بصيح يا بنات بصيح واسوني

عزيزتي :think: لاتصيحين ،،،،،،،،
المكياج سواء برتقالي او موف يعتمد على شطارة الخبيرة ، لازم تقعدين معاها قبل يوم العرس تتناقشين معاها وتشوف المسكة على ضؤها تشوف الي يناسبك ،،،
وانصحك تحطين مكياج العيون السموكي المدخن الي ماله لون محدد مثل اليسا وهيفا وهبي مع قلوس هادي فاتح هذي الوضه واحسن وارقى من الالوان خصوصاً للعروس،،،،، عندي صور كثير بس للاسف مااعرف ازل صور :cry::cry:
اتمنى اكون افدتك ،،،،،،،، والف مبروك ،،،،،،،،،،،،،،،،،،، :flower:

حبيبتي عطر الندى اول شي مبرووووووووك وعقبالي يارب:shy:
حبيبتي والله الموف حلو مع البرتقالي جربي وشوفي على ايدك او مع الكوفيره وبعدين حسب الكوفيرا اذا مبدعه راح تدمج الالوااان بشكل رائع وصدقيني صدقيني الومف مع درجه معينه من البرتقالي حلوووووووو وتحطي روج برتقالي خفيف واااو يطلع حلو انشاءالله وخلي المسكه موف مع برتقالي والله يسعدك وانشاءالله قمر ياعمري
طووولت سامحيني بس تحمست لك :up:

ضحكتيني أحين هاي مشكلة .. سوي مكس ألوان .. يعني موف مع برتقالي .. وايد فرق من أخضر مع برتقالي .. هم كلهم مكس ... بس انتي لازم تيلسين مع اللي بتعدلج و اشرحي لها الوضع ... أهم الشي الدمج و طريقته

و مبروك مقدما

متعيطيش عطر الندي انا استلفت صور من اخوتنا بالمنتدي للون الموف يمكن تعجبك














تم حذف الصور المخالفه



جويل

السلام عليكم ورحمة الله وبركاته


اختي العزيزة الف مبروك والله يتمم عليك

اسمحي لي اقولك ان الاخضر مع البرتقالي ماراح يطلع حلو ابداااا

الموف مع تدرجات البرتقالي الفاتح والذهبي راح يطلع جناااان و معروف ان الموف ينحط معاه درجات الاصفر و الوردي و البرتقالي و الموف ردت موضته بقوه هالسنه ..ما شفتي ازياء ايلي صعب كلها كانت موف

والروج مو شرط يكون لون موف صريح ..اخذي درجه حلوه بس ما انصحك بالبرتقالي .. العرايس حلات روجهم درجات الوردي ... اختي بالعرس سووا لها درجات الوردي والبنفسجي مع الاصفر الهاديء والكل استخف على مكياجها ... بالصالون راح يضبطونك عدل ولا تشيلين هم ... و الشدو تدرجات الوان مو لون واحد



جويل

السلام عليكم ورحمة الله وبركاته عزيزتي ..الموف مع البرتقالي روعه جنان يعني والاهم من ها انج ما تضايقين ولا تزعلين مدام العرس جرب لازم تكونين ريلاكس... وثانيا ها يعتمد على خبيرة التجميل كيف تلعب بالالوان...
لا تحاتين ولا تزعلين كل شي بيكون على ما يرام والف الف مبروك ..

اهلين حبيبتي لايضيق صدرك غيري فصوص الطقم عند الصايغ منها ترضين الوالدين الله يخليهم لك وتحطين الي في بالك لان الموف بصراحه يسمر وحلات العروس تكون بيضاء لان البرتقالي ينور الوجة ولاتتبعين الموضة اهم شي الي يناسبك ووبارك الله لكي وبارك عليك وجمع بينكم في خير

انا رايي من راي الاخت جويل البرتقالي مع الاخضر كلش مو حلو والحمدلله انه اهلج جابوا لج الطقم علشان تغيرين المكياج الى موف وبرتقالي

حطي ميك اب برونزي ناااعم ويعند على تدرجات لون واااحد فقط

<<<بس هذا يبيله وحده حريفة ميك اب عشان تبدع لج في رسمة عينج

انا من راي الاخت جويل وملاذ الحب والعروس حلو عليها درجات الوردي لان يعطي نضاره وبراءه ودخلي الوان ثانيه بالاتفاق مع الماكييره والراي اخر شي لك

اكيد الموووف مع الوري احلى وارقى حق مكياج العروس

البرتقالي حلوو بس مب على اي وحده يطلع حلوو ومب كل وحده تضبطه :)

منو قال الروج البرتقالي مب حلو .. بالعكس بعرسي اللي عدلتني حطت لي لون برتقالي وايد هادي و ناعم و روعة كان .. مع أني سمرا

مب شرط الوردي و درجاته .. حسب ألوان المكياج كامل مب العيون بس

و الله يوفقج

شكراً بنوتات على تفاعلكم ... بس بقول لكم شغله مهمه جداً

وهي إني في الملكه كان مكياجي لونه فوشي ، فكنت أبي أسوي شي مختلف :(

والكوافيره ما يحتاج شغلها عدل ومرة حلو ، هي نفسها اللي عدلتني يوم الملكه وطلع يجنن تغير شكلي صدق:)

المهم أنا بحاول أنزل لكم صورة لمكياج برتقالي وأخضر عشان اللي مو عاجبهم بس يقتنعوا إنه جنان:)

والموف لا بد منه خلاص ، أنا طلبت من الصايغ يعدل الفصوص بس قاللي ما عاد بقى إلا هاللون عندنا :(

المهم أنا قررت بما أني بسوي موف لازم أدخل عليه ألوان تعطيه حيوية أكثر فقررت أحط مثل ألوان الصورة المرفقه ( نفس الألوان بس أكيد الرسمه غير هي وشطارتها)

مع العلم إن اللون البرتقالي والموف كلها تناسبني الحمد لله ، بس الألوان الحاره تناسب ألوان بشرتنا العربية كثييييييييييييير

يعطيكم العافية حبيباتي ما قصرتوا ، بس وش رايكم في الألوان ؟؟؟

هاه والحين شنو رايج

اذا بالألوان في الصورة المرفقه أوكي :)

بالعكس واااااااااااااااااااااااايد حلو الموف على العروس يعطيها نعومة وبراءه
شوفي الصورة .. تقدرين تستبدلين اللون الفضي بالذهبي .. بيطلع روعة

او تقدرين تضيفين لمسات بسيطة من اللون البرتقالي اذا خاطرج فيه .. مثل الصورة اللي تحت

حبيبتي هاه شسويتي للحين ذكرتج بالسوق ...

اختي وكلي امرج لله