تنصحونها بطلاق او تعطيه فرصه اخيره ساعدوها جزكم لله خير

مرحبا اختي ..
إن ابغض الحلال عند الله الطلاق
ترجع لزوجها وإن شاءالله يكون على قد كلمته
وتدعي ربها دوم الله يهديه
ولا تنسى بينهم بنوته وشو ذنبها تنحرم من ابوها
الله يهديه ويهدي كل عبد مسلم والله يفرج على صديقتج

السلام عليكم ورحمة الله وبركاته
اختي الغاليه انصحيها ترجع بيتها وتحاول انها تغير زوجها وتتحمله لان التغيير ما بيصير بين يوم وليله محتاج صبر والله يكون بعونها
ومادام قال لها ارجعي وبتغير يعني عنده استعداد للتغير ومحتاج حد يساعده ويصبر عليه
وهو صار عارف انه لو ما تغير ما راح تستمر معاه .. خليها تعطيه فرصه اخيره
وما تنسى ان ابغض الحلال عند الله الطلاق
والله يوفقها يارب

السلام عليكم

انا بعد مع الخوات اللي قبلي ..
ماقصرو بالرد..
ترجع لزوجها ..
والله هالله بصلاة الليل والدعاء المكرر..
وخاصه يوم الجمعه لايفوتها..احنا مانعرف بفضل هاليوم قد فضله..خليها تقرا سورة الكف والساعه اللي قبل المغرب انشاءالله مجابه..

تدعي وتدعي وتدعي ولا تيأس...الله مايضيع حق احد..واذا ماكان زوجها عند كلمته..وبعده حارمها من حقوقها ..وش احسن من ان ربي بياخذ حقك كامل مكمل

الصبر ياختي مفتاح الفرج..وصدقيني اتكلم بجديه كبيره

كل اللي قلته فوق الدعاء والصلاه ماحسيت بفايدتها الا يوم داومت عليها والدعاء المكرر وباذن الله ربي يفك كربتها وكرب الجميع انشاءالله

بسم الله الرحمن الرحيم

بعد انا انصحها ترجع لبيتها لكن في نفس الوقت انصحها تفهم زوجها وتفهم الأسباب اللي تخليه يتصرف التصرفات
ولازم تؤمن بأن اي شي قابل للتغير وهى بحكم انها زوجة فهي اقدر انسانه على تغييره وتحط في بالها انها
هي اللي مستفيده في النهايه

فيه اسباب كثيره تخلي الزوج يتصرف هالتصرفات
ويمكن هالأسباب هي اساسها ففيه بنات استفزازيات وفيه بنات هم بيدينهم يقدمون اسباب
للزوج انه يوصل للمرحله هذى من الأنانيه وعدم أحترامها واحترام اهلها وفي هالحاله لازم هي تصحح نفسها
وبالتالي تصرفات الزوج لابد تتحسن

ويمكن تاريخ الزوج واهله فشاب عايش حياة غير مستقره في البيت يشوف امه كيف تعاني وكيف ابويه يتصرف
وهذا كله صار اسقاطات اسقطها على حياته هو واسرته هو لذلك لازم على الزوجه تحتوي هالزوج وتحاول توفر
له الراحه النفسيه وتعلمه كيف يحبها ويحب بنتها لكن كل هذا يكون بأسلوب معين من التصرفات اهل الخبره هم اللي راح يفيدونها

في النهايه وصيها تتسلح بالدعاء والصبر

انصحها ترجع بيتها وتعطيه فرصه الدنيا حبيبتي تتغير بين يوم وليله وماتستبعد ان زوجها يتغير معها

وبالذات حبيبتي ان بينهم طفله

خليها تكثر من الدعاء والاستغفار

والله يسخره لها

عزيزتي .. كيف ننصحها بالطلاق الله يسامحك

خليها تركز على أصل المشكلة وين وتحاول تحلها

ترجع لبيتها .. نعم ترجع لبيتها ولزوجها وتخلي البنت تعيش حياة طبيعية مثلها مثل كل البنات

عفوا أختي قد تكون صديقتك هي السبب في التعامل معه بهذه الطريقة

تقعد معاه وتتناقش وتقول له إذا تشوفني غلطانة بشي قول لي علشان أصلح نفسي وتتفق معاه على أن هناك خطوط حمراء لابد ألا يتعداها مثل الكلام في الأهل ونحو ذلك وأنه لا يرضى أن تتكلم هي عن أهله بهذه الطريقة

تحاول تجلس مع نفسها وتشوف وش اللي تغير بحياتها خلاه ينقلب بهذا الشكل

تدعي الله في صلاتها إن يهديه ويصلح حاله ويجعله قرة عين لها ويجعلها قرة عين له ويرزقهم من واسع رزقه

وتدعي بالثلث الأخير من الليل

صدقيني المؤمن لما يلح على الله بالدعاء ما يضيعه أبدا

ربنا يوفقهم للخير ويبعد عنهم الشر

مشكورررررين خواتي ولله انه ما قلتو نفس لي اقوله لها بس هي ما تسمع الكلام او ارجو منكم تزيدون ردودكم عشان تقتنع

ترجع هالمره

وتشوف اذا تغير او لا

السلام عليكم

المفروض آخر حل تفكر فيه هو الطلاق

خصوصاً انه بينهم بنت حرام هذي تضيع شنوو ذنبهاا؟

عليها بالاستخارة !

السلام عليكم ورحمة الله وبركاته

ما شاء الله البنات ما قصّروا

طبعا ترجع لبيتها...و تداري على مشاكلها

و تنسى موضوع إنها لمّا تزعل تروح بيت أهلها...السيدة العاقلة تظل في بيتها و تصرّف أمورها و تحاول مع زوجها...و ما تتركه بسهولة و تروح بيت أهلها

الله يوفّقها يا رب

ترجع مره واثنين وثلاث والمراه تقدر تغير الرجل وتخليه خاتم انا ادري ان هالكلام صعب صعب صعب بس بالحكمه تقدر وانشالله الله يهدي لها

الله يعينج

السلام عليكم ورحمة الله وبركاتــــــه

دام المسئله بينهم بنوته عليها بالتفكير 100 مره قبل ماتخطي أي خطوه الى الطلاق
وممكن بالفعل تكون هي سبب تصرف زوجها بهذه الفضاضه برغم أنه مو من حقه يرفع إيده عليها لو كان مافي سبب يستحق ويفرضه الشرع
لكن دام الرجال وعدها بيتغير ياريت هم هي بعد تتغير معاه ويبدون صفحه جديده ينسون اللي فات وخليها تبتعد عن أهله وماتحاول تكون بينهم مشاحنات وتحسن علاقتها بيهم
وربي يوفقهم ويسعدهم

ولكم فائق تقديري وإحترامي
دمتم بخير