يمر الوقت يابعد عمري

يمر الوقت والساعـه ونحـدد للقـا لحظـات
................ويمر العمر يا عمـري وحبـك فرحـة سنينـي

اقول أشتاق أنا لصوتك وهجرك زادنـي آهـات
................وتقول البعد يا أحمد يزيـد الدمـع مـن عينـي

أنا يا فرحة أيامي أبـي منـك بعـض كلمـات
................تحسسنـي بدفـا روحـك وتوصلنـي لعناوينـي

أبيك تعيش لي عمري وأعيشك بالوفا همسـات
................مع أطيافك يطول الهمس من صوتـك يواسينـي

يا آسرني صدا همسك يسمعني لحـن نغمـات
................قربت من الصدا أسمع لقيـت ألحـان تشجينـي

رسمت أشجاني بهمومك وصار ألهامي الفرشاة
................عيونك هي ألوانـي ودموعـي لوحـة تحكينـي

لقيت أحلامي الظميـا تزيـن تالـي اللوحـات
................ولقيتك لوحة الذكرى عسـى الذكـرى تنسينـي

يموت الحلم والفرقى تزخرف عتمـة الظلمـات
................تظيـع أيامـي مـع طيفـك الا منـه يجافينـي

وأعيش بهم لا منك سرقتـي فرحتـي بسكـات
................ولا منك رسمتي البعـد يـا روحـي وتركتينـي

لان البعد والحرمـان يزيد القلـب بالونـات
................ويعيش القلب بجروحـه ويدفـن هالوفـا فينـي

وأنا ادري ان العمر فاني يقرب هـادم اللـذات
................ولا به شي من بعـدك عقـب فرقـاك يغنينـي

ابي أصبر دامني قادر ولا بنـدم علـى مافـات
................مدام الشعـر لعيونـك مـن جروحـي يسلينـي

يمر العمر مع طيفك وأعيشك بالوفـا لحظـات
................ويعدي الوقت والساعه تزيد من الجفـا سنينـي




نواف الولهان