هل عندكم هذي العادة أم لا؟؟؟

أنا بعد الملجة عادي يزورنا في البيت ونجلس بروحنا بس إذا نطلع في الغالب لازم يكون حد ويانا.. ما عندنا إجباري الوحدة ما تشوف خطيبها قبل العرس، كل وحدة بكيفها..أختي ما شافته أسبوع بس قبل العرس...
أما أنا قلت له ما نتشاوف شهر قبل العرس...وكانت حركة حلوة بصراحة، كان مشتاق أنه يشوفني:) أيام حلوة.......

ومثل ما قالوا بنات الإمارات، عندنا ناس ما يشوفون بعض ولا يكلمون بعض إلا يوم العرس، بس ما أأيد ها الشي..ما يعرفون شي عن بعض أبدا، وبعدين تكون الصدمه....

أما اللي عادي ينامون مع بعض!!! شو بقى؟ راحت حلاوة العرس...واللي أعرفه (والله أعلم) أنه بعد ما يجوز، مو كفاية العقد، لازم الإشهار...

هلا أختي
أي أحنا عندنا هذي العادة بعد في البحرين بس المعتاد يكون بين أسبوعين إلى شهر

الحلوةو : انا امي ما خلتني اشوف زوجي اسبوعين بس اكلمه بالتلفون .... ويوم الحنه عقب مادخل قال بياخذني نطلع ابوي طرده

:dd: مت من الضحك على سالفتج .. صج مستعيل ريلج يحليله ..مافيه صبر لي ثاني يوم يبي يطلعج يوم الحنه :bigsmile:


انا عادي قلتله شوف هذي اخر مكالمة بيني وبينك :shy: وكانت قبل العرس باسبوعين

قالي ليش :eek2:

قلتله عشان تشتاق لي اكثر :o قال شالخرابيط بعد :mad2:

بس هو ياني قبل العرس بثلاث أيام .. اتصلي وقالي تعالي عند الباب شوي ، قلتله لا ماقدر اطلع قالي شنو اروح يعني !!!

الصراحه كسر خاطري :sad: قلتله انزين بطلع لك ، ورحت له وانا فاله شعري وكنت قاصته ، فتحت الباب وعطاني وردة الاخ :flower: عذر عشان يشوفني ...

شوي والا يقولي :qaq: قصيتي شعرج انتي ....

عاد انا قلتله ايه وانا شاقه الحلج :bigsmile: جان اقوله يلا باي واصك الباب وهو يتبسم وعليه يبيني اقوله تفضل اقلط :dd:

والله ايام حلووووووووة :shy:

بس صراحه البنات اللي قالوا انهم عادي تنام مع خطيبها صراحه شخليت حق يوم العرس يعني مافي شي جديد ولا فيه ذيك الرهبه والخوف الحلوووو ...

الصراحه ماتخيل اروح بيت اهل خطيبي وهم يدرون انا ليش جايه (n) فضيييييحه والله ...

انا يوم ملجت عادي كان يجيني بيت هلي ويكون ابوي قاعد يسولف معاه وعقب يطلع ويخلينا بروحنا ... بس ولامرة طلعت معاه ( مع انه امي تقوله ماتبون تروحون تتعشون برع ) وهو ولد خالتي ، بس هو كااااان يستحي وماكان يزورني وايد ، وعقب ماتزوجته قلتله ليش ماكنا تجي بيتنا وايد ولاطلعتني مرة ، قالي انا ماكنت ابي اتعود عليج ايام الخطوبه ، كنت ابي كل شي بعدين ..

والحمدالله هذا احنا طلعات وروحات وجيات .. الله لايغير علينا :shy:

والله الموضوع حلو

نحن في العايلة اخواني عرسو وما شافو حريمهم شهر قبل العرس علشان
يشتاقولهم بس يكلمونهم عادي بس قبل العرس باسبوع ممنوع المكالمات

اما عن نفسي انا مالجة بس مب وايد اقعد مع ريلي يعني مرة في الاسبوع اشوفه (( يحليلي))
بس يوم العرس انا عطيته خبر من الحين اني ما بشوفه قبل العرس شهر كامل وبتقل مكالماتنا
علشان يشتاقلي بس هو عصب شو ها انا يالله اشوفج مرة في الاسبوع وبعد ما اشوفج شهر
اقوله ما علي تحمل بعدين على طول بتجابل ويهي هههههههههه
المهم نحن عاداتنا جذي لان العروس ما تقدر تطلع وتجهز من كل النواحي يعني ما عندها وقت حق الريل وقبل العرس باسبوع تقطع عنه لانه اسبوع متعب حقها اساسا ..

ياحايلك والله بعد ماجاء دووووووري

يووووووووووووووه والله بستحي


لاااااااااااااا مستحيل اقابله واشوفه بعد


اعمامي واخالي يالله بالقوة اروح

عاد كيف واحد يخطب

بس ماكنه وناسه ههههههههههههه

بالتوفيق ان شاءالله

هو عندنا يختلف على حسب العاادات والتــقاليد المتبعة في كل منطقة


نحن قبل العرس بشهر ما يشوفها

علشان تفأجئه يوم العرس


وبخصوص الاتصـــالات تكون متواصلـــة عادي

اَخر العنقود:
السلام عليكم ورحمة الله وبركاته

بس حبيت أصحح معلومه مهمه قد تخلق فكرة سيئة إجتماعيا عن العادات و التقاليد في البحرين...
ألا و هي :
بيات الخطيبة"المملوك عليها" في بيت خطيبها مو عاده متبعه بل مرفوضة في مجتمعنا... بصراحه مو لازم تعممون إن البحرينيات جذي و مين قال وايد جذي ؟؟ هذي فئه قليله جدا جدا .... و بصراحه هذا فيه إقلال لشأن الفتاة البحرينية و رجاءً رجاءً أي وحده تتكلم عن نفسها أو خواتها أو أي حد من معارفها ما تعمم على غيرها ... مجتمع البحرين مجتمع عربي مسلم محافظ ... أنا ما قلت البيات مع الخطيب المملوك عليه حرام و لكن أنا ضد هلشيء لأن هذا راح يعطي إنطباع للاَخرين أن البنت البحرينية سهله و ما عندها كرامه و مستعيله على رزقها..... و هذي التصرفات شخصية بحته يعني كل وحده و كيفها شبتسوي بس أكرر و أقول لا تعممون على خلق الله... أتمنى ما زعلتوا مني بس حرام تضلمون بنات ديرتكم من خلال تجاربكم الشخصية و دمتم سالمات و الله يهنيكم

صح كلامج اختي
وانه اوافقج الراي
انه هلي كلهم بعد الملجه محد نام
بس طلعات على خفيف يعني مجمع عشا بس نوم لا لا لا لا لا لا لا لا لا

اما بالنسبة لي انه ان شاء الله ناويه اخليه اسبوعين مايجوفني قبلها
و3 ايام ماكلمه بالتلفون

انا من السودان واحنا كمان عندنا العاده دي ...انا زواجي بعد 20 يوم واليوم كان خطيبي معاي لاني لسه بالعمل وما اخذت اجازة...لكن في العادة العريس ما يشوف العروس مده اسبوع او اسبوعين وعموما حتي لو شافها يمكن يكون معاهم اهلهم او كذا يعني مش زي الاول...بس ولله انا احبة ولما ما اشوفه اتجنن...هو كمان ولله لو مر يوم وما شافني يقرررررررررررررررب يتجن علي...عموما الحركة دي حلوة شديد وتخلي العريس يشتاق لعروسة بالجد....مشكورة حبيبتى

تسلمين اختي ايمان العروس
ماتوقعت انه في السودان عندكم هلحركه
بس الحمد الله انه هلمنتدى عرفنه بعادات و تصرفات الدول العربيه

بالنسبه حقنا
عادي اشوف خطيبي في فتره الخطووبه بس في بيتنا و مجلس الريااييل

و اييه في الشهر مرتيين او 3 مراات
و ييلس ساعتيين او 3 ساعاات بالكثير

هذا الي عدنا
و ما ا تطلع معااه الا للضرووره شرااء مثلن غرفت نووم و يختاروون الاثاث بس حد كبير يكوون ويااهم


و على العرس
قبل العررس بشهر او 3 اسابييع ما تشووفه عشاان يشتااق لها


و يقلوون الاتصالاات

و سلمتم

أنا عن نفسي قبل زواجي ، أختفيت عن أنظار زوجي لمدة 10 أيام متتالية و ما شافني إلا يوم الزفاف لكنه أستوى على نار هادئة ، فهذي عادة الناس أخترعوها عشان يزيد شوق المعرس للعروس فقط لا غير

اَخر العنقود:
السلام عليكم ورحمة الله وبركاته

بس حبيت أصحح معلومه مهمه قد تخلق فكرة سيئة إجتماعيا عن العادات و التقاليد في البحرين...
ألا و هي :
بيات الخطيبة"المملوك عليها" في بيت خطيبها مو عاده متبعه بل مرفوضة في مجتمعنا... بصراحه مو لازم تعممون إن البحرينيات جذي و مين قال وايد جذي ؟؟ هذي فئه قليله جدا جدا .... و بصراحه هذا فيه إقلال لشأن الفتاة البحرينية و رجاءً رجاءً أي وحده تتكلم عن نفسها أو خواتها أو أي حد من معارفها ما تعمم على غيرها ... مجتمع البحرين مجتمع عربي مسلم محافظ ... أنا ما قلت البيات مع الخطيب المملوك عليه حرام و لكن أنا ضد هلشيء لأن هذا راح يعطي إنطباع للاَخرين أن البنت البحرينية سهله و ما عندها كرامه و مستعيله على رزقها..... و هذي التصرفات شخصية بحته يعني كل وحده و كيفها شبتسوي بس أكرر و أقول لا تعممون على خلق الله... أتمنى ما زعلتوا مني بس حرام تضلمون بنات ديرتكم من خلال تجاربكم الشخصية و دمتم سالمات و الله يهنيكم

كلامك أختي ( آخر العنقود ) صحيح 100%


و أنا أول مرة اسمع عن سالفة المبيت عندنا بالحرين


بصراحة في عائلتنا كلها و كل الناس اللي نعرفهم و حوالينا ما قط صارت :angry:


فأتمنى من البنات اللي يتكلمون عن تصرفاتهم ما يعممون


لان هاذي الشي مو من عاداتنا و تقاليدنا :angry:


و اشكرك أختي على الموضوع الحلو :clap:

السلام عليكم

بالنسبه لنا وقت الخطوبه عادي كان يجيني كل اسبوع فبيتنا ويقعد معاي عشان نتعود على بعض وطبعا مانتم بروحنا تكون امي او ابوي معاي او بروحنا والباب مفتوح لول وقبل العرس بشهر المفرووض مايجيني عشان يشتاق لي بس هو كان عنيد وكان يجيني ويفاجئني بالبيت ههههه لوول

أما نحن لا يشوفها أول ما يخطبها ولا هم يحزنوووون يشوفها بس في ليلة العرس والملجه اتكوون في اسبوع العرس او قبل العرس بيوووووم انا خواتيه وبنات خالاتيه والعايله الكريمه كلهم اتزوجوا بهالطريقة و عندنا في العايله معارضين مبدأ الخطيب يزور أو يشوف خطيبته عييييييب حتى هالشي احسه مغروووس فينا غرس @_@ <<<< حكم القوي على الضعيف
وفي فترة شهر العسل يتعرفوون على بعض ^_^
وكل عايله وكل شعب له عاداته وتقاليده

لاااااااااااااااااااااحول ولا قوة الا بالله
غريييييييييييييييييب؟؟؟؟؟؟؟؟؟؟؟؟؟

احنا بصراحه عندنا هالعاده ... بس مب الكل ايطبقها ..
بالنسبه لي انا عرسي الاسبوع الياي و عادي لين اليوم اشوفه لانه و لد جيرانا و حجرتي مجابله حجرته ...
فما في مفففففررررررر..

ضياء القمر:

كلامك أختي ( آخر العنقود ) صحيح 100%


و أنا أول مرة اسمع عن سالفة المبيت عندنا بالحرين


بصراحة في عائلتنا كلها و كل الناس اللي نعرفهم و حوالينا ما قط صارت :angry:


فأتمنى من البنات اللي يتكلمون عن تصرفاتهم ما يعممون


لان هاذي الشي مو من عاداتنا و تقاليدنا :angry:


و اشكرك أختي على الموضوع الحلو :clap:

اي والله خواااااتي انا بعد لي أقارب من البحريييييييييين اووكي ولد عمي مااخذ بحرينيه



اول ما قريييييييت على طووول رحت اسالها اقوها كذا عندكم ؟


قالت لا !!! قالت نااااااااااااااااااااااااادر مررررررررررررررره يعني ناادر ما تلاقيين كذا



والله انا استغربت بعد .....

امممممممممم ام عن احناا

يكلمهاا بالجوال عادي .. وانا مايشوووفها شهر او اسبوعين قبل العرس



بس لمه قرب العرس باسبوع مايكلمهاا الجوال

نحنا شهر كامل مايشوفها واجباري لوووووووووول تعذيب

سيتم غلق الموضوع لوصوله لـ 100 رد