أفيدوني الله يجزاكم خير

أهلاً حبيبتي ..

اممم يعني السالفة انج تشكين بروحج ؟

ليش عااد ؟

انتي المفروض تكونين واثقة من نفسج وما تخافين ولا تحاتين اذا انخطبتي او عرستي .. لأنه انتي اذا ظليتي جذي راح يملووا الناس منج وخلاص محد بيخطبج .. انتي المفروض تواجهين الأمر بنفسج حبيبتي .. أكيد هذا اللي جه وخطبج سأل عنج من قبل .. يعني مو من الطريق جافج وخلاص .. لا .. المسألة فيها انه سأل الناس عن عائلتج وعنج .. وأكيد اعجب فيج وفي اخلاقج وصفاتج .. بعدين حبيبتي انتي لا تطالعين الماضي .. الماضي اسمه ماضي خلاص شعليج منه ؟ طالعي قدامج مو تلتفتين وراج .. لأنه الماضي انتهى حبيبتي .. لاتخافين واتوكلي على الله وحاولي ترجعين خطبتج باللي قبل .. وانسي فشلج في الماضي وادعي الله ينجحج في المستقبل القاااادم .. والله يسعدج في حياتج .. موفقة ان شاء الله

لا تخافين أوكي؟

السلام عليكم ورحمة الله وبركاته

أختي ممكن توضحي لي أكثر ؟

ما نوع التجارب اللي شفتيها و حسّيتي إنها فاشلة ؟

و هل كل التجارب حولك فاشلة ؟ ألم تري مثلا تجارب ناجحة تحسّي أنك نفسك تكوني مثلها ؟

بإنتظار ردّك أختي

استخيري وتوكلي على الله

حبيبتي اولا انتي انسانه شخصيتك حلوه ولو كنتي فاشله او فيك نقص صدقيني كان لاجاك احد ولاخطبك

عيوني رزي نفسك وعزيها ولاتنتظرين احد يرفع معنوياتك

ولاتحطين الفشل نقطه تعلقين عليها ترددك وخوفك

عيوني سالفة اذا وصلت للملكه تراجعتي تراها بتظرك
وترا هالشعور طبيعي بحدود المعقول
عيوني لمتى بتترددين لحد مايفوت عليك وتعضين اصابع الندم

عيوني اول حل المشاكل الدعاء لله بعدين ابدي بنفسك واضغطي عليها وخلي عندك قوه لاتخاذ الامور

والله يسهل لك

أختي العزيزة نعوومة قطر

لا أرى أنه هناك داعي لكل هذا الخوف من الزواج

وش فيه الزواج .. زي العسل :)

وإذا تنظرين للتجارب الفاشلة بتتعبين .. وليش ما تشوفين التجارب الناجحة

عندك مثلا أنا سعيدة جدا في زواجي .. وكل يوم هوشة عادي :D2

أمزح معك حتى تخرجي من هذا الشعور المسيطر عليك

الحياة الزوجية فيها الحلو وفيها المر .. وبالعكس أرى التجارب الناجحة أكثر من الفاشلة

أنصحك يا عسولة لما يتقدم لخطبتك أحد (قريبا إن شاء الله) بس تعاليلنا واطرحي موضوعك هنا وشوفي ردودنا .. بتقولين بتزوج بكرة خلاص كفاية عزوبية :)

وبعدين يا عسولة وين الاستشارة ووين الاستخارة ووين الاستعانة بالله

لا تخافين من الزواج ولا تحاتينه وايد

إنت قدها وقدود

ربنا يوفقك للخير ويبعد عنك الشر .. وننتظر الأخبار السعيدة

الله المستعان

مشكورين خواتي والله رفعتوا معنوياتي شوي الله يجزاكم خير و يوفقكم دنيا و آخره

السلام عليكم ورحمة الله وبركاته

أختي مرموم

التجارب الفاشلة أللي شفتها واااااااااااااايد
يعني أبتدي بمين و الا مين
أول شي أمي و أبوي , لما أشوف حالتهم لي وين أوصلت أكره الزواج و سنينه
آنا ما أبي أكون مثلهم
أبي حياتي تكون غير
أبي حياة ناجحة هذا أللي أبيه و بس وألله ما أبي أكثر من جذيه

بسم الله الرحمن الرحيم


أختى عندما يأتى النصيب لا أحد يقول لا ... ولما يجى لك ابن الحلال اللى ربنا قاسمه لك مش هتقدرى ترفضى


خلى ثقتك بالله كبيرة والله عز وجل عند ظن عبده به

وإن شاء الله ربى هيسعدك أختى ...

حبيبتي شي طبيعي الانسان يتأثر بمحيطه...

انا دايما اقول هالجملة لاتتاثيرين تاثير سلبي بالعكس انا بعد ماخبي عليج كانت حياتنا مأساويه لفترة سنتين الى ثلاث اسنين عشنا وضع الله لايحط اي انسان فيه

كرهت كل الرجال وكرهت فكرة الزواج وكرهة عمري بس بعد التفكير قلت في نفسي ليش ماتزوج الحياة حلوة وموكل الناس نفس الشي
والحمد لله الانسان الي برتبط فيه ان شاء الله انسان راائع والحمد لله

وعشان اوضحلج زيادة المشاكل اللي كانت الي فبيتنا كانت مشاكل عويصة بمعنى الكلمة ولكن الحمد لله بعد هالثلاث سنوات الحين عايشين حياتنا احسن من اي وقت ثاني بفضل الله سبحانه
حبيبتي مثل ماقالولج الاخوات الحياة فيها الشين وفيها الزين

اشدراج يمكن باجر لما تتزوجين اتكون حياتج مع زوجج احلى من حياتج لما كنتي في بيت اهلج!! صح!!
محد يدري

نصيحتي لج اختي لاتكونين سلبية وقولي لا بكون زوجة صالحة ومحبة لزوجي ولاتنسن "الطيبين للطيبات"
انا قريت من فترة قصة رائعة عن رجل وزوجته وكانت حياتهم اروع مايمكن......بذكاء المراة ممكن كل شي يصير باذن الله سبحانه..........صدقيني
خلي ايمانج بالله قوي وتوكلي عليه

تحياتي لج
اختج المحبة
#رومانسية#

مشكوررررررررررررررررررررررررررررررررررررين خواتي و الله يجازيكم خير و يخلي حياتكم كلها فرح بفرح يا رب قولوا آمين

نعومة يا قلبي

قلب لاعرس كنت نفسج واشوف الريايل كلهم مو شي بس حبيبتي الواقع غير

ماعليج من كلام الحريم كل وحده اتذم ريلها وتشتكي وهي تموت فيه لكن ماتبين

عشان محد يحط البال عليها وعلى ريلها فتلقين كلهم مايتكلمون الا عن الشين والزين

يخشونه اذا تزوجتي بتعرفين هالاسلوب :) لاتحاتين الزواج حلو وسهل والمسؤليات

اتجي بالتدريج وهاذي الحياة تجارب.

مشكورة أختي رهيفة الأحساس وعلى فكرة هالأسلوب أللي يتبعونه الحريم (أنهم أذمون ريياييلهم خوفا من الحسد ) أكتشفته لما عرست رفيجتي

[grade="00008B FF6347 008000 4B0082"]تبارك الله عرايسنا ما قصروا

الله يوفقك ويسهل أمرك وأمر كل البنات [/grade]

Neama حبيبة قلبي مشكورة على هالدعوة الحلوة والله يجزاج خير يا الغالية

الله يرزقج ان شاء الله الزوج التقي اللي يسعدج ويهنيج

ويرزق كل البنات اللي مب متزوجات

اختي قبل لا ترفضين صلي صلاة الاستخاره وتوكلي على الله و أصابع اليد مب سوى

أختج الدانه

مشكورة أختي الدانة الله يجزاج خير

السلام عليكم ورحمة الله وبركاته

هلا نعوومه عمري
ليش تخافين ولا تحاتين
كلنا ترى كنا نفكر بالطريقه هاذي
لكن بعد الزواج تحسفت اللي ما عرست من زمان ههههههههههههههههههههههههههههههههه

اختك تراني بعدي صغيره
بس بصراحه رجلي دلعني اكثر من الدلع اللي شفته عند اهلي
من قبل لين احد زعلني انطق بغرفتي لين ارضى بروحي
الحين غير لو ازعل ما ينتظر دقايق علشان يراضيني
ترى المثل يقول ((في بيت ابوك اجيره وفي بيت زوجك اميره))

المهم عمري لين تقدم لك ولد الحلال استخيري صلي صلاه الاستخاره والله يوفقك من كل قلبي

مشكورة يا الغالية بندور والله يسعدج يا رب