عندكم حل الله يخليكم ساعدوني بسرعه

السلام عليكم ورحمة الله وبركاته

ما أدري كيف أبدأ الموضوع أو طلب الخدمة
أنا مجلدة طاقة غرفتي(الشباك) من سنتين بجلاد أبيض مش الخاص بالشبابيك
لا الخاص بالكتب والدفاتر وإتحول لون أجزاء منه للأحمر من كثر الحرارة والشمس
فصار شكلة مشوه شكل الغرفة وبايخ
اليوم نزلت الطاقة إلي تتحرك (تنفتح وتسكر) وحاولت أنزله بالسكين تعبت وإنجرحت
يدي وإلي طلعت منة شخابيط يعني خطوط شكلها يفشل
المشكلة إن الطاقة كبيره ما شاء الله طول في عرض يعني أربع قط إثنين المتحركة أقدر أنزلة
وإثنين ثابتات ما أقدر أنزلها
جربت كبيت فوقها موية مغليه كمان ما في فايده الجلاد ما ينزل
ندمت لأني فكرت أنزل الجلاد منة لو خليتة شكلة أحسن من الشخابيط إلي سويتها

إلحين أنا أبغى أعرف طريقة أقدر أسهل تنزيل الجلاد من الزجاج

ترى حتى جربت الكبريت قلت أحرق الورق ويبقى الصمغ بعدين بنزلة بسلك المواعين
بس ما فايده ما تحرك الجلاد ولا صارله شئ هذا جلاد مو طبيعي

أنا إشوية وببكي من القهر جيت أبغى أكحلها عميتها وأمي و أختي يبغو يرجعوها وهي كده
وأنا ما أبغى, ما أعرف إيش أسوي ؟!!!
الله يخليكم ساعدوني أبغى حل اليوم إذا قدرتو لأني أنا من المدينة المنورة والجو حااار ما هو طبيعي
يعني اليوم لازم أرجع الشباك مكانة لأني ما أقدر أنام بدون مكيف

الله يخليكم لا تطنشوني حتى لو تردو السلام بس لا تطنشوني