إلى خبيرات التجميل في المنتدى

آمري انتي عرضي اسألتج وان شاء الله الكل بيتجاوب انا بشرتي مختلطة و تقدرين تقولين قمحية :)

السلام عليكم ورحمة الله وبركاته
سبحان الله من يوم كتبت موضوعي هذا وأنا متوقعة إن اللي بتجاوب علي
إنتي يا Manary
يا حبيلك أنا احب أتابع مواضيعك كل ما صار لي فرصة أدخل النت
لانه مثل ما تلاحظين أنا مشتركة بالمنتدى من سنه وهذا أول موضوع لي

أدري ثقلت عليك ما يامر عليك عدو

حبيت أغير مكياجي

ايش أفضل كريم أساس مع البودرة حقته؟
لاحظت الكل يقول جيرلان مع البودرة الذهبية بس قلت اسأل اصحاب الخبرة أحسن

بالنسبة لمخفي العيوب أنا استخدم ميك أب فور ايفر الخماسي ايش رايك فيه؟

أما بالنسبة للأرواج فيه خبيرة بريطانية في احد المنتديات تقول
ريفلون أفضل لانه يدوم ثمان ساعات ايش رايك؟

والكحل الجاف والسائل اي ماركة أفضل وايش رايك بالبلاك اي تبع مكياجي؟

وايش افضل مسكرة تعطي كثافة للرموش وطولها بدون ما أركب رموش ؟

أما بالنسبة للبلاشر فما عندي خلفيه عن أفضل ماركة ممكن تساعديني؟

والاضاءة بعد المكياج وكمان السيروم تبع تثبيت المكياج ايش أفضل ماركة حاليا استخدم الاضاءة تبع ريفلون ؟

وأخيرا عشقي الشادو لاحظت كثير من صالونات التجميل الراقية الموجودة عندنا يستخدمون ميك اب فور ايفر ايش رايك انتي؟


وإذا ما عندك مانع عندي اسئلة ثانية بس قلت انزلها بمشاركة ثانية لاني حسيت نفسي ثقيلة

ودمتي سالمة

[grade="00008B FF6347 008000 4B0082"]آآآمري من عيوني و ان شاء الله كل البنات بيساعدون

احسن بودرة جيرلان الذهبية بس سمعت ان ما راح ينزلون منها خلاص بس وايد حلوة
احسن اساس سائل للنهار ديور و هلينا لأنهم خفيفين و للسهرات نارس عاجبني وايد لأنه بشرتي مختلطة و في اماكن ناشفة عندي احس انه يوازن البشرة بس لازم احط فوقه بدورة جيرلان الذهبية
اذا تبين شي اخف بودرة جفنشي حلوة و حجمها صغير للطلعات و الدوام

الكونسيلر( خافي العيوب) انا ما جربت مال فوريفر الحين استقريت على بوبي براون شوفي صورته صاير كريمي و معاه بودرة سايبة وايد حلووو و في سان لوران حلووو بعد [/grade]



هذا كونسيلر لوران


و اذا حطيتي فوقه هذا يعطيج اضاءة و ثبات روووعة



ا[grade="00008B FF6347 008000 4B0082"]لأرواج انا عندي ماك و ديور و جيرلان بلا منازع ماااااااااااااك االوانهم متنوعة اكثر و نوعيتها زينة ريفلون ماجرب منهم الا الجلوس و ما عجبني مادري ليش

الماسكرا عندج ديور شو و لانكوم و ماكس فاكتور حلوة و سعرها زينة

البلشرات عندج ماك بلشراتهم حلوة سان لوران منزل بلشر حلوو بحط لج صورته بس غالي شوي و جيرلان بلشرهم روووووووووعة انا عندي منه لون مشمشي رقمه 515 وايد حلووو بس غالي بعد[/grade]
هذا بلش سان لوران طريقته حلوة





ا[grade="00008B FF6347 008000 4B0082"]لكحل الجاف
ما جربت مكياجي للأسف وايد يمدحون هالماركة بس مو موجودة بالكويت
جربت ماك و شانيل و لانكوم و ريفلون و سان لوران اليديد كلهم حلوين بصراحة بس ريفلون وايد حلووووووو
الشادوات انا استخدم ماك أو كريولان او نارس
فوريفر ما جربت شادواتهم ماقدر افيدج


الاضاءة بعد المكياج استخدم بودرة فوريفر اللي فيها لمعة أو استخدم كريم اضاءة من ديور Luminizer قبل الأساس و نتيجته حلوة يعطيج لون صدفي


و اي سؤال ثاني آمري و من عيوني [/grade]

السلام عليكم ورحمة الله وبركاته
تسلمين اختي مناري
والله ما قصرتي كفيتي ووفيتي
والله ان كلمة شكرا ما توفي
جزاك الله خير وزادك حسنات أضعافا مضاعفة

بس عندي سؤال اخير
انا من النوع اللي ما يحب يحط ماكياج عالصبح
للدوام لانه في الصباح احب يكون شكلي طبيعي اكثر
فهل فيه واقي للشمس وفي نفس الوقت يوحد لون البشرة
سمعت كثير يمدحون Roc
ايش رايك انتي؟

وايش أفضل ماركة للعناية اليومية للبشرة المختلطة؟
من منظف وتونر ومرطب ومقشر وقناع وما إلى ذلك
وكمان هنا كثير يمدحون Roc
لانها طبية ايش رايك؟

واذا ماعليك كلافه ممكن تنزلين صورة البودرة الذهبية حقت جيرلان لاني ما احب البائعين يتفلسفون


وتسلمين عمري والله يقدرني وارد جميلك
ودمتي سالمة

يعطيك العافيه مناري ما قصرتي والله

ان شاء الله تكونين استفدتي يا لؤلؤة نجد

عني انا استفدت كثير من منورتنا الله لا يحرمنا

أحرجتوني بكلامكم الحلووو انا ما سويت غير الواجب

لؤلؤة نجد

انا عن نفسي ما جربت روك جربت من قبل ماك و كان وايد حلووو

و الحين عندي ديور و لونه صاير صدفي يعني لو بيصير جنج حاطة بودرة خفيفة

مستحضرات العناية جربت وايد بس للبشرة المختلطة
هلينا كان حلووو
ديور وايد حلووو
و الحين قاعدة اخلط بين ديور و سان لوران و سنفرة جفنشي

في واحد من مواضيعي فيه كل شي عن السنفرات و العناية


هذي صورة بودرة جيرلان
لحقي عليها سمعت انه ماراح ينزلونها عقب





شوفي هذا الموضوع


لأنها خطوة مهمة قبل المكياج


و أكرر شكري على كلامج الحلووو انتي و الغالية أم القوقو

ياحبيلك يا مناري
أي ما سويتي شي
إلا كفيتي ووفيتي
هذا انتوا يا بنات الخليج يد وحدة
الكل يستفيد من بعض
الله يزيدنا ترابط ويبعد عنا عيون الحساد

حياك الله أختي أم قوقو
منورة موضوعي

ودمتم سالمين

آآآآآآآآآآآآآآمين يا الغالية

و لا تنسين تقولين لنا شنو سويتي بانتظار نتايج رحلتج الى السوق

إن شاء الله
بس حاليا ً ما أقدر أروح للسوق عندنا حالة استنفار قصوى
خخخخخخخخخ (( نفاس ))

ودمتم سالمين

[grade="00008B FF6347 008000 4B0082"]الله يقومج بالسلامة و يخليلج عيالج و يطرح فيهم بركته بانتظارج بعد ما تطلعين بالسلامة [/grade]:)

تسلمين manary وتسلمين لؤلؤة نجد على الاسئلة لان الكل يستفيد
بالنسبه للمسكره مسكرة Christian Dior روعة اكثف واطول وفيه ماركه ثانيه يستخدمونها في الصالونات دايما عندنا في الامارات ومكياجهم وايد حلو ماركةo000o BN ( Ben Nye) o000o ما ادري اذا كنت مجربتنها manary

ومشكورين على الموضوع الحلو

[grade="00008B FF6347 008000 4B0082"]لا والله اختي دمع العيون

بن ناي ما جربت منهم الا شدو اختي جابت لي اياه هدية و بس ما جربت منهم اي شي ثاني للأسف [/grade]

هههههههههههههههههههه
يا حبيلك يا مناري فهمتيني غلط
وبالأصح أنا اللي توهتك
أنا لسه مو متزوجة أختي هي اللي نفاس خخخخخخخخ
وأنا المكروفة قهوة شاي عصاير ومقبلات
وغيره وغيره هذا وغير الضيوف اللي من العصر إلى بعد العشاء
الله يكون بالعون
عالعموم تسلمين يا عمري على اهتمامك

وحيا الله أختنا دمع العيون منورة الموضوع
أكيد تقصدين ماسكارا ديور الجديدة حتى حجمها مره كبير
أما بالنسبة ل BN
صراحة ما قد شفتها على كثر ما رحت للأسواق
يمكن موجودة بس ما أنتبهت
ويمكن مو موجوده بالرياض

عالعموم تسلمون ودمتم سالمين