شلونكم بنات
كلكم اكيد تعرفون فائدة الماء للبشرة ،، خصوصاً الماء البارد و فائدته في اغلاق مسام الوجه و توريد البشره
من سنين ،، وعلى ايام السنتر " اكيد يذكرونه بنات قطر "
كنت آخذ بخاخ ماء مضغوط ينحط في الثلاثه
كان ينعش وينشط و يورد البشره
المهم من بعدها وانا ادوره وما حصلته
بس من فتره لقيت منتج مثيل له و هو من ايفيان
حسيته احسن وافضل عن السابق : لأنه مو بس له النتائج اللي قلت لكم عنها
زياده انه تابع لشركة ايفيان اللي تنتج افضل المياه المعدنيه في العالم
خصوصاً اني مدمنة شرب مياه ايفيان لوووووول حتى اخر بحث حر لي كتبته عن ايفيان ومنتجاتها والـ spa اللي تابع لها
خلوني من الهذره الحين ،، ونتكلم بالمفيد
المنتج هذا يريح البشره بعد من الحمي ومن الجو الجاف
ينعش وينشط البشره طول اليوم ،، تقدرين تستخدمينه بأي وقت
ويخلي مظهرج فرش على طول
يزيل التعرق ،، الملح المضر بالبشره و الكلور
اسمحوا لي على الأطاله
بس بغيت اقول لكم اني الى الآن ما جربت منتج ايفيان بس وايد متشجعه له خصوصاً اني مجربه اللي مشابه له وطبعاً ايفيان كلها مياه طبيعيه معدنيه
بالنهايه هو منتج مكون من ماء طبيعي وما منه خوف ان شاء الله
اسمه Mineral Water Spray من evian
ام خالد
