هل الاستغناء عن الخادمه..امر مستحييل؟؟؟

حبيبتي عروس قديمه.....

طبعا نقدر نستغني عنهم.....
لكن.....
وقتنا غير عن وقت أمهاتنا.....
الحين الريل يبي يدخل بيته ويلاقي
أكله جاهز.... وبيته نظيف ومبخر
ومرته متعطره ومتزينه....
وهذا حقه.....
وهذا ما أعتقد إنه ممكن يصير مع وجود
الياهال...... لأن هذا يصيح وهذا يبى.....
وغير الطبيخ ... وغير سهر الليل......
علشان كذا من الممكن إنج تيبين شغاله
لكن يكون لها شغل البيت وبس.....
مع المراقبه في كل تصرفاتها......
وإنشاء الله الله بيسهل....

حيا الله ا م شهد....

انا اشوف انه ممكن الاستغناء عن الخادمه اذا كان ممكن السيطره على البيت...
يعني يكون الاطفال في سن يساعد التحكم فيهم...بحيث يكونون متربيين على النظافه والنظام....


لكن انا قصدي..في حالة الاطفال الرضع..حديثي الولاده...
او الام الحامل..في اواخر الحمل...
هذي وين الله يقدرها تدخل المطبخ؟؟؟؟

عزيزتي عروس قديمة

ارى الاستغناء عن الخادمة افضل لك ولعائلتك..

بس اذا كنتي تشتغلين يختلف الامر..

اما اذا كنت ربه بيت ..فانا ارى ان مالها داعي..

والله يااخت عروس قديمه هذا الموضوع شاغل بالي جدا

لاني زي ما قلتي ماقدرت استغني عن الشغاله ولاارتحت معها

يعني لا عنهم غناه ولابهم هناه

وبلفعل جربت اختبر نفسي بدون شغاله والله حسيت قلبي بيوقف من التعب والارهاق وشغلي ما خلص وبيتي ما ترتب صحيح اولادي كبار وصغار بس الكبار مشغولين بالمدرسه والصغار يتفننوا في التخريب

المشكله لازم تشتغلي اربع وعشرين ساعه مابين تنضيف مطبخ وطبيخ وترتيب البيت والغسيل والمكوى ومع هذا لازم تكوني متفرغه لزوجك ولاولادك ومصاحبتهم خصوصا لوكانوا في سن المراهقه وهذا كله يبغى له هدوء وبال رايق وطبعاماحتلاقي الهدوء والروقان مع كثرة الشغل والارهاق

هذا غير التزاماتك الاخرى زي الام وام الزوج وخدمتهم والالتزامات الاجتماعيه الاخرى

بصراحه انا لااستطيع الاستغناء عن الشغاله نهائيا بالرغم كانها جالسه على قلبي

بس الصراحه اللي لسه عرايس او يادوب طفل او طفلين الافضل مايجيبوا شغاله لان بصراحه مافي شغل كثير وكمان والله شغل البيت متعه



وتقبلو تحياتي (l) (l) (l)

هلا بالحبايب

والله وجود الخادمه بالمنزل ,,,, امر مغضب جداً:mad: >>>>>>وحده معصبه:D

لا والله اتكلم جد ... ليه ادخل وحده ببيتي تشوفني انا وزوجي وش اكل وش اشرب وش البس !!!!! ياسلام والله وين الاستقلاليه اجل ؟؟؟؟

اسمعيني حبيبتي "عروس قديمه " "وريحانه " بعد والباقين لاغنى عنهم الخادمه ممكن تجي تساعدك من الصبح الى المغرب " تنظف لك البيت من والى " وبعدها الله يستر عليها تروح بيتها .... لكن اني اجبها تقعد بحلقي والله صعبه ,,,, جربو هالخادمات اللي بالساعات والله بترتاحون كثير


والله يكون بعونا ,,, صدق شغل البيت تعب بالذات اذا كانت الوحده تدرس يوووووه والله صدق تعب والا ياسلام وهي معها طفل واااااااااي روعه بصراحه ,,,, اخرتها بتجنن المسكينه >>>>> اللي هي انا :confused:


المهم اتمنى اني مااكون طولت عليكم بس بصراحه الخادمه صعب تكون موجوده بالبيت بصفه مستمره .... صعب والله ياجماعة الخير

مرحباااااا بالجميع ...

أنا مشتركه جديدة فى موقع عروس الجميل بمواضيعه الشيقة والمتنوعه

لذاأحببت أن أدلى بدلوي وأعطي رأئي من واقع تجربة...

فقد عشت بداية حياتى الزوجية ولدي 3 من الاطفال دون شغاله كانت حياتى مع أطفالى فى قمت السعاده وضعت جدولا عمليا لتنظيم عملى اليومى تجاه المنزل و الاطفال والزوج ولم أكن احس بكركبة العمل بل كل شىء ماشي سليم حتى اتتنى الوظيفة وكان لابد من وجود عامله منزلية
حيث بداء التفكير من سيكون عند أطفالى من سيراعيهم من سيقوم على خدمتهم وقت دوامى ووووغيره ثم قررت احضار الشغاله والتى كانت شر
على وليس خير ..أطفالى لايطيقونها لسوء معاملتها ..زوجي لايطيق الجلوس فى البيت لوجودها .. المنزل لم تعطيه حقه من العناية نظرا لان طاقتها تقف عند هذا الحد ..اي شىء تقوم بعمله لا ارتاح له لعدم احساسي بنظافته ..وكنت في صراع مع نفسي ..بوجودها تغير كل شىء من الاحسن الى الاسوء
فما كان منى الا ان قررت الاستغناء عنها والعودة الى ماكنت عليه سابقا
لكسب زوجي وبيتي واطفالي وكان الجميع من أهلى وأقاربي يظنون انني
لن أستطيع الاستغناء ولكن ولله الفضل والمنة أستطعت ان استغنى عنها
وألى الابد بأذن الله تعالى ولدي الان 5من الاطفال بدون شغاله والوضع ماشى تمام فمع العزيمة والاصرار والتحمل وقوة الارادة سوف تسير السفينة من غير مساعد

ارجو أن لاأكون أثقلت عليكم...

تحيــــــــــــــــــــــــــاتى للجميـــــــــــــــــــــــع (l)(u)

مشكورين على الردود المفيده....بدون مجامله...

ماشالله عليج يا غيم ورعد...علمينا كيف قدرتي توفقين بين بيتج ..وعيالج وزوجج؟؟؟؟

تصدقون..هذي سالفه صارت لوحده من معارفنا...

سوت لها حفلة الاربعين....
وتمت تتابع الحفله عن طريق كاميرا الفيديو...الصباح..قبل ما تروح دوامها..

.وبدل ما اتسكر الكامرا..خلتها اتصور..(بالغلط)...
ولما رجعت البيت اتفاجأت باللي شافتها عالكاميرا؟؟؟

شافت خدامتها شايله ولدها ابو اربعين يوم على ظهرها بالمقلوب؟؟؟؟؟وتشتغل ومشغله اغاني وتترقص؟؟؟
وسمعت صوت ابنها الثاني يبكي وينضرب؟؟؟

المسكينه تجننت وطاحت مريضه من الصدمه؟؟؟؟


كيف يكون التنسيق بين عمل البيت والشغل والعيال وابو العيال؟؟؟؟

غيم ورعد

تحياتي الصادقه لك,,, ونعم الاصل ,,, ونعم التربيه ,,,,,

ادام الله عليك ووفقك في حياتك وتربيتك وادام عليك الصحه والعافيه


تحياتي لك

يعطيكم العافيه

أراء جميله جديره بالاهتمام

ومعندي شي أضيفه

من الممكن استغنى عن الخدامه

لكن مش في كل الاحوال


وظروف الناس تختلف من شخص لشخص

عزيزتي ما دام انج ما تشتغلين ...تقدرين تستغنين عن الخادمه..

حاولي تنظمين و قتج و تخلصين شغل البيت في الفتره اللي يكون فيها زوجج في الدوام..

انا بصراحه عن نفسي..ما اتخيل عمري يوم باتزوج تكون موجوده بينا خادمه..

و اذا كنت وايد محتاجه لها و شغل البيت وايد علي..بايييب خدامه لساعت فقط..

يعني من الصبح لين العصر او المغرب مثلا و عقب تتوكل على بيتها..

و الله الخادمات شر ..و الله يستر منهم

السلام اخواتي
انا ائئيد رأي الاخوات في انه ممكن الاستغناء عن الخادمه
يعني الوحده اذا نضمت وقتها زين ما زين ما اتوقع انهي يوم من الايام تفكر اتجيب خادمه........
واللي توها في بداية حياتها الزوجيه مثلي ما اتوقع اتخلي احد يشاركها بالبيت.......
لا وفي بعض المنازل اللي تغيب عنه ربت البيت فتره طويله تلاقي الاطفال يتعلقون بالخادمه اكثر من تعلقهم بالوالدين
يعني لتفادي المشاكل ممكن الاستغناء عنها.....



تحياتي للجميع....:)

توكلي على الله اختي عروس قديمة وطلبي منه انه يعينج على هالمسؤوليات..

اخلصي نيتج انج ما تبين الخدامه عشان خايفه على زوجج من الفتنه.. وخايفه على عيالج لا يتعلمون شي غلط.. وخايفه على بيتج.. وتوكلي على الله.. وماحد يقدر يعينج غيره..

أما إذا حسيتي انج وايد تعبانه وشغل البيت خطر على صحتج مثلاً إذا حامل أو نفاس وماحد عندج يساعدج.. استخيري وقدمي على طلب خدامه.. وان تيسر الموضوع فيه خير لج وان ما تيسر يعني فيه شر ربي يصرفه عنج..

وأهم شي الدعاء.. اطلبي من الله خيرها وأن يكفيج شرها..
والله يوفقج للي فيه خير دنيا وآخره..

اشكركم على تجاوبكم معاي....

لكن تخيلوا اصدقاء زوجي وزملاءه في العمل شو يقولون له؟؟

هاا...اكيد جبت لك خدامه...

يقولهم لا..الحرمه ما تبي....

يستغربون؟؟؟معقوله؟؟لا هذا انجاز....

ليش؟؟؟ما اعتقد ان الخدامه صارت في زمانا مثل الماي والاكل؟؟؟


لدرجة اني اعرف وحده جابت لها الخدامه من ايام عقد القران؟؟؟؟

والله دنيا؟