شلون ارسل من التلفون للكمبيوتر؟؟؟

(

(صدى الصمت)

عروس مشاركة

12-06-2005 | 02:56 PM

بقولكم القصه كاامله..

انا شريت البلوتوث حق الكمبيوتر واعرف شلون اطرش ملفات من الكمبيوتر للتلفون والصور والويفات ..... الخ

انزين الحين انا مثلا صورت رفيجتي بتلفوني وابي اطرش صورة رفيجتي للكمبيوتر عشان اسيفها بالكمبيوتر لاني مابيها بالتلفون..

شلوووووووووون اطرشها للكمبيوتر؟ هذي سؤالي.....

لما اروح للصوره واختار ارسال بالبلوتوث>>>>البحث عن اجهزه>>>>يطلع لي جهاز الكمبيوتر>>>ارسااال

مايتم الارساال !
ليش مايتم الارسال؟؟؟؟
اكيد في طريقه عشان اطرش فيها من التلفون للكمبيوتر..

انزين شنو هي الطريقه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وعندي سؤال ثاني بعد:
انا مسحت صور بالغلط من تلفوني 6630 وانا ابييهم هالصور ..انزين شلون ارجعهم مره ثانيه؟
عندي برنامج السيليك بس ماعرف شلون ارجعهم ياليت احصل الطريقه وشكرا.

{

{ هََِِدوء

عروس فضية

12-06-2005 | 10:09 PM

والله مـاعندي خبرهـ ..
وإن شاءالله اهل الخبرهـ يساعدووونك ..
السمووحه يالغلا ..

(

(صدى الصمت)

عروس مشاركة

12-06-2005 | 10:28 PM

مشكوره حبيبتي على الرد .. عالأقل حسستيني ان في احد مهتم حتى ولو بكلمه ..

س

سكراب

عروس جديدة

13-06-2005 | 12:11 AM

قوة انا ممكن اجاوبك على السؤال الثاني ،، والجواب انه مايصير اترجعينها مره ثانيه

(

(صدى الصمت)

عروس مشاركة

13-06-2005 | 01:32 PM

مشكور اخوي :(((((

l

lene

عروس مبدعة

15-06-2005 | 01:33 PM

ســـــــــلام

عزيزتي
انتي ركبي الكبل في التليفون
بعدين افتحي الملف الخاص
في الجوال تبعك في الكمبيوتر
و فوتي ع التليفون او ع الميموري كورت
وين انتي حاطه الصوره
بس اطلعي مكان الصوره
اكبسي عليها في زر اليمين ع الماوس
اعملليلهااا تنزيل
او
Download

و حفضيها في اي مكان في الكمبيوتر تبعك

:

ان شاء الله اكون ساعتك
اماا
عن وصلت البلوتوث الصراحه انا لما الحين ما اشتريتهااا لجوالي
..
بس ع ما اعتقد انتي في الجوال تبعك افتحي البلوتوث
و افتحي في الكمبيوتر تبعك
بعدين اعمل
ارسال لصوره مع جوالك ع طريق للبلوتوث
بعدين يقوم الجوال في البحث ع اجهزه فيهاا لبلوتوث

و اذا طلع اسم البلوتوث تبع الكمبيوتر تبعك
اعملي ارسال
و راح توصل

ان شاء الله

:

اختك في الله
LeNe

(

(صدى الصمت)

عروس مشاركة

15-06-2005 | 10:08 PM

مشكور ه اختي وماقصرتي على الرد ..

بس الجواب الثاني جربت من زمان ومايصير :(

ا

الغيمه

عروس جديدة

16-06-2005 | 01:12 AM

مشكوووره
فديتينا بسؤالك........

ا

ام مهير.

مشرفة سابقة

16-06-2005 | 03:06 AM

اولا اختي.. شغلي البلوتوث حق الجوال.

ثانيا : روحي عند البلوتوث الموجود بالكمبيوتر واعملي استقبال من خلال الايقونه الموجوده عند الساعه ..

اعملي ارسال بالبلوتوث ويجي اسم الكمبيوتر.. واستقبلي واحفظيه.

ولان انتي تبعثين بدون استقبال من الطرف الثاني علشاان كذا يجي لم يتم الارسال. واكيد اللي مايوافق عالاستقبال كيف تجي عنده..!!!؟؟ ماتجي.

(

(صدى الصمت)

عروس مشاركة

16-06-2005 | 06:36 PM

آآآآآآآآآآآآآآآآآآآآآيه عليييييج انتي والله ..
والله اني من حطيت الموضوع وانا انتظر ردج..
وهالموضوع حاطته نفسه بالضبط في اكثر من منتدى وانتي الوحييييييده اللي عرفتي تردين علي..

صدقيني اني احبببببببببببببببببببببببببببببببببببج واااااااااااايد في الله :)

يعطيج الف عافيه..والله يهني هالمنتدى فيج ..

ا

ام مهير.

مشرفة سابقة

16-06-2005 | 10:43 PM

العفووووو اختي وحااضر لج افااا عليج هذه تخصصي الي اتخرجت منه.. خبرج المراقبين بالمنتديات الثانية موو جديرين بهالشيء..

وانا حتى مريت بالمنتدياات ولكن مالقيت الاهتمام للاعضاااء.. وحتى مواضيعهم منقووووله..

واذا بغيتي شيء ناديني وانا حااضره لج.

(

(صدى الصمت)

عروس مشاركة

17-06-2005 | 11:19 PM

اهااااا عشان جذي اجووفج خبره ..

يللا عساج عالقوه وماااتقصرييين ..

ا

ام مهير.

مشرفة سابقة

18-06-2005 | 07:14 PM

هالخبرره خيتووو كلهاا لكم..

واذا ماافدتكم شنوو ينفعني..

ر

ريحانة الجنة

عروس مشاركة

24-03-2010 | 05:24 PM

السلام عليكم

بارك الله فيكم اخواتي جميعا

والله انا ودي انزل صور من الجوال الي الكمبيوتر ومن الكمبيوتر الي الجوال و الحقيقة في حاجات كثيرة مافهمتها

الحين انا في جهازي الكمبيوتر مافيه بلوتوث والجوال تبعي n70 فيه بلوتوث واجى معه سي دي وكيبل فكيف اسوي

اشرحوا لي الطريقة بالتفصيل وياليت يكون فيه صور وبالعربي لحسن اغرق بشبر موية شاكره لكم حسن تعاونكم