه ... عنبووووه تلقيح صناعي وانتي ما كملتي سنه ..

الي فيج شي عااادي ارتفاع في هرمون الحليب وانا هالشي كنت اعاني منج وتعالجت بسرررعه وأيضا فيج كيس دهني بسيط يعني بالعلاج بيروح ... وفيه حريم وااايد ما حملوا وما عندهم أي سبب يمنعهم من الحمل وكل شي بإيد الله ..

وانتي مثل ما ذكرتي انه زوجج يعاني من لزوجة السائل المنوي فلازم بعد اهو يتعالج ..

أنا أنصحج انه ما اتلعوزين عمرج مع الصبغه والتلقيح الصناعي وهالسوالف ... التزمي بالعلاج المناسب وغيري دكتورتج أبد ما ارتحت لها وانتي مسلمه روحج لها كأنه ما فيه دكتوره غيرها .

السلام عليكم ورحمة الله وبركاته

أختي بصراحة...

لسه بدري جدا على التلقيح ؟!

إنتي ما كمّلتي سنة أصلا...

بعدين المرة الماضية نزل لك بويضتين كبار...ليش أشعة الصبغة؟ ...

يعني علشان ما صار حمل من أول مرة ؟

بصراحة أختي مش عاجبني العلاج..أحس إنه مبالغ فيه...

شوفي الدكتورة نادية في دار الشفاء...

أو الدكتورة راوية عثمان...في المركز الطبي التخصصي...في الخالدية...بجانب مفروشات القاضي...

الله يوفقك يا رب...و ما تستعجلي...

الدكتورة راويه في المركز الطبي التخصصي أنصحج انج اتراجعينها راح اتريحج كثير واهي ما شاء الله عليها دائما اتبسط الامور وما اتعقدها وتعطي الوحده فرصه بالعلاج ...

دوامها بعد الاجازه يبدأ بكره 4 - 7

مرحبا عاشقة بوظبي

الله يعطيج العافية حبيبتي

بخبرج بقصتي ماراح اقولج لا اختي ولا جارتي

انا من كثر ما كنت متلهفة على الحمل سرت من ثاني شهر للزواج عند الدكتورة عشان اتعالج
حتى الدكتورة استغربت قالت بدري
قلت ليش اضيع وقت ؟
المهم سوت لي كل التحاليل وطلع عندي تكيس بسيط وارتفاع بسيط بعد في هرمون الحليب
عطتني دواء حق الهرمون وكلوميد من ثاني يوم الدورة
وقالت ان شالله تحملين هالشهر
بس يتني الدورة واتازمت نفسيتي وبديت مشوار جديد من العلاج
الي اهو الابر والله لا يوريج الالالم والنفسية وطلبت مني تحليل لزوجي
واهني كانت الصدمة
فديته والله طلع عدد الحيوانات المنوية اقل من الطبيعي
يعني على قولها ما يصير حمل الا بالتلقيح الصناعي
وانا اقنعت زوجي بالعملية
بس اتراجعنا في اخر لحظه والدكتورة بعد قالت لازام اعطيج فرصه
وسبحان الله حملت طبيعي بس الله ماكتب
والحين حامل للمرة الثانية دون اي علاج بس مرامية من عقب ما سقطت
والحمدلله عالنعمة

اختى شلي من بالج سالفة الحمل والتوتر وربج بيرزقج
انا يوم كنت افكر ما حملت
ويوم نسيت السالفه وطلعه ودخله حملت دون ما ادري

حبوبه 10 شهور ولا شيء بعدج عروس استانسي
انا بنت عمي 4 سنوات ما حملت
وما اتعالجت الا عقب السنه عقب ملت
ويوم نست السالفة وانشغلت ما حست بعمرها الا حامل

الله يرزقج بالذرية الصالحة
واذا عن الدكتورة جيهان محد من الي اعرفهم مدحها
يمدحون ناديا

وانا كنت اتعالج عند الدكتورة ميراي في مستشفي السلامة