(( بنات البحرين )) موضوع خاص حياكم ..

وينكم يا بنات ديرتي ليش مافي تجاوب معاي ..؟؟
بالعكس الموضوع راح يفيدنا ويفيد غيرنا .....

هلا نوف البحرين

موضوعك حلو والكل راح يستفيد منه وطلب من بنات البحرين يعطونا رايهم في احسن مشغل لخياطه فستان العروسه

بانتظار ردودكم وبنات البحرين مايقصرون :shy::shy:

حبيبتي عندج محلات كثيرة في البوكوارة
مثل احلى الوصايف وغيرهاااااااااااااااااااااا
وعندج فرشة العرايس في البديع وفي بعد
الاولى في المحرق ...

واذا تذكرت اسماء ثانية راح اقولج ....

تقريبا كم تبدا الاسعار

والف شكر

1500 ريال في الاولى
2000 ريال في الفرشة
احلى الوصايف يمكن 3000 بس شغل عدل وراقي

بنات ديرتي وينكم لا تفشلوني ...؟؟؟؟

تسلم ايديكي حبيبتي على الموضوع الحلو وانا اول المشاركات في الموضوع مع اني جديده في البحرين

هلا هلا اختــي

ما بنفشلللج افاا عليييج بس

انا الصراحه ما يعجبني شغل الاولــى مدري ما تعطيج موديلات وايد اوكي

اللي صج صج صج تبي تطلع أميره في عرسها تروح

الأنامــل الحريريـــة

مب بس رووعه قمة الروعه

اولا ا ن على الموعد ... و ثاني شي يعطوونج موديلات يعني غرييبه و ستااايل وايد .. و معاملتهم وايد زينه ..

و غير ذي يعني اذا في قطعة قماش زود ما قدرتي اتدورينها و ما لقيتي اللون اللي يحتاجونه هم حق الفستان ياخذ هو قماش و يصبغه بأأأي دررررجه


يعني انا مثلا كان عندي فستان جاهز ماخذته من العبدالواحد في مجمع الراشد في السعودية .. بس كان كت بدون يد .. و انا كنت ابي اسوي له يد ..

وديت الفستان و يعني ضمنت انهم ما راح يخربوونه .. لأني شااريه الفستان بمبلغ كبير ..

حتى اللون ما حصلت قطعة حق اليد بنفس اللون كان صعب

خذوا فستاني و قالوا لي لا اتحاتين .. اصبغوا قطعة بيضه و سووهااا اتيييننننن

و استوى الفستاان باليد موووت واايد احلى من بدون يد

طلع افخـــم

هو يعني غالي بس سعره يستاهل مقارنه بالشغل


هاي بالنسبة حق الفساتين

و مدري بعد انتوا اشرايكم

موضوعكم حلو وايد و انا وياكم علخط.... بس ترى الحين ما عندي اي سؤال لو خطر على بالي اي سؤال باسئلكم بس عاد مو تطنشوني نفس كل مره :D2:D2(f):up::up:

اختي اميرة العشاق انا مع ام ثنوي والله احسن مكان عندنا في البحرين الأنامل الحريريه شغلهم مميز و فضيع

:up: نوف البحرين موضوعج وايد حلو تسلمى حبيبتى

انا اقول احسن لج تفصلين عند الأنامــل الحريريـــة والسعفة بعد وايد حلو وراقي واتمنى من الباجي يفيدونج هذا الى اعرفه

بنات الى تعرف محلات تبيع شنط حق الممكيجات الى يخلون مكياجهم حق لين تروحين تمكيجين وحدة واكثر من وحدة انا احتاجها ضروري لاتبخلون على

السحاب الأبيض ممكن اتحطي صوره للشنطه حتى نقدر انساعدك

نوف البحرين
مشكووره على الموضوع الحلو,,,سهلتي علينا :smile:
واايد اسمع عن الشيل البحرينيه وشغلهم الحلو على الشيل فبغيت اعرف الاماكن
واذا ممكن حد يحط صور لديزاينات حلوه


شـــوقـ قـلـبـيـ

[size=2]مرحبــا اختي شووق دبي

حاولت اصور لج جم صورة لديزاينات الشيلات .. بس الصور ما اطلعوا حلوين

يعني مب نفس الطبيعة

بس بنزل 4 صور لج .. مع اني أأكد لج انهم على الطكبييييعه وااايد احـــلى


هاي النقشه .. مطرزه بألوان .. و حولينها قطع معدن .. مع سلسلة في الأخيــر .. "من المتحجبـة"


و هاذي في الطبيييعه واايد احلــى .. هني طالعه كريهه .. بس فكرتها ان الجزء اللي في الزاويه اليساار تحت مخمل .. و شوفي الحدود المنقوشه .. محدده بخيطين ابيض و كحلي .. و طبعا العباة نفس الشي من تحت .. و على الجنب يرتفع المخمل لين تحت الخصر بشوي ..
"من بو كنان"


و هاذي على طوول الشيله من الطرف .. ميزنه بفولك صغااار وردي بدرجاته مع ابيض .. و نفس الشي العباة ..
"من محل شيلاتي"



و هاذي بعد فيها شغل نص الشيله .. بس صوب اللفه مافيها شغل .. بين الخيوط البيضه فيه نوع الكرستالات بس ما يبينوون في الصووووره و نفس الشي العباة " من عند المتحجبة بعد"

و عندج المحلات الحلوه : عندج انا افضل المتحجبة و بو كنان .. عندج بعد محل شيلاتي في المحرق يعجبني .. و محل مذهلة بعد ف يالمحرق وايد حلو .. هاي المحلات اللي انا افضلها عموما

بس للأسف بعض الشيلات ما قدرت اصورهم لأن النقش يكون اسود و كلللششش ما يبين في الصور .. و حتى اللي حطيت صورهم طالعين مب حلوين و العتب على التصويــر :'(

بس قلت ما اردج في الي طلبتيه :)

اي و بعد شي .. مادري ليش الصور طالعين وايد كبار :S

[:up: راح اخليلج الصورة تسلمي

مشكوووره فديتج ماقصرتي
نحن عدنا المتحجبه في دبي بس اعتقد بضاعتهم غيير,,,
يبالي اسوي زياره للبحرين واشوف :smile:


تحياتي لج
شـــوقـ قـلـبـيـ

حاضريــن حبيبتي

حياج الله البحرين تشيلج في عيووون اهلهــا كلهـــم