يوميات بنوتة مفروسة

mai salah 20-06-2005 143 رد 12,949 مشاهدة
m
كنت شايلة صينية الشاي ورايحة لأمي وأبويا ...سمعتهم بيتكلموا عن شخص حابيين يزحلقوه، بفضول مني حبيت اعرف مين الشخص ده؟! وقلت أكمل السمع ركنت الصينية على جنب ...ياااااااه ده واضح انه شخص خانقهم أوي ..إيه ده دول بيتآمروا عليه كمان ؟ والظاهر إنهم بيحددودا له معاد يخلصوا فيه منه)


ما الواد أخلاق برضه

- لا يا محمد الواد كويس آه، لكن مستواه مش أد كده؟

- مستواه إيه !! ما هو كل الشباب كده؟ العيال هتجيب منين يعني؟

- مقلناش حاجة بس الكفاءة يا محمد!!! يعني يبقى لا شهادة ولا مال؟!!

- م الواد أخلاق برضه ...وكفاية أنه متدين.

- أيوه ... وهي بنتنا اللي كخة يعني؟!

هنا حسيت بجردل مية ساقع بيرن على أم رأسي... كل الكلام ده عليا أنا!!! هوه أنا مضايقهم للدرجة دي... طبعا بكده إتلغى عنصر الفضول ودخل عليا عنصر حب الاستطلاع مشمر عن ساعديه ودخلت الصينية المطبخ وأخدت موقع استراتيجي وركنت فيه وآآآدي قاعدة!!)

العواطلية كتروا!

- بنتنا مفهاش حاجة ، وزي الفل بس إتأخر عدلها .

- هنعمل إيه بأه ما هو أنت عارف .. البلد حالها واقف ومفيش شغل والعواطلية كتروا.

(ما شاء الله دي هتدخلني في السياسة كمان!!! وأنا مالي أنا ومال العواطلية!!)

- أنا بقول نخليها تشوف الواد ده وخلاص يمكن يحصل النصيب .. ولو إن الواد تنح.

- والله ما أعرف يا محمد البت أخواتها كلهم اتجوزوا ما فضلش غيرها..ونفسي أطمن عليها.

- هنعمل إيه يعني ؟ ما أنتي شايفة اللي بيتقدم شكله ايه؟

( حسيت بحركة أبويا قايم من على كرسيه..جريت من موقعي ودخلت المطبخ أعمل الشاي من جديد)

(يالهوي ..للدرجة دي أنا تعباهم؟ ولو وافقت على أي حد بيجي هيسترحوا يعني!! خلص الشاي ورجعت بالصينية لأمي والدمعة هاتفر من عيني ...ما هو نفسي صعبت عليا برضه ...وقررت أنكشها عشان تفتح الموضوع).

- عملتلك شاي مزبوط إنما إيه كده..اشربي يا حاجة وروقي أعصابك.. أمال بابا فين (بستعبط طبعا).

- بيتوضى.

- ومالك مكشرة كده ليه؟!

- ولا حاجة

(مدت إيدها على كباية الشاي وحسيت بسؤال هيتزحلق من لسانها...فقلت أسيبها.. هي مستوية جاهزة ...و هاتتكلم لوحدها)

- بقولك إيه يا صابرين هو مفيش شباب عندكم في الشغل؟!

- إيه السؤال العجب ده يا آمه ...طبعا في ...ناوية تتبني حد ولا إيه؟

- يعني محدش منهم يتقدم لك؟

( تنحت بشكل مقرف ..وضربت بخيالي في محيط عملي ..لقيت الشباب زمايلي مابين صنفين يا إما شباب هايف يا إما شباب بيئة..يعني م الآخر كده مفيش منهم رجا)

- ولو حد أتقدم يعني...هتوافقي؟؟ (حسيت بوشها بيتهلل استبشارا وابتسمت لغاية ما بانت النغزة على خدها اليمين)

- يعني في حد أتقدم بالفعل؟؟

- يا ستي بيجي ...هو أنا عشان ما بحكيش يبقى حالي واقف ولا إيه!!

- مين بأه؟

- ما بلاش..مش عاوزة أغم نفسك.

- لا لا لا قولي بالله عليكى

- واد كده زميلي ..بس حالته المادية طيييين مرتبة يا دوب ع الأد، وماعندهوش لا شقة ولا دياولو وبيعيل أخواته الأربعة زائد أمه طبعا.


فكيها يا أم العيال

( فجأة تحولت الابتسامة لتجهيمة غريبة وبصيت في عينها لقيت دمعتها محبوسة ..بصراحة أنا مش عارفة الدمعة دي كانت ليه صعبت عليها ولا الموقف نفسه صعب!!! مش عارفة)

- فكيها يا أم العيال ...مش قلت لك بلاش أغم نفسك...ما تلحييش عليا ف السؤال بعد كده

- ده إيه القرف ده؟ هي الناس أتعمت ولا إيه؟ ما هو بناتنا زي الورد وما بيجيش اللي بيقدرهم ليه؟؟ عندك فايزة بنت خالك أحمد دكتورة و معاها عربية ومستواها حلو..مش ليها زمايل دكاترة برضه؟؟ ولا اتعموا دول كمان!!! وعندك بنت الحاجة نادية جارتنا بنتها وصلت 28 ولسه ما أتجوزش والبت بتروح النادي ولها صحاب كتير، ومحدش بيجيلها برضه !!!! وعندك...

لايجوز الحلف بغيرر الله (حسيت بأني رميت لها حبل الإنقاذ ..أخدت نفس عميق رد لها الروح) وقالت :

- في واد بيصلي مع أبوكي في الجامع ، عنده 28 سنة ومهندس وساكن في آخر الشارع.

قاطعتها: خلاص هاتوه لما نشوف أخرتها

- إيه رأيك في الخميس اللي جاي بعد العشا؟

ردت بقرف : خلاص يا ستي هاتيه.

طفحت كباية الشاي بصعوبة وقمت على أوضتي ...لما نشوف أخرتها إيه يا مهون هون.


(نلتقي في الجزء الثاني)

م ن ق و ل
m
يالة يا بنات شدوا حيلكم فى التعليقات لو حسيت الموضوع عجبكم والتعليقات عليها االقيمة والعين والطلب


اوعدكم بالجزء التانى
أ
[grade="FF1493 800080 FF1493 800080"]هههههههههههههههه
الصراحة عليك اسلوب في السرد للمواضيع رائع
شكرا عزيزتي مي
في انتظار الجزء الثاني بفارغ الصبر[/grade]
m
مشكورة حبيبتى ام العوامر

اول من تعبرينى دايما

والله فتحتى نفسى اكمل اليوميات

بس بردة حستنى شوية اما شوف فين باقى البنات ؟ :think:
ا
السلام عليكم ورحمة الله وبركاته

كملى يا أختى ,, حنشوف أخرتها جواز ولا ............. يلا كملى بقى شوقتينا ........


عسى ما ثقلت العيار حبتيييييييين ....
m
حبيبتى ام العيال 5 لا تقلتى ولا حاجة ولو تقلتى انتى تتقلى براحتك
بس الاول ازى العيال الخمسة مش كلهم بخير والحمد لله طمنينا هههههههههههههههههههههه
من عيونى احطلك الجزء التانى بس اما نشوف البنات شكل اليوميات مش عجباهم
R
احلى شي ولا دياولو

معاك على طول الخط ياحلوة باين

كملي كملي
m
مشكورة حبيبتى roooomy_m على المرور
اوعدك احط الجزء التانى
أ
هههههههههههههههههههههاي

حلووووه منك يامي

بس تصدقين في البدايه أحسب انتي البنوته المفروسه هههههههههههههههه

بس حلوه يوم تستعبط (إيه السؤال العجب ده يا آمه ...طبعا في ...ناوية تتبني حد ولا إيه؟ )

وننتظر الجزء الثاني
m
مشكورة غاليتى الماسة على التفاعل والمشاركة
بس اطمنى مش انا المفروسة انا خلاص وقعت راسى فى الفاس وتم المراد من رب العباد
اوعدك حبيبتى بالجزء التانى
ف
[grade="00008B FF6347 008000 4B0082"]يلا كملي إحنا معاك ..

منتظرييييييييييين ياعسل[/grade]
m
من عيونى فتاة الجبال انتى بس تأمرى حبيبتى
و
بحمااااااااااااااااااااااااااس قد النيل أبغي اقرا النهاية
ش

ايوه يامـــــــي وبعدين شوقتيني عايزين

نعمل زفه للعروس في المنتدى

انا بموت في مصر ولهجة مصر واهل مصر

نعنشتيني بالحكايه واسلوبها روعة

انا مستنيه ع نااااااااار بسرعه لحسن استوي
m
حبيبتى مرايم وحياتك عندى بحماس قد المملكة كلها حكملك النهاية
m
حبيبتى وغاليتى شرفة متخافيش ان شاء الله حنلحق قبل ما تستوى متخافيش
ومصر كمان حبيبتى بتموت فيكى
m
اااااااااااااااااااااااااة ياااااااااااااااااااااااانى حلفتينى بالغالى يا هند مقدرش اكسر غلاوتة بقى حاضر من عيونى الاتنين حكملها حاضر
ر
يالله مي شو القصه كملي عم بنستنى كلنااااااا.....شو صار بعدين احكي...
N
شكرا mai يالله كملي اريد افرح بنهاية صابرين يا ربي وفقها وارزقها بعريس طيب وفيه كل المواصافات الحلوه
m
احكى يا شهرزاد
احكى لشهريار
اشغيليلوة ليلوة لطلوع النهار
من عيونى widdo انت تأمرينى حبيبتى حكملكم القصة حاضر
X