ساعدوني على عريسي

اختي الغاليه .... ريم

بالبداية الف مبروك عليج الزواج والله يهنيج ويرزقج بالذرية الصالحة

ثانيا اشكرج على التهنئة بنجاح منتدانا الغالي عرووس

واختي ... وحبيبتي في الله

الخروج من المنزل انا معاك فيه متعة خصوصا لنا نحن البنات

نحب الخروج والذهاب الى السوق ... المجمعات ... السينما ... التنزه

ولكن ليس كل مايتمناه المرء يدركه ...

الله كتب لج زوج مايحب الخروج من المنزل ...

فالخروج ليس كل شئ

وجزاه الله الف خير انه جعل لكي يوم الجمعة يوم للخروج

تقدرين انج تخلين البيت جنه

ومتعة

وووناسه

بايدج انتي

اذا كنتي من محبين السينما

اشتري اخر الافلام

وشاهديها مع زوجج

وسوي سينما صغيره بالبيت

بوب كورن واخفضي من الاضاءه وخلي صوت التلفزيون عالي

هذا صار سينما بس بالبيت تقعدين على راحتج تكونين بجانب زوجج

باحلى الملابس وقمصان النوم والمكياج ... وبكامل حريتج وبتصرفاتج مع زوجج التي

لاتستطيعين القيام فيها خارج المنزل ... بالسينما

اعملي رحلة داخلية ...

من افكار البنات في منتدانا الغالي عروووس

قسم الافكار والخبرات راح تفيدج كثيرا

منها رحلة الى البحر

ورحلة الى الادغال

من لبس ... وديكورات ... واشياء والله ماتستطيعين عملها خارجا كاللبس الخاص بالسباحة ...

وانتي وشطارتج وورمانسيتج ..

وصدقيني راح تستانسين وتشغلين وقتج بالسوالف هذي

وزوجج راح يموووت فيج وبس ينطر رجعته من البيت

بس يبي يشووف حبيبة قلبه شنو مفاجأته ...


والله يهنيج ويوفقج


دمتم سالمين
اختكم شريفة

بسم الله الرحمن الرحيم


ينقل لقضايا وحلول

السلام عليكم ورحمة الله وبركاته

اختي الغاليه شريفه ..

الله يبارك في حياتج يا رب ..

آنا من قلب اشكرج على النصايح الحلوه وصج ما كنت مفكره بهالشي ان راح تكون حريتي في البيت اكبر من الطلعه ..

والصراحه احتاج لخبراتكم في هذا المجال ،، صدقوووووني ماعرف شي في الزواج ولا شلون اتعامل وشلون اعيش واتهيأ نفسيا وجسديا ..

ياليت تكونوا معاي واكون لكم شااااكره طول عمري وما انسى لكم هالجميل ..


الف شكر لج اختي ( تنثر الكون عطرا ) لنقل الموضوع في مكانه الصحيح ..

عروستكم

ريم

غاليتي الحبيبه
اولا الف مبروووك الغاليه

وانا اؤيد كلام الاخت
صدقيني الحياه تعامل
واحلى علاقه علاقة الزوجين
تصدقين ... انا توني بملج
بس من عروس تعلمت واايد اشياء وقلت ابي اسويها ان شاءالله عقب
غاليتي ابحري في منتدى عروس قسم الافكار والخبرات وقسم منتتدى الاسره والمجتمع وصدقيني بتتعلمين وااايد
وان احتجتي اي شيء ترى نحن خواتج في عرووس بنسااعدج

ومثل ما قلت لج انتي بس اطلقي العنان لأبداعاتك ولمساتك ... وخذي الخبره من عروس وصدقيني حياتكم بتنقلب ولا اروع
ان شاءالله
مع خالص محبتي لج
غاليه

عزيزتي انا ماعندي خبره لاني لسا ماتزوجت بس كلام الحلوه شريفه جدا حلو

وانا باخذه احتياط


بس حبيت ابارك لك والله يوفقكم مع بعض

السلام عليكم ورحمة الله وبركاته


اختي العزيزة بالبدايه ابارك لج بالزواج و الله يهنيج ويسخر لج زوجج


الحياة الزوجيه تعامل اذا هو يشد انتي ترخين واذا انتي تشدين هو يرخي ... و مو كل شي تبينه بيصير لانج صرتي زوجة مسئوله عن زوج و بيت .. انا معاج ان التكيف صعب شوي خصوصا بعد الدلع والدلال اللي في بيت اهلنا



لا تنسين يا قلبي ان تفكير الرجل مو نفس تفكير المره .. الرجل عند دوام و ربع و واجبات اجتماعيه و الافكار الرومانسيه مو من اولويات كل الرجال

في غيرج من الحريم ما يعرفون شي اسمه طلعه مع الزوج و الزوج شايل ايده من البيت و المسئوليه .. زين ان زوجج يطلعج مره بالاسبوع ...

و في حريم يملووون من شوفة رياجيلهم 24 ساعه مقابلينهم و يجبرها عالطلعه وياه ...

صدقيني الطلعه مره بالاسبوع بيصير لها طعم ثاني و بتشتاقين انتي وياه للطلعه اكثر .


اذا زوجج يحبج وتحبينه لا تدورين عليه الممسك و الزله ... ترى بتتعبين ..



نصيحه من اخت لا تقارنين بين حياتج في بيت اهلج وحياتج الجديده لان مافي وحده تطلع من بيت ابوها و تلقى نفس العيشه مع الرجال

لا تضغطين عالرجال ولا تبينين له انج زهقانه ومليتي و لا تقولين انا متعوده قبل اسوي كذا وكذا



وكلام الاخت شريفه عين العقل



اختج جويل

اختي المرأة الصالحه تتبع زوجها , مو تبغى زوجه يتبعها , وتعينه على نوائب الدهر , مو تنكد عليه .

السلام عليكم ورحمة الله وبركاته

شفتي البنات ما شاء الله ما قصّروا معاكي

أختي توّك في البداية...و أكيد رح تنصدمي في اشياء كثير

خلّيكي عاقلة و حكيمة و صرفي أمورك بتدبير...وحتى لو زعلتي ما تقولي لأهلك...

خلّيكي ليّنة مع زوجك...و دايما في لغة حوار...علشان ما تعملي شيء غصب عنّك

إقراي المشاكل هنا...و لفي في ركن الشؤون الأسرية و الإجتماعية و ركن أكار و خبرات...أكيد ستتعلّمي الكثير

تمنياتي لك بالتوفيق

[grade="00008B FF6347 008000 4B0082"] .. السلام عليكم ورحمة الله وبركاته ..


اختي عروسه ناعمه انتي توج متزوجه يعني اتصيدج في البداية


اشياء واايد مثلاً يقول لج انه ما يحب يطلع وانتيب تحبين تطلعين


واخواتي عطوج نصايح واايد استفيدي منها...



عروستكم:فتاة البحرين..[/grade]

مبروك أول شي

وثاني شي أتدلعي عليه

وصارحيه

والله يوفقج

الف الف شكر للجميع

والله يبارك لكل الي باركو لي

بصراحه حسيت بتشجيع قوي وايد منكم وان شاء الله بستفيد من خبراتكم ومن هذا الموقع الناجح والمميز


سلامي وتحياتي

ريم

السلام عليكم ورحمة الله وبركاته .....................................انا متزوجه من ثلاث سنوات نصيحتي ليكي بلاش تكوني نكديه انت لسه عروسه جديده وحاولي معه بس باسلوب كويس يعني لو قاللك علي حاجه لا بلاش تقلبي وشك :mad2: وحاولي تكوني مرحه :D2 يمكن الاسلوب ده يجيب نتيجه وخلي بالك اول سنه زواج هي اصعب سنه ...........المعذبه توتي فيروز :cry: وعلى فكره بنتي اسمها فيروز(x) عندها سنتين باي(r)

أولا مبروك الزواج، نصيحة من اخت بعد أسبوع بتكمل السنتين من الزواج...

أول سنة دائما تكون صعبة فأبحري فيها حتى تصلي لبر الأمان،، انت متعودة شي في بيت أهلك وبعدين الوحدة تتفاجأ بحياة ثانية ماكانت متوقعتها،

رخي الحبل وحاولي تتأقامين مع الوضع الجديد، وبعدين مثل ماقالوا الأخوات سوي لزوجك ليالي مميزة وغريبة وخذي حريتك بالبس قبل مايكون عندكم عيال وخدامة تقعد على جبدكم..

الصراحة آنه وايد أستفدت من هالمنتدى في السنة الأولى وقدرت أتغلب على المشاكل الى تحصل في البداية بسبب إختلاف الرأي والطباع..

الله يوفقك ويرزقك بالذرية الصالحة ولأي طلب آنه بالخدمة..

الف مبروك الغاليه الزواج وعقبال ماتكملين 20 و30و40و50و60 سنه معاه في حب و وفاق