فطام الطفل

شوفي حبيبتي آنه مب متزوجه لكن عندي خبره واسعه في رعاية الأطفال لأني مربيه 3 بنات والحين أصغرهم في المدرسه، آنه مو كبيره آنه صغيره بس أحب الأطفال وخصوصا البنات وأحب أحممهم وأطعمهم وأراعيهم>>>>> بس عاد قصة حياتج الحين بتقولينها

عن سؤالج: البنت بطبيعتها دلوعه يعني تحب تلصق في أمها،

1. فإنتي من الحين علميها تنام في غرفتها وإذا ما عندها غرفه سوي لها غرفه وهي الحين صارت كبيرة وإختاري لها سرير تحبه وطلعيها من غرفتج
2. علميها قدام الناس ما تشرب من صدرج لأنه عيب ( وعشان ما يعيبون عليها )
3. إذا عندج أطفال في العايله أصغر منها خليها تشوفهم وهم يشربون من البزازه (وقوليلها شوفي فرح صغيرونه تشرب من البزازه لكن بنتي آنه كبرت وراح تروح الروضه)
4. وإذا ما نفع قوليلها إن صدرج يعورج وحطي عليه لزقه
5. علميها على الأكل
6. قولي لها إنج راح تحكين لها قصه قبل النوم كل يوم ما تشرب فيه حليب
7. خليها تحتك بأطفال من سنها فتره بدون ما تكونين موجودة معاها

هذي كل الأفكار : وفي طريقة أمي تستخدمها تحط على البزازه طلاء أظافر شفاف أو ملح ويحس الطفل بطعمه المر فيترك البزازه

ترى حبيبتي تعلق الطفل بمحالب أمه نفسي أكثر منه للتغذيه، فحاسبي في تعاملج معاها

أما عن أفضل طريقة لإرجاع الصدر إلى حالته الأولى فما أدري إن شاء الله البنات >>>>>>> أي بنات الحريم يساعدونج:D2

كيف تفطمين طفلك؟؟

ان نظام الطفله يتعلق بمزاجها فلا تستعجلي الامور بل تقدمي خطوه خطوه لتعتاد على الامر الواحد قبل محاولة امر اخر


واختي الى قبل كفت ووفت

مشكورة اخواتي قطاف والجورية على مروركم وابداء رأيكم

أفضل طريقه لاعادة صدرك كما كان هي لعب الرياضه وخاصة هذا التمرين وهو أن تفردي يديك بمحاذاة صدرك ثم تثنيها بحيث تصبح كفات يديك فوق الصدر ثم ارجعي يديك بقوه الى الخلف ستشعرين بأن عظامك كلها تحركت من الصدر والظهر كرريها عشر مرات ثم تدريجيا زيدي حتى تصبح 100 مره في اليوم هذا التمرين يعمل على شد العضلات بشكل رهيب وهو مجرب ومضمون 100%في البدايه ستشعرين بتعب لكن مع الاستمرار اليومي على التمرين سيزول الألم استمري على أداء التمرين حوالي شهر ين بشكل يومي وانا متأكده باذن الله انك ستدعيلي