حفله حنتي + زواجي .. احتاج نصيحتكم

انا الصراحه افضل الهندي

تقدرين تسويين اللي قلتي عليه وتسويين جلوة في الحفله الهندية وتلبسين اكسسوارت الهنود تحطين فل على شعرج

ترى وايد حلو بيطلع

الله يوفقج ختي

ما ادري بس احس الخليجي بيكون احلى

وبتقدرين تبتكرين فيه اكثر .. خصوصاً وان انتي خليجيه ..

وتعرفين عادات وتقاليد الخليجيين بزواجاتهم


الف مبروك حبيبتي .. والله يوفقك ويرزقك الذريه الصالحه

الفكرتين عزيزتي حلويين

الممكن الإبداع يكون أكثر في الستايل الخليجي

الهندي أحلى ..

بس الخليجي تقدرين تبدعين فيه اكثر..

والله يوفقج

الفكرتين حلوين والله يتمملج على خير

بس انا اشوف الخليجي احلى وتلبسين الذهب التقليدي والهامه وكف بتطلعين ستايل شي قديم بس انا اشوفه حلو

وبالتوفيق والله يسعدج

أولا: ألف مبرووووووك...والله يهنيج ويسعدج.

ثانيا: انا أشوف ان الخليجي بيكون احلى، لانه الهندي وايد يسووونه البنات وملينا منه، على العموم انتي ورااحتج...وان شاء الله تكون ليلة رائعة وتطلع مثل ما تحبينه واكثر

الخليجي احلى من الهندي ...

وبالتوفيق

حباااااااااااااااايب قلبي والله

الحمد لله افتكيت ^_^

كنت ابي اسويه خليجي وعزمت والله وصرت بس ادور الثياب النشل والثياب المفححه وهالحركات لكن ربي ماكتب لان شوي لقيت صعوبه في توفيرها وبيني بينكم نفسيتي كلش صارت مو اوكي لان الوقت يمشي وانا ماخلصت شي والزي الخليجي لازم اتعنى للبحرين عشان اشتريه فتوكلت على الله وخلصت اموري بالسعوديه لكن برفقه الستايل الهندي ^_^

امس رحت للقطيف ورحت لمحل كلاسيكيات للكوش
المحل يجننننننننننننن

اول سؤال سئلته لي كم ميزانيتك
وشنو فكرتك او رغباتك
قلت لها كوشه لليله حنا
لبسي اما خليجي او هندي ابي الوان وركزي على الاخضر وابي كل الاشياء اللي تلمع تكون ذهبيه ..

فورتني الكتالوج واخترت كوشه هنديه تجنن الكرسي عباره عن مرجيحه ثابته منقوشه وملونه بالاحمر والاخضر والبرتقالي المصفر
السلاسل بتلف عليها ورق وورد

الكرسي بتنثر عليه مخاد متنوعه الحجم والشكل واللون من مخامل واشياء وخامات هنديه والكرسي حوله مثل البوابه تطلع منه بشكل روعه وبتنثر حول المرجيحه صناديق خشبيه قديمه مع خامات اقمشه بتطلعها من الصندوق بطريقه فن + بتحط لي سلال سعف بحط فيها ريحان وجوري + بتحط لي انارات تجنن وستاندات مع فخاريات وشغلات روعه :)


وكل هذا بـ 1000 ريال بس ^_^


رحت اجرت بدله الحنا لونها اخضر تفاحي يذبح وذهبي
القماش مرررررررررررررررره فخم ويجنن
اخذتهم من درة العرايس بالقطيف

وايه سويت لي باقه ورد للفستان الابيض عند كلاسيكيات كلمه قمه ماتكفيها :) يااااااااااااااااليت لو كن اقدر اعرضها لكم بعد الزواج هي والكوشه

بعد بعد

ايه رحت لدار نجد وطلبت من هاديه تضبط مكياجي لشي هندي وطمنتني ان بيصير عجيب وانا واثقه بذوقها :)

وبسسسسسسسسسسسسسسس

الحمد لله حصلتي احد يسوي لك هالشغلات وباسعار معقوله :)

ودي اسالك عن هذي اللي بالقطيف .. تسوي للي بالرياض ؟

اذا تسوي .. ممكن تعطيني رقمها عالخاص



الله يوفقك .. وعقبال العزابيه :D
وان شالله ربي يسهل عليك كل صعب .. ويسعدك :)

ميرندا
تسلميييييييييين الغاليه :)

بالنسبه لمحل كلاسيكيات اتوقع تروح للرياض ..
عموما اذا تبين رقمهم خبريني وبرسله لك واطلبي امل لانها حيل حبوبه وبتساعدك :)

ياليت تعطيني رقمهم :)

038527040

:)

مرحبا fay fay مبروك على الزواج
حبيت أخبرك شي عن كلاسكيات عشان تاخذين احتياطك منهم
تراهم وايد ينكبون خاصة بباقات الورد تلقينهم ما يسوونها لك مثل اللي طلبتيها او يحطون لك ورد ذبلان
ترى انا ما قلت لك كذه لاني ادري عنهم و سمعت عنهم كثير
فلازم تاخذين احتياطك :shy:

ألف مبروووووووك أختي ..fay fay
ربي يسعدك ويتمم لج على خيررررر

والا فكار حلووه اعجبتني فكرتج وهي الدارجه عندنا بقطر

توكس قيرل
ربي يبارك فيك يالغاليه :)

الحمد لله شجعتيني :)


رين ..
بقولك شصار فيني اليوم
وربي حيييييييييييييييييييل تضايقت حسيت ميته قهر بس حسبي الله عليهم ونعم الوكيل :(

شوفي انا خلصت كل اموري مع كلاسيكيات
ويوم جيت ادفع العربون للاسف ماكنت شايله معي المبلغ الكافي للعربون مع انه بسيط .. فقلت للبنت تقبلين كعربون بس 200 وبكره برسل لك اخوي بباقي المبلغ وتعطينه الرصيد .. عيت .. قالت ارسليه بكره مره وحده فقلت اوكي وطلعت..

سبحان الله انشغلت جدا ولما رجعت اليوم عشان ابي ارسل لهم العربون سوو لي سالفه .. قالو لي ان البنت اللي تفاهمت معها مسافره ورفضوا ان يطلعون لي الكوشه لان على قولتهم ان الكوشه تستاهل اكثر .. فخبرتهم ان هذا كلام البنت اللي بالمحل تشتغل وهالكلام مب من عندي وهي اللي عطتني الاسعار بمعرفة صاحب المحل ..
شوي الا اتصلو على تلفون قالو ان زوجة صاحب المحل قالت ان سعر كوشتي ب 2000
عقب قالو لا ب 2500
واخر شي اتصل على صاحب المحل بنفسه قال لااااااااااا الكوشه ب 3000


؟؟؟؟؟؟؟؟؟؟؟؟؟؟؟


تخيلي

ولما قلت لهم ان هذا كلام فلانه طلعوني كذابه وقالو لا هي ماقالت كذا .. ولما سئلت عن الباقه وانها قالت لي ب 350 رفضوا نهائيا وقالوا لا هي ماقالت كذا وحلفت لهم انها قالت لي سعرها 350 ونفس الشي طلعوني انا كذابه وعورو راسي على الفاضي

تعرفين اقدر ادفع مثل هالمبلغ ادبال بس اسلوبهم جدا ضايقني وحسيت ان لو رايحه دايركت لفرع الخبر ومريحه قلبي كان افضل
لان اللي يشتغل بالخبر مصري بس جدا خلوق ومتعاون ..

عموماً الحين انسدت نفسي من محلهم وبروح لكوشات فن .. بعد راقي وذوق مع ان الشغله اللي ابيها مايضبطها غير كلاسيكيات :(

زعلتيني عليك fay fay بجد لو أنا مكانك كان جلست اصيح من القهر
ترى القطيف فيها أماكن كثير تسوي شغلات حلووة لكن عيبهم الوحيد ان المادة عندهم اهم شي
و مو مهم ارضاء الزبون .. ودايماً تصير لي هالحركة بالصالونات يقولون سعر و بعد ما يخلصونك يقولون سعر ثاني
والله يعينك عزيزتي

رررررررررين

والله اني شاطره ههههههههههه

خلاص دبرت اموري

رحت البحرين وبالتحديد رحت يتيم والقريه العالميه

وهناك شريت مفارش هنديه وقطع تجنن
وشريت وسايد احجام والوان وكلها ستايل هندي
جبت كرسي خشب ستايل هندي من بيت اختي اللي يكون مزخرف وعباره عن صندوق
وجبت صندوق مبيت ستايله قديم
ووفرت بعد سلال سعف " قفيف " احجام مختلفه
وفرت لي قماش خاص للحنا لقيته بالبحرين ،،

وانا بسوي خلفيتي وكوشتي بنفسي ،، بس بروح لمحل ورود ابطلب منهم يسون لي القماش حق الخلفيه على ستاندات ويحطون عليه انوار وسعف نخل مثل شغل اول ويمكن احط مرايات مثل الزواجات القديمه
وبحط كرسي حجمه حلو من بيتنا بغطيه بالاقمشه الهنديه
وبرتب الصندوق الخشب في زاويه والسلال وكل شي وبطلع الاقمشه من الصندوق بطريقه راااااااقيه وبحط انارات وشغلات تجنن والله لاي حوجني لكلاسيكيات ههههههههههههههه


<< اكتشفت اني عنيده هع

ما شاء الله عليـــــــك
تسوين كل شي بنفسك أحسن من تجيك حالة نفسية من المحلات اللي يلعبون علينا
والله يتمم لك على خير ياررررررررررررررررررب

تسلمين لي يالغاليه :)