اكبر غلط في حياتي..

[font=Comic Sans MS]والله ماعرف من وين ابدأ او شلون ابدأ لأن مشكلتي معقده و انا اللي حطيت روحي بهالموقف
عموما ما بطول و الله يخليكم ابي حل..ابي ارتاح..ابي اعيش مرتاحه مثل قبل
كنت دايما اروح لأحدى الأماكن مع صديقاتي و كان في شاب دايما يقعد و يطالعني طول ما انا هناك..المهم و بحكم تربيتي ما كنت اعطيه اي اهتمام ولا احسسه اني اعلم بوجوده...صار فتره كل اسبوع اروح اشوفه و كنت اتعمد اني اعطي ظهري و انا قاعده...فأهو كم مره يغير مكانه بس عشان يقعد و يشوفني...المهم الصراحه كان شكله حلو و وايد كنت افرح لما اشوفه و تضايق لسبوع اللي ما شوفه فيه...تدرون مراهقه توني 18سنه...بس ماكنت ابين له هالشي...المهم ضلينا تقريبا 7 شهور على هالحاله تقريبا كل اسبوعين اشوفه مره..المهم بعدها بدأ يسأل الي يشتغلون في المحل عني و كانوا اقولون له اني كل اسبوع فليل اجي مع اهلي..و هو لما يشوفني اكون مع صديقاتي هناك العصر...المهم بعد هالسبع شهور تفاجئت به يصورني بتلفونه...بس ما كنت اعرف شلون اتصرف خصوصا ان المكان عام ..و هو طول هال الأشهر كان اطرش لي بلوتوث و طبعا انا ما استقبل دايما ارفض..لأن هالشي غلط و الحمدلله اهلي ماقصروا معاي و لازم دايما اخلي راسهم مرفوع و طول حياتي حاطه في بالي اني مستحيل اكلم اي شاب مهما كان و الي يبيه الوحده يدخل لها من الباب
المهم بعد طول هالأشهر ياني فظول و قبلت لبلوتوث و كان في صورة قلب و رقمه..بس ماعطيت السالفه اي اهميه بس رجعت البيت و وايد كنت متضايقه لأن صورني..و انا مادري هالصوره شممكن اسوي فيها
اوه نسيت اقلكم طلعتنه من هالمحل لحقنا بالسياره و ماكنا عارفين نروح البيت لأن كنا خايفين يدل بيتنا و تصير مشكله او نشوفه كل يوم هناك...فبنت عمي وقفت جهه وحده و قامت تصارخ عليه و تقوله احترم نفسك احنا بنات ناس..بترضاها على خواتك و مشت عنه و هو كان منحرج
المهم اني قلت حق بنت عمي اللي كانت دايما معاي و اهيه اكبر مني بسنتين..فكانت خايفه علي و قررت ان تكلمه بأدب عشانه يمسحهه..اتصلت عليه و قالت له البنت مالها ذنب انك صورتها و انت ما بترضاها على خواتك فقام يحلف ان ما صور بس قال ان حاول يصور..معنى كنا متأكدين لأن شايفينه..المهم و صكت التلفون
بعدها اليوم الثاني طرش لها مسج يسأل فيه اذا انا مخطوبه او مرتبطه اهيه قالت له البنت للحين صغيره و قام بين كل فتره و فتره يتصل يسأل عني و صج ان كان غلط ترد عليه بس مادري شلون قدر اقص علينه...اسلوبه عجيب..لسانه معسوووول لأخر درجه..لدرجة ان اخليج تستحين ترديرن عليه من طيبه..المهم مرة فتره و هو مصر يعرف رقمي او يكلمني و انا رااافضه لأن تربيتي ما تسمح لي اكلم شاب على هالأساس و بنت عمي كانت رافضه تخلي يكلمني
و مر تقريبا اسبوعين او ثلاثه و انا بعده رحت بيت عمي و هو كان متصل في بنت عمي يسأل عني اهيه ماقالت له اني موجوده بس كانت حاطه عل لسبيكر و كنت اسمع كلامه
الصراحه وايد كنت منصدمه من طريقته..يعني وايد اخذ على بنت عمي و قعد سوالف و ضحك معاها..بنت عمي من النوع اللي وايد اجتماعي ..و انا كنت من صدمه منه و رجعت البيت اصيح..لأني انا السبب اللي خليتهه في هالموقف و حسيته من كلامه ان لعاب و يبي يتسلى...
و تصرفت تصرف طايش بس ماكنت حاسه لروحي..كنت وايد متضايقه اني خليت بنت عمي في هالموقف اللي يسمح له يرفع الكلفه من بينهم و كلمها بهالطريقه..يعني سوالف و ضحك..فقلت انا اللي حطيتها في هالموقف و انا بنهي!!
فرحت و طرشت له مسج..قلت له لتتصل فيها و انسى انك عرفتنه اهيه اتصلت عشان الصوره و انت قلت حاولت بس ما صورت و انتهى الموضوع ما اعتقد لداعي بعد تكلمها..و كنت وايد متضايقه لأني ماتوقعت منه
فأرسل لي مسج كتب فيه اسف و جذي بس انا طنشته
و اتصل فيها و قعد يمثل انه اصيح و اقول مأسات حياته و شلون عاش و عانى في هالدنيا بعيد عن امه و من هالكلام اهو كسر خاطرهه و تصلت فيني و قالت لي كل شي و عورني قلبي عليه و ارسلت له مسج قلت له اني اسفه بس انت تعرف شباب هالأيام ينخاف منهم و انا ماعرفك عشان اثق فيك
بعدها اليوم الثاني ارسل لي مسج كاتب فيه صباح الخير و من هالمسجات و انا رديت عليه و ضل فترة اسبوعين و هو يكلمني بالمجات و يلح اني اكلمه تلفون و انا راااافضه..لين بدا كل مره لين ارفض يقولي انا ماعندي احد في هالدنيا و بروحي عشان يعورني قلبي عليه..وانا هاي اول تجربه لي و ماعرف شلون اتصرف و صدقه في كل شي
لين شوي شوي تمكن و قمت اكلمه في التلفون في الأسبوع مره اما باقي الأوقات اذا كان في الشغل اكلمه بالمسجات ولما يرجع البيت اكلمه على المسنجر من 7 المغرب لين 12-1 فليل
و حسيت اني متعلقه فيه خاصه ان كان كل يوم اقولي عن المأسي اللي عاشهه و عانى فيها وحيد في هالدنيا مع مرت ابو ضالمه و امه ***** و عماته ما كانوا يعاملونهه عدل بحكم ان احنى خليجيات و اهيه اجنبيه لحد ما طلقها ابوه و هو ما شافه من اهوه عمره 3سنين
و انا قلبي اعورني عليه و اصدق
ز اهو شكله مب عود فقالي عمره 26 و ويا الوقت قالي عمره 28 و بعدين قالي ان حاسس بالذنب او خاف اني ارفضه عشان عمره فضطر يكذب بس الصج عمره 29 و قالي كان خاطب و نفصل و يبي يتقدم لي و انا رافضه حاليا لأن بعدي صغيره و ابي اكمل فكان الح ان يتقدم لي الحين و انا اقوله بيتنا مستحيل يوافقون بسبب عمره لأني مابي اجرحهه
بس الصج ان عائلتنا وايد محافضه و ابوي وايد يهمه ان الصبي يكون متربي على الحلال و اهوه ابو ماخذ 3 و يشرب و ابو يشرب و اخوانه كل واحد في جهه..و فارق السن اللي بينه...
و كنت اقوله ان ما بيدي شي الحين الا اذا كملت دراستي بصر عليك و يمكن يوافقون
المهم مرة الأيام و انا على حالي مصدقته و مصدقه وقاحته و جذبه علي
لين تأكد اني تعلقت فيه و قالي ان عنده من زوجته بنت وولد توأم هني انا حسيت بيتنا مستحيل يوافقون
و في يوم بنت عمي كانت تكلمني ولكن بصوت عالي و صريخ..و تقولي هاي جذاب..و قطعي علاقتج فيه
و عمي بالدفه كان طايف عند غرفتهه و سمع ما عرف شنو بالضبط بس عرف اني اكلم واحد و حاول يسألهه بس ماردت عليه و قرر ان يكلمني و احنا جذبنا عليه قلنا له ان هاي واحد يبي يخطبني و اخته كلمتني و انا مارديت عليه لين الحين
ما توقعت ان عمي بيتفمني و قعد ينصحني و قولي اهلج معروفين و سمعتهم طيبه و ابوج ما يستاهل تسوين هالشي عمره ما قصر معاكم و دايما احسسكم ان صديقكم قبل ما يكون ابوكم
انا وايد اثر فيني كلام عمي و وعيت لنفسي لأني كنت ناسيه حالي و تربيتي و مستمره و قلت له شصار و نقطعت عنه يومين بعدهه بطريقه مب مباشره كان اقولي بنت عمج تغار و تبي تخرب بينه و راحت قلت له و انا مستحيل اتنازل عنك و من هاكلام المسووول اللي ما تعرفين تردين عليه
و استمريت اكلمه و نفسيتي وايد تعبانه لدرجة اني ماكنت اقدر اطالع ابوي في عينه
وايد يعورني قلبي عليه لأن رباني احسن تربيه و ما قصر علي و انا قعده اجازي بسوء الطرق..و كان دايما اقولي اني واثق فيج و كل معاي ينصحني ما يغريني كلام احد والبنت الزم ماعليها سمعتهه..
فقررت اني اتوب بس ما كنت اعرف شلون
ففي وحده من صديقاتي كانت دايما تنصحني و تقولي اهلج ما يستاهلون في يوم خذت رقمه مني على اساس انها بتقوله ينهي علاقته فيني و كانت متصله بتهاوش و جذي بس ماقدرت طبعا لأن لسانه وايد معسول لدرجة ان الواحد يستحي ارد عليه بلغلط و قعدت اتقوله لبنت انا اعرف اهلها و انت مستحيل تاخذها اتركها في حالها و انت ما ترضاهه على خواتك وانت عود و فاهم و خاف ربك و من هالكلام
يوم كانت تكلمه كانت حاطه على الأسبيكر و كنت اسمعه يتكلم و لاحضنا انها كلما تصك عليه باكلام و يكون ما عنده رد يبدأ يمدحها عشان ما تعرف ترد عليه بس اهيه جزاها الله خير ما قصرت فيه و قالت له عين العقل و اهوه كان مصر ان ما يتركني و من كلامه حسيت ان واحد جذاب بس يبي يتسلى فيني
و شوي شوي قمت اكتشفه ان جذاب و وعيت لنفسي و تبت لربي ووعدت نفسي اني ارجع مثل قبل و احسن و محد ياخذ الى نصيبي واللي يبي البنت يدخل لها من الباب و انا بعدني صغيره
فكان دايما يتصل فيني و انا مارد عليه ويطرش مسجات و ما رد عليه
لين قبل كمن يوم قالي ان بيسافر حق امه لأن نفسيته تعبانه
نسيت اقولكم مره كنت في برمود ادفع و هو كان واقف وراي و فتحت بوكي عشان ادفع و طاحو صور منه فنزلت اخذهم بسرعه و هو خذ وحده منهم و راح و اتصلت في يرجع الصوره بس مارضى..و انا متحجبه و الصوره اللي خذاها انا مب متجبه فيها
و ماكنت اقدر اوقف معاه و اخذهه لأن في مكان عام بس اصريت يرجعها و ما رضى يقولي شفتك خلاص ليش اردها
عاد يوم اللي بيسافر قلت له ما بيني و بينك شي و خلاص بس رد لي الصوره و قام يجذب و يقول من قهره حرقهه بس باقي منها الجزء اللي فوق وو جهي مايبين ومن هالكلام اللي ما يدش العقل
فقالي تبينها قلت ايه فقام غير الموضوع ان ما عنده و من هالكلام
انا واايد خايفه الحين و معرف شسوي
اهوه الحين عند امه بس بيرجع بعد اسبوعين تقريبا و دايما يتصل فيني و في بنت عمي من هناك و مانرد عليه
بس صاير يتصل فيها اكثر و ماترد عليه
والرجال مب هين و انا والله خايفه منه..لأن من كلامه حسيت اناظن اني جرحت كبرياء والرجل بطبيعته مب عادي عنده ان البنت اهيه اللي تتركه مب اهوه
المشكله ان يعرف اشكال امي و ابوي و خواني و يعرف محلات ابوي في وين..وانا خايفه يوصل شي حق ابوي مب عشان شي بس ابوي مريض ما يتحمل اي صدمات..هاي ليش يوم عمي سمع بنت عمي ما قال حق ابوي شي لأن خايف عليه
خايفه مايرد لي الصوره..و مادري اذا سجل صوتي او لا و عنده مسجاتي في تلفونه و ما عرف شسوي..هل احاول اني احصل رقم اخته لأنها كلمتني مره بما انها ملتزمه و عمرها 33 و يمكن تتفهم و تساعدني..او اني اذا كلمتها و تدخلت بعصب و الله يستر بعدين او اني اطلب منه الصوره مره اخيره اذا رجع بس ما الح عليها عشان ما يحاول اذلني و اذا ما فاد اقوله انت و ضميرك و سو كل اللي يمليه ضميرك عليك و من بعدها خلاص اسلم كل شي لربي و اسكت عن الموضوع
او شسوي الله يخليكم نصحوني والله اني غلطت في لحضة طيش و احس اني بتحمل ذنب هالغطه طول حياتي بس الحمدلله تربيتي ردتني لأصلي و ما خلتني استمر بهالطريق و وعيت لحالي و ماستمريت..الله يخليكم نصحوني جزاكم الله خير
مع العلم اني بس كلمته شهرين يعني مدى كلش قصيره
وهو مصر ان مايتخلى عني ولا يتركني في حالي لأن على حسب كلامه ما يقدر يعيش من دوني و دايما يجذب ويقول ان طاح مريض في المستشفى بسببب هالشي و الخ
الله يخليكم لتبخلون علي في ردودكم و نصايحكم والله خايفه من الي ياي[/font]