خالتي زواج اول ولد لها وهي ما عندها بنات..ساعدوها تبي افكار

خالتي معلنة حالة طوارىء..
هي في الحقيقة والواقع خالة ابوي..(حرمة كبيرة)..
دايماً اللي تروح معها السوق..بنت اختها..لانه ماعندها بنات:(
والحين هذي الخالة بتزوج اول ولد لها..والمشكلة...
انو العروسة هي
بنت الاخت السابق ذكرها:)

والحين تبي حركات في الزواج..ولكن تستشير ميييييين؟..يا حرام؟؟
بنت الاخت وراحت..
امس قابلتها..عند عمتي..
قلت لها ياخالة اللي تبين احنا حاضرين لاتستحين..>> الاخت نشمية:)

قالت : والله ودي بزفة للبنيات الصغار..يوزعون بها عودة ومسك
حركات التوزيع هذي تغثني انا شخصياً
لكن عيب اقولها....... لا...قديمة...
قلت الحين بتقول ما تبون تساعدوني.. نقطوني بسكاتكم..
قلت لها ابشري..وفي عقلي اقول الله يخلي بناااااااات عروس ما بيقصرون
يالله وروني الهمة وساعدوني تكفون..

باختصار ..
نبي زفة للبنات الصغار ..
يعني وش يلبسون؟؟
وكيف يوزعونها؟؟
كيف يشيلونها؟؟( يعني بسلال او اي شيء)
اي انشودة او اغنية (بدون موسيقى)