بنات ابغي مشورتكم اسوي خطوبه او لا لا لا لا

السلام عليكم ورحمة الله وبركاته
اولا الف مبروووووك حبيبتي وعقبال لي وعقبال كل البنات
انا من راي انج تسوين حفلة وحدة بس اللي هي حفلة العرس واشوف مالها داعي لحفلة الخطوبة طالما العرس قريب

ابدأي جهزي عمرج من الحين حق العرس :yes:والله لوانا مكانج اوفر الفلوس حق شهر العسل والعرس بدال ما اخسرها
بحفلتين ............وماشاء الله على ريلج فكرته وايد حلوه احسن سيري تصور واحتفلوا بروووحكم
واتنمى لج التوفيق ولا تنسين تعزمين......... والله يتمم فرحتكم على خير

انا برئيي مدام الوقت ضيق لاتسوين حفله واحتفظي بفلوسك لنفسك وتجهيزك

واكتفي بزوجك وانتي وصورو والبسي شبكتك وخلي فرحتكم يوم الزواج

والله يوفقك

انا زوجي بعدمده ان شاء الله لكن احلى شي الخطبه نصيحه سويها ولايهمك احد لان هذا الشي لك انتي ومافيه عيب حلوه اذكريات هذي بينكم لان راح تشوفين نه شوي حركات تضحك وخاصه اذا صورتي المناسبه كامله بالفديو بالنسبه لي كل ماشفت الشريط اقعداضحك مثلايوم لبسني الشبكه السلسال مرعلى خير لكن الحلق ماكان يعف يلبيه وانافاتحه بأذني 3فتحات كان محتار وين يحطها شفت الرجال مطول سألته قال مادري وين احطها...وأشياء كثير نصيحه لاتفوتينها:shy:

مشكورين حبايبي على نصااايحكم وعقبال اللي ماتزوجوااا

برايي تسويين خطوبه

الخطوبه مرة وحدة بحياتك وما راح تتكرر يعني بعدين بتتحسفين انج ما سوييتي خطوبه وعزمتي الناس

بروحها الدنا مليانه مشاكل وحزن والفرح بالحسرة ووالحين لي جاتج الفرصه عشان تفرحين تضيعينها من ايدج؟؟

انا سوييت حفله ملكه وحفله خطوبه بالاول قلت خساير وتعب بس الحين احس ان كل وحدة من الحفلتين لها طعم

ولما اتذكر صج استانس ، لاتضيعين الفرصه من ايدج للفرح سوي الحفله بدون خساير

الله يوفقج

على فكره انا يوم اتزوج بيصير على ملجتي سنه
بالعكس ما صارت مشاكل .. وقاعده اجهز اغراضي شوي شوي
بس الحين ماباقي الا كم شهر و قبل العرس بشهر بركز على جسمي وبشرتي
والحمدلله وايد مرتاحه وسعيده ..وكل يوم اكتشف بزوجي شغله واحبه زياده
وكل يوم افكر اشلون اسعده اكثر :).. الله يحفظه ويخليه لي .. وما يحرمني منه..

أنا رايي من راي qtr221

اختي عروسه الدوحه ..مب شرط تبالغين بالحفله خليها بسيطه
وعائليه .. على الاقل للذكرى .. وبالعرس بدعي بكل شي
وربي يتمم لج على خير

والف الف مبرووووووووك

السلام عليكم ورحمة الله وبركاته

ألف ألف مبروووك حبيبتي والله يتمم على خير

مادام المدة بسيطة وبعد شهر باذن الله تعالى العرس
واذا انتي تقصدين الخطبة الي هي الملجه
سويها حفلة عائلية أهلج ويضم خالاتج وعماتج وأهله نفس الشي مابيكون فيها خسارة والبسي واكشخي بس لاتشترين فستان غالي غالي فستان متوسط السعر
هذا رأي عن نفسي بسوي حفلة عائلية ان شا الله اذا ربي أراد اذا كان بعد شهر

شرات ربيعتي سوت حفلة بسيطة وبعد شهر العرس الله يوفقها ان شا الله

وشوفي رأي الاخوات وشوفي شو أنسب لج


موفقه حبيبتي دنيا وآخرة

عني ياقلبي ملكه وعرس وانتهى الامر :)

انا انصحج انج تسوين عزيمة عشاء حق الخطوبه .. في البيت يلبسج شبكتج .. و يصير تصوير ..

عزمي الأهل المقربين انهم ما يزيدون عن 20 شخص .. يعني كأنها عزيمة عاديه .. و انتي لبسي فستان سهره بسيييييييط جاهز .. و شعرج سويه بسيط و الميك اب بعد لا اتسويين ميك اب واايد .. خفيف .. خل يلبسج الشبكه و اتصورين .. و يتعشون و خلاص ..

لأن زهوة العرس بعدين بترووح في رايي اذا سويتي حفلتين

خلي الفستان الكبييير و الميك اب الحلوووو و الحفله الكبيره و المعازيم حق العرس ..

الموضوع مب موضوع مخاسير بس

انا احس السالفه بايخه حفلتين بين كل حفله و حفله شهر او حتى شهرين

انا هاي رايي

عزمي الاهل على العشا خل يلبسج شبكتج و صوري شوي .. و بس


و حطي تركيزج كله على العرررس ما بااقي له شي حبيبتي

و مبرووك و الله يوفقج و عقبال ما اتبشرينا بمولود حلوو يااا رب

انا سويت حفله ملكه وخطوبه بنهاية شهر واحد....وسويتهم يومين ورى بعض بس وربي كانت احلى ليلتين وسويتها بسيييطه كلش يعني الاهل واقرب الناس لي وبس :) نصيحه مني سوي واهم شي تصوير الفيديو والتصوير الفوتغرافي والله يوم ما يتنسى ترى بتتحسفين مثل ما قالوا لج البنااات

وربي يوفقج انشا الله :)

هلا حبيبتي عروس

شوفي حرام اتخسرين فلوس على حفلة وبعد شهر عندج حفلة العمر!!!!!!! ليش كل هالخساير؟

حتى لو زوجج عنده خير لازم الواحد يراعي ترى بعدين بتصير مشاكل اذا من البداية ماراعيتي زوجج وماراح تكبرين في عينه بس لو انتي قلتيله لامافي داعي الخساير وكفاية العرس وشهر العسل وبعد احط عليك

لا حرام انا ابي الله يباركلنه في زواجنا!! صدقيني بيفرح والله ان شاء الله بيباركلكم

واذا كلش خاطرج بالحفلة سوي شي حده حده بسيط وعائلي احسن

تحياتي
#رومانسية#

مشكوووووووووووووووووورين يابنات على نصايحكم

بس المصيبه ان اهل زوجي واااايد هو بس عنده تخيلوا 17 عم وعمه و8 خالات وخال واحد تخيلوا كل واحد عنده درزن اعيال وغيرهلي
وبيتنا صغير يعني ماراح يكفي لازم قاااعه واذا بسوي بقاعه لازم كوشه وطاولات ومفارش واستاند والى اخره

عشان جذي فكرت اسوي فكرة زوجي نلبس ونكشخ ونصور بمحل التصوير

والمصيبه الكبري بين الخطوبه والعرس شهر وشوي

واناا اخااف من كلام ناس هم بروحهم يبيلهم كلام

بس بفكر في كلامكم وبقولكم قراااري

ممممممممممممممم
سوي حفلة صغيرونه.. انتي وامج وابوج وخواتك واخوانج.. مع خواته.. وبس.. يعني يلبسج الشبكة جدام الناس!

وفكرة زوجج خوش فكرة بعد!! يحليله والله!! الله يخليكم حق بعض ويوفقكم امين يارب

الف مبرووووك والله يتمملج على الخير
انا اشوف الخطبه مالها لزمه لان العرس قريب
سوي حفله بين هلج وهله وبس مافي داعي للمعازيم والخساير,,,
والقرار لج بالاخير والله يوفقج :smile:


شـــوقـ قـلـبـيـ

مااااااااااااعليك من الناس

حبيبتي تهني بايامك وسوي الخطوبه
واحرصي انها تكون بس عايلتينكم وبس

انا سويتها كذا

بس اهلي واهله

وكانت تجننننننننننننن وربي ماتنسى وكل مواقفها حلوه وغيررررررررر غير غير

سويها وتوكلي على الله ومثل ماقلت لك بحدود العايلتين بس

ولاتنسين تجيبون كيكه لان احلى المواقف وقت تلبيس الشبكه وتقطيع واكل الكيكيه هههههههههههههههههههههههههههههههه شي جنان بتحسين ان كل موقف ماينمحي من بالك ابد مهما طال الوقت وبتحسين بربكه كل شي بعد فتره بطريقه لذيذه :)


والف الف الف مبروك الغاليه والله يهنيك
:)

خلاص بشوف خواته اذا حفله بتكون صغيرونه بسويها بالبيت وبتكون تكاليفها قليله ان شاءالله يرضون

اخااف يقولون عمات وخالات هنا عاد مشكله هم ماشاءالله درزن وين احطهم

الف مبروووووووووووووووك

والله يتمم فرحتك على خير

ويسعدك في الدنيا والاخرة

مبرووووووووك

الله يتمم لك على خير

الله يوفق لك ويوفق لنا ويكتب الي فيه الخيررر