اشلون اتعامل مع زوجي العنيد

حبيبتي انا مثلج بس دايم اسمع امي الله يهديها لي تقول المرة لازم تتنازل شوي حتى تقدر تستمر مع الريال مو تصير هي وياه يضربهم عناد لان عندي نفس مشكلتك اذا زعلت مستحيل ادق لين الشخص الثاني يبدا وصعب علي الاعتذار جدا بس احاول اغير نفسي

السلام عليكم


حبيبتى ليلى لا تعقدين الامور لهدرجه فى بدايه مشوار الحياة الزوجيه راح تواجهين مجموعه من المشاكل والسبب ان انت وزوجك ما تعرفون بعض عدل وليلحين ما عرفت شنو الى يحبه وشنو الى ما يحبه بس بعد فترة صدقينى انشاء الله راح يتغير زوجك لانه راح يعرفج عدل انا كنت نفسج فى بدايه زواجى كنت اتهاوش مع زوجى واايد وما ارضى انه يغلط على وانا كنت نفسج عزيزة نفس وزوجى كان دايما يعاندنى بس بعد فترة تغير كل شى لانه مع مرور الايام راح تكبر العلاقة بينك وبين زوجج وحبيبتى احب اقول لك شى ان كثر ماراح نحبين زوجك اهو راح يحبج والله يوفقج انشاء الله ويتمم عليج ويرزقج بالذريه الصالحه حسنه الخلق والخليقه

انا من رايي انج تتنازلين حبيبتي حتى لو كان هو الغلطان بلعكس هاي ريلج و ما اعتقد انج بتنزلين من كرامتج كثر ما بتكبرين في عينه لو كان هو الغلطان و انت اللي راضيتيه
لأن الحياه اخذ و عطى لازم تتنازلين عشان تستمر الحياه و ماتخلين اي مشكله صغيره تأثر من بينكم

عفوا أختي ليلى رمضان

من كم يوم نزلتي موضوع تقولين فيه إنه الجدة توفت وعرسك بعد 3 أشهر

والآن تقولين متزوجة وعندك مشكلة مع الزوج

بودي ن أستفسر هل كانت تلك المشكلة لصديقة أم هذه المشلكة لواحدة أخرى؟؟

أرجو الرد حتى لا يكون هناك لبس في الموضوع

وربنا يبعد عن الجميع شر المشاكل

حبيبتي ابقولك شئ وخذيها مني كاخت

الزواج مسئوليه والي بيقدم عليها لازم يحط في باله ان الزواج متقلب يعني ايام حلوه وايام شينه يعني هوشه وسوء تفاهم وهو ملح الحياة

عيوني لاتحطين في بالك هالشئ وانتي لسا في بداية زواجك ولا بينزرع هالشئ في نفسك والخوف

اذا كان عنيد لازم تلينين ومو كل شئ تزعلين منه
يعني اذا رمى كلمه من هنا ولاهنا سوي كانك ماسمعتيه عيوني لو كل وحده بتحط اذنها لرجلها ماقعد احد ببيته الا ماندر

وبعدين خلينا نتكلم بصراحه وهذا من حبي لك ولاي وحده بتقراء موضوعك من المتزوجات
عيوني اي عزة نفس وانتي وياه نفس وحده يعني تمارسين معه حق الزوجين كما امر الله
اي عزة نفس تتمسكين بها
حبيبتي انا ماقول ذلي نفسك بس اي عزة نفس وانتي سكن له وهو سكن لك باخر الليل(اتوقع فهمتي كلامي)

حبيبتي لاتبدين حياتك بهالكلمه وترا الرجل مثل الطفل اذا عصب خذيه بالمزح والتنكيت ولاتاخذين كل شئ جد
ترا عموما الرجال جلوف ودفشين وبالذات في اول الزواج مايعرفون شخصية المره الي ماخذها عشان كذا تكثر المشاكل

عموما طولت عليك بس حبيت اساعدك لانك اخت لي
وشكرا

عزيزتي عروس ركن قضايا وحلول
نعم انا متزوجه ( لكن الحين مملوجه ) يعني ماصارت ليله الدخله وانشالله بشهر 7 راح اسوي حفل الزفاف بالرغم من وفاه جدتي
ونعم اهو زوجي وصارت بيني وبينه مشكله البارح انا اتكلم عن نفسي مو عن وحده ثانيه
ولا يوجد هناك اي لبس بالموضووع : )
يعطيج العافيه

عزيزتي bent_palestine

نعم انا متزوجه ( لكن الحين مملوجه ) يعني ماصارت ليله الدخله وانشالله بشهر 7 راح اسوي حفل الزفاف بالرغم من وفاه جدتي
ونعم اهو زوجي وصارت بيني وبينه مشكله البارح انا اتكلم عن نفسي مو عن وحده ثانيه
ولا يوجد هناك اي لبس بالموضووع : )
يعطيج العافيه

تصدقين بالله لف راسي

وأحس إني مش مركزة كثير

لما أركز شوي راح أرد عليكي

يعني إنتي بعدك مخطوبة؟؟ (حتى لو مكتوب كتابك اسمك مخطوبة مش متزوجة)

كيف رجعك لبيت أهلك وإنتي وين ساكنة ألحين أصلا؟؟

معلش سامحيني شكله الحمل بدأ يأثر فيني عدل