ابى احدد مستقبلي معاااااااااه

والله ذكرتيني بخطيب أختي نفس الشي غيور وشكاك الله يكون بالعون
وبصراحه مادري شو الحل.................. ان شاء الله البنات يفيدونج

اختي

الغيرة المعقولة حلوة بين الزوجين ( ولو اني ما أحبها ) بس لابد منها

لكن ان يكون شديد الغيرة وتكون غيرته غير مبررة فهذا ما لانقبله

اختي انتي راجعي نفسك وتصرفاتك يمكن تعطيه سبب للغيرة وانتي مو حاسة ... شوفي اذا كان يتضايق من شي معين فيك وناقشيه واذا كنتي على غلط صلحيه بس لو كان يغار من توافه الأمور ناقشيه بعقل وحاولي تقتنعيه بأن غيرته مالها مبرر وانك تحبينه وهو عندك بالدنيا ( أهم شي تكونين صادقة مع نفسك ومعاه )

وشوفي ايش يصير بعدها

اهم شي غيرتها ما تخليه يرغب في تملكك والتحكم الغير منطقي فيك

الله يوفقك

عزيزتي مثل ماقالت لك الاخت رومي شوفي غيرته

هل له سبب وانتي منتي حاسه

واذا كانت غيرته بلا سبب وتعدت الحدود فاتحيه بالموضوع وخلي الصراحه موجوده بينكم

مشكلتنا ناخذ المشكله من طرف واحد ونخاف نحط اللوم على المظلوم

لذلك نعطيكم حلول شامله وانتم تشوفون الانسب

والله يسهل اموركم

استغفر الله ...لا حول ولا قوة الا بالله
كانه صار لبس فالموضوعين
اختي my_soul
الغيره الها حدود يعني لازم تحددي اذا كانت الغيره مصدر مشاكل بينكم ولا انها عاده طبيعيه ...شكاك؟؟؟ هذي بصراحه انا عن نفسي ما رح ارضى اتزوج واحد شكاك لانها اهانه لي وعدم ثقه
فيه فرق بين الشك والغيره لازم تعرفي تميزي

السلام عليكم ورحمة الله وبركاته

عزيزتي من الأفضل إنج إتصارحينه و تعرفين سبب غيرته و لين وين الغيره و الشك يوصلون الحياه الزوجيه

خذيها نصيحه و شايفه هالموقف جدامي و ما أبغي أخوفج والله

إذا بدايتها غيره و شك لا تتوقعين بترتاحين معاه لازم لازم و أحط لج ألف خط فوق لازم تعرفين حدود غيرته ...

ذكرتيني بوحده من الأهل تزوجت واحد يغار من الهوا إلي تتنفسه مع إنها ماشاء الله عليها وحده عاقله و تسمع كلامه لكن مافي شئ إمنكد عليها غير هالشك ...

البدايه حلوه تكون بغيره و حب لكن بحدود كل شئ إن زاد عن حده إنقلب ضده

و أتمنى لج حياه سعيده واللهيوفقج يا رب

الغيرة حلوة لكن بحدود لاتزيد عنها

الله يهدي ريلج

و اكيد هو مع الزواج بيتغير

الصراحة انا ما عندي اي فكرة عن الغيرة

يمكن لاني ما جربت هل شي

بس انت دوم ادعي ربج انه يتغير

والله كريم

السلام عليكم ورحمة الله وبركاته

أختي العزيزة

الغيرة الزيادة مؤذية جدا...و لمّا تقلب بشك تكون الحياة مستحيلة...

إنت لازم تفكري مرة و إثنين و ثلاثة...و خلّي في حوار بينك و بين خطيبك...يعني زي ما إشتكيتي لنا إشتكي له و قولي له نفس الكلام...

و ما تنسي صلاة الإستخارة...

الله يوفقك يا رب

مرحبا أختي

نصيحتي لج أنه ما تيقدمين بأي خطوة بعلاقتكم لحد ما تعرفين نوع غيرته...

فإذا كان غيور دائما وبشدة فأظن أن العلاقة راح تكون صعبة شوي لأنه راح يغير من كل شي من أي وحدة تكلمج أو أي موقف يصير..إذا كان شكاك بعد يعني المصيبة أعظم يعني الله يعينج..

أنصحج انج تصلين صلاة استخارة وتفكرين بالموضوع من كل نواحيه عقب ما تعرفين نوع غيرته مثل ما قلتلج وبعدين تشوفين حسب رايج اذا ممكن انج تتكيفين مع الوضع أو لا...

واتمنى لج كل التوفيق يارب..

تحياتي
فجر المحبة

الي يشك معناته مب واثق في نفسه.. و اساس الحب الثقة.. هل انتي تستثيرين غيرته.. لازم تخففين من الاشيا الي يغار منها.. و الشك ماله اساس.. اذا الثقة مب موجودة معناته الحب و العلاقة ما بتستمر!!

غيووور

بس شكاك الله يهديه لانها صفه مب حلوووة ابد وتسبب البلاوي

الله يهديه ان شاء الله

فديتكــــــــــــــــن والله اني محتاره ويالسه احاول معاه والله اني كنت نااااار بس يوم شفت اسلوبه وغيرته وعصبيته عمري ما ظهرت له عصبيتي اخفيها ودوووم اهديـــــــــــــــــه لأني حبيته
بس كيف اقدر اتعامل معاه يوم يكووووووووووووووون عصبي

اختي الغيره موب شي كبير...عشان تفكرين في الانفصال...
لا تظيعين اللي بيدينج... دام ان يحبج... صدقيني هالغيره بتزول...
و مابتكون لها وجود... لانكم في البداية.... واكيد بيغار و بيشك....
عطيه وقت و صدقيني بتزول...
و الله يوفقج اختي...

أسمحي لي

راجعي روحج أكثر من مرة